29-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁରର ଅଧିଷ୍ଠାତ୍ରୀ ଦେବୀ ମା ସୁରେଶ୍ଵରୀ ଙ୍କ ମନ୍ଦିର ସମ୍ବୁଖରେ ଥିବା ଚାରି ଗୋଟି ବିପଦ ସଙ୍କୁଳ ସରକାରୀ ବାସ ଭବନକୁ ଆଜି ଜିଲ୍ଲା ତଥା ପୌର ପ୍ରଶାସନ ପକ୍ଷରୁ ଭଙ୍ଗାଯାଇଛି l ଜିଲ୍ଲାପାଳ ଡ଼. ନୃପରାଜ ସାହୁ ଓ ପୌର ପରିଷଦ କାର୍ଯ୍ଯ ନିର୍ବାହୀ ଅଧିକାରୀ ଋଷି ମାଝୀଙ୍କ ଉପସ୍ଥିତି ରେ ଆଜି ଏହି ଘର ସବୁ ଭଙ୍ଗା ଯାଇଛି l ବିପଦ ସଙ୍କୁଳ ଘରର ପ୍ରମାଣ ପତ୍ର ପୂର୍ତ୍ତ ବିଭାଗ ପାଖରୁ ପାଇବା ସହ ଅନୁମତି ମିଳିବା ପରେ ଆଜି ଏହି ପଦକ୍ଷେପ ଗ୍ରହଣ କରାଯାଇଥିବା ବିଷୟ ପୌର ପରିଷଦ ପକ୍ଷରୁ ଖବର ମିଳିଛି l ଦୀର୍ଘ ବର୍ଷ ପୂର୍ବରୁ ଅବସର ଗ୍ରହଣ ପରେ ମଧ୍ୟ   ସ୍ବାସ୍ଥ୍ୟ, ଶିକ୍ଷା ଓ ପୋଲିସ ବିଭାଗର କିଛି କର୍ମଚାରୀ ଏହି ସରକାରୀ ବାସଭବନ ସବୁକୁ ମାଡି ବସିଥିଲେ । ଆଶ୍ୱିନ ମାସ ଓ ଚୈତ୍ର ମାସରେ ମା ସୁରେଶ୍ୱରୀ ଙ୍କ ପୀଠ ରେ ପ୍ରବଳ ଜନ ସମାଗମ ହେଉଥିବା ବେଳେ ଏହି ଖାଲି ସ୍ଥାନରେ ଯାନବାହାନ ରଖିବା ପାଇଁ ଷ୍ଟାଣ୍ଡ କରିବାକୁ ଜନସାଧାରଣ ରେ ଦାବୀ ହେଉଛି ।