30-Nov-2025

ଡୁଙ୍ଗୁରିପାଲି(ଅରବିନ୍ଦ ମିଶ୍ର):  ଡୁଙ୍ଗୁରିପାଲି ଆର ଏମ ସି ପରିସରରେ ରଜକ ସମାଜ ପକ୍ଷରୁ ନିତେଇ ଧୋବଣୀ ମନ୍ଦିର ପ୍ରତିଷ୍ଠା ପାଇଁ ସାଧାରଣ ବୈଠକ ଅନୁଷ୍ଠିତ। ବଲାଙ୍ଗୀର ଜିଲ୍ଲା ସମ୍ପାଦକ କୀର୍ତିଚନ୍ଦ୍ର ସେଠଙ୍କ ଅଧକ୍ଷତାରେ ବୈଠକ ଅନୁଷ୍ଠିତ ହୋଇଥିବା ବେଳେ  ବଲାଙ୍ଗୀର ଠାରେ ଆଗାମୀ ଫେବୃୟାରୀ ୨୫ତାରିଖ ରୁ ମାର୍ଚ୍ଚ ୧ତାରିଖ ପର୍ଯ୍ୟନ୍ତ ମଁ ନିତେଇ ଧୋବନୀ ମନ୍ଦିର ପ୍ରତିଷ୍ଠା ମହୋତ୍ସବ ହେବାକୁ ଯାଉଥିବା ବେଳେ ତା ଉପରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ଏଥିରେ ବଲାଙ୍ଗୀର ଜିଲ୍ଲାରୁ ଆସିଥିବା ମନ୍ଦିର ପ୍ରତିଷ୍ଠା କମିଟିର କର୍ମକର୍ତା ତଥା

ଜିଲ୍ଲା କମିଟିର ସଦସ୍ୟ ମାନେ ଅସି ମନ୍ଦିର ପ୍ରତିଷ୍ଠା ପାଇଁ ନିମନ୍ତ୍ରଣ ପତ୍ର ଦେଇଥିଲେ। ଏହି ବୈଠକରେ ସୁବର୍ଣ୍ଣପୁର ଜିଲ୍ଲା ରୁ ବୀରମହାରାଜପୁର, ଉଲୁଣ୍ଡା, ସୋନପୁର, ତରଭା, ବିନିକା, ଡୁଙ୍ଗୁରିପାଲି ବ୍ଲକ ରୁ ସମସ୍ତ ସଦସ୍ୟ ମାନେ ଉପସ୍ଥିତ ରହି ଥିଲେ। ସମସ୍ତ ବ୍ଲକର ସଦସ୍ୟ ମାନେ ମନ୍ଦିର ପ୍ରତିଷ୍ଠା ପତ୍ରିକାକୁ ସବୁ ଗ୍ରାମର ରଜକ ଭାଇଙ୍କ ଘରକୁ ଘର ପହଚାଇବାର ଦାୟିତ୍ୱ ଦିଆଯାଥିଲା। ବୈଠକରେ ଯୋଗ ଦେଇଥିଲେ ସୁବର୍ଣ୍ଣପୁର ଜିଲ୍ଲା ସଭାପତି ରତ୍ନାକର ସେଠ, ଡୁଙ୍ଗୁରିପାଲି ବିନିକା ଅଂଚଳକ କମିଟିର ସଭାପତି ଦେବରାଜ ସେଠ, ଜିଲ୍ଲା ଉପ ସଭାପତି କ୍ଷେମା ସେଠ, ଜିଲ୍ଲା କୋଷାଧକ୍ଷ ପ୍ରଶାନ୍ତ ସେଠ, ବରିଷ୍ଠ ସଦସ୍ୟ ଆଲା ସେଠ, ଦୁଃଖୁ ସେଠ, ସୁବାଷ ସେଠ, ସାନୁଜ ସେଠ, ଅବଧାନ ସେଠ, ସରତ କୁମାର ସେଠ,ଯୋଗ ଦେଇଥିବା ବେଳେ ବଲାଙ୍ଗୀର ଜିଲ୍ଲାରୁ ଶେଖର ସେନ ସେଠ, ସୁଦାମ ସେଠ, ନୂଆକର ସେଠ, ପ୍ରସନ୍ନ ସେଠ, ଅଶୋକ ସେଠ ପ୍ରମୁଖ ଉପସ୍ଥିତ ହୋଇଥିଲେ।