11-Dec-2025

ବଲାଙ୍ଗିର ଜିଲ୍ଳାରେ ମଣ୍ଡିର ଶୁଭାରମ୍ଭ କରାଯାଇଛି । କିନ୍ତୁ ସ୍ବାଭାବିକ ଭାବେ ମଣ୍ଡିରେ ଧାନକ୍ରୟ ପ୍ରକ୍ରୀୟା ଆରମ୍ଭ ହୋଇ ପାରିନାହିଁ । ମଣ୍ଡି ଖୋଲିବାରେ ବିଳମ୍ବ ହେଉଥିବାରୁ, ଏହାର ଫାଇଦା ନେଉଛନ୍ତି ମିଲର୍ସ । ମିଲର୍ସ ମାନେ  ଦଲାଲ ମାନଙ୍କ ସହାୟତାରେ ବସ୍ତା ବସ୍ତା ଧାନ ଆଣି ମିଲରେ ଭର୍ତ୍ତି କରୁଛନ୍ତି । ସଇଁନ୍ତଲା ବ୍ଳକ ପିପରୁଟ ଠାରେ ଥିବା "ମହାବୀର ରାଇସମିଲ" ର ଏପରି  କଳାକାରନାମାର ଏକ ଭିଡିଓ କ୍ଲିପିଙ୍ଗ୍ଭ ଆମ ହାତରେ ଲାଗିଛି । ମିଲ ଭିତରକୁ ପଶୁଛି ବାହାର ଜିଲ୍ଳାରୁ ଆସିଥିବା ଶହ ଶହ ବସ୍ତା ଧାନ, ଚାଉଲ । ତେବେ ଜିଲ୍ଲା ମୁଖ୍ୟ ଯୋଗାଣ ଅଧିକାରୀଙ୍କ ଏନେଇ ଖବର ପହଁଞ୍ଚିବା ପରେ ଟିଟଲାଗଡ଼ ଏ.ସି.ଏସ.ଓଙ୍କୁ ତଦନ୍ତ ନିର୍ଦେଶ ଦେଇଛନ୍ତି l ବୁଧବାର ଦିନ ଏକ ପିକଅପ୍ ରେ ଧାନ ବୋଝେଇ ପିପରୁଟ ସ୍ଥିତ ମହାବୀର ରାଇସ ମିଲ୍ କୁ ପଶୁ ଥିଲା l ଏହି ସମୟରେ କିଛି ଗଣ ମାଧ୍ୟମ ପ୍ରତିନିଧି ପହଂଚି ଏନେଇ ଖୋଳତାଡ଼ କରି ଥିଲେ l ପିକ୍ଅପ୍ ଡ୍ରାଇଭର୍ ପିଣ୍ଟୁ ସାହୁଙ୍କୁ ପଚାରିଥିଲେ କିନ୍ତୁ ସେ ଗାଡିରେ କଣ ଅଛି ଜାଣି ନାହିଁ l ମାଲିକ ମିଲ୍ ରେ ଏହାକୁ ଦେଇ ଆସିବାକୁ କହିବାରୁ ଆଣିଛି ବୋଲି କହିଥିଲା l ପିକଅପ ଗାଡିରେ ଥିବା ବସ୍ତାରେ କଣ ଅଛି, ଜାଣିନାହାନ୍ତି ଡ୍ରାଇଭର । ଡ୍ରାଇଭରଙ୍କ ପ୍ରତିକ୍ରୀୟାରୁ ଜଣା ପଡିଯାଉଛି, ମିଲର କଳାକାରନାମା । ମିଲ ସାମ୍ନାରେ ଛିଡା ହୋଇଛି ପିକଅପ । ପିକଅପ ଭିତରେ ଅଛି ବସ୍ତା ବସ୍ତା ଧାନ, ଚାଉଳ । ଏ ଦୃଶ୍ୟ ହେଉଛି ବଲାଙ୍ଗିର ଜିଲ୍ଳା ସଇଁନ୍ତଲା ବ୍ଳକ ପିପରୁଟ ଠାରେ ଥିବା ମହାବୀର ରାଇସ ମିଲର । ବଲାଙ୍ଗିର ଜିଲ୍ଳାରେ ମଣ୍ଡି ଖୋଲିନଥିବା ବେଳେ, ବେଆଇନ ଭାବରେ ମିଲ ଭିତରକୁ ଅଣାଯାଉଛି ଧାନ ଓ ଚାଉଳ । ମିଲକୁ ପିକଅପ ଓ ଟ୍ରକରେ ଶହ ଶହ ବସ୍ତା ଧାନ ଚାଉଳ ଆସୁଥିବା ନେଇ ଖବର ଆସି ଥିଲା । ଆଉ ସତକୁ ସତ ଦେଖିବା ବେଳକୁ  କ୍ୟାମେରାରେ କଏଦ ହୋଇଥିଲା ପିକଅପ ଗାଡି  । ଡ୍ରାଇଭର କହୁଛି କଳହାଣ୍ଡି ଜିଲ୍ଳାରୁ ପିକଅପ ଗାଡି ଆଣିକି ଆସିଥିଲା । ବସ୍ତାରେ କଣ ଅଛି ଜାଣିନାହିଁ । କାଗଜପତ୍ର ଚାଉଳ ଥିବା ଲେଖାଯାଇଛି । କିନ୍ତୁ ଚାଉଳ ସହିତ ଧାନ ମଧ୍ୟ ମିଲ ଭିତରକୁ ନିଆଯାଉଥିବା ଜଣା ଯାଉଛି । ନିୟମ ଅନୁସାରେ, ମଣ୍ଡି ଖୋଲିବା ଆଗରୁ ମିଲ ଭିତରକୁ କୌଣସି ଚାଉଳ କିମ୍ବା ଧାନ ବୋଝେଇ ଗାଡି ଯାଇ ପାରିବ ନାହିଁ । କିନ୍ତୁ ଖୁଲମଖୁଲ୍ଲା ବେଆଇନ ଭାବରେ ମିଲରେ ଭର୍ତ୍ତି କରାଯାଉଛି ଧାନ ଓ ଚାଉଳ । ସରକାରଙ୍କୁ ଭୁଆଁ ବୁଲାଇ ବାକୁ ଯୋଜନା କରୁଛନ୍ତି ମିଲର୍ସ ।  ପ୍ରତିକ୍ରୀୟା ନେବାରୁ, ମହାବୀର ରାଇସ ମିଲ୍ ର ମାଲିକ ସଜ୍ଜନ ଅଗ୍ରୱାଲ ସନ୍ତୋଷ ଜନକ ଉତ୍ତର ରଖି ପlରିନଥିଲେ l
ବଲାଙ୍ଗିର ଜିଲ୍ଳା ରେ ଧାନମଣ୍ଡି ଖୋଲିନାହିଁ । ଧାନ ଖଳା ଗୁଡିକରେ ପଡିରହିଛି ଚାଷୀର ବସ୍ତା ବସ୍ତା ଧାନ । ଧାନ ଉଧାର କରି ଧାନ ଚାଷ କରିଥିବା ଚାଷୀକୁ ଏବେ ଟଙ୍କା ଦରକାର । ତେଣୁ ଚାଷୀ ବାଧ୍ୟ ହୋଇ କମ ମୂଳ୍ୟରେ ଦଲାଲ ହାତରେ ଧାନ ବିକ୍ରୀ କରିଦେଉଛି । ଆଉ ଦଲାଲ ମାନେ ମିଲ ମାଳିକ

ସହିତ ହାତ କରି, ମିଲକୁ ପଠାଉଛନ୍ତି ଧାନ । ଚାଷୀ ମାନେ ଅଭାବୀ ବିକ୍ରୀର ଶିକାର ହେଉଥିବା ବେଳେ, ମାଲେମାଲ ମିଲ ମାଳିକ । ସଇଁନ୍ତଲା ପିପରୁଟର ମିଲ ମାଳିକ ସଜନ ଅଗ୍ରୱାଲ ଙ୍କ ମହାବୀର ରାଇସ ମିଲ ବିରୋଧରେ ତଥ୍ୟ ପ୍ରମାଣ ଥାଇ ମଧ୍ୟ କୌଣସି ତଦନ୍ତ କରୁନାହିଁ ଜିଲ୍ଳା ପ୍ରଶାସନ କିମ୍ବା ଯୋଗାଣ ବିଭାଗ । ନିୟମ ମୁତାବକ ଯୋଗାଣ ବିଭାଗ ଓ ପ୍ରଶାସନର ମିଳିତ ଟିମ ମିଲ ଗୁଡିକୁ ଯାଂଚ କରିବା କଥା । କିନ୍ତୁ ସବୁକିଛି  ସଳାସୁତୁରା । ଶୀଘ୍ର ମିଲ ଉପରେ ଚଢଉ କରି ସିଲ କରିବାକୁ ଦାବୀ କରିଛନ୍ତି ଚାଷୀ । ଅନ୍ୟପଟେ ଜିଲ୍ଳା ମୁଖ୍ୟ ଯୋଗାଣ ଅଧିକାରୀ, ରଞ୍ଜନ ପଣ୍ଡା ଅଭିଯୋଗର ତଦନ୍ତ କରିବା ପାଇଁ ଏ.ସି.ଏସ.ଓଙ୍କୁ ନିର୍ଦେଶ ଦେଇଛନ୍ତି ।