29-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ ଖମ୍ବେଶ୍ୱରୀପାଲି ସ୍ଥିତ ମା ମାହେଶ୍ୱରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି । ଦୁଇ ଦିନ ଧରି ଚାଲିଥିବା ଏହି ବାର୍ଷିକ କ୍ରୀଡା ଉତ୍ସବ ଅଧ୍ୟକ୍ଷା ସୁଶ୍ରୀ ସ୍ବପ୍ନା ମହାପାତ୍ରଙ୍କ ଅଧ୍ୟକ୍ଷତାରେ  ଅନୁଷ୍ଟିତ  ହୋଇଥିବା ବେଳେ କାଲି ଉଦଯାପିତ ହୋଇଯାଇଛି  । ଏଥିରେ ସମ୍ମାନିତ ଅତିଥି ଭାବେ କ୍ରୀଡା ସଂଯୋଜକ ନାରାୟଣ ନାୟକ, ମମତା ଦାସ, ଦେବାଶିଷ ମିଶ୍ର, ମାଧବୀ କର୍ମୀ ଯୋଗ ଦେଇଥିଲେ । ମାଧ୍ୟମିକ ବିଦ୍ୟାଳୟ ର ଖେଳ ଶିକ୍ଷକ ମଦନ ମୋହନ ପୁଟେଲ ଖେଳ ପରିଚାଳନା କରିଥିଲେ ଓ ତାଙ୍କୁ ସହଯୋଗ କରିବା ପାଇଁ  ଅନ୍ୟ ବିଦ୍ୟାଳୟ ର ଖେଳ ଶିକ୍ଷକ ଦାମୋଦର ଠେଟୁଆଲ, ଯଶୋବନ୍ତ ପୁଟେଲ,  ଶ୍ରୀଧର ପୁଟେଲ, ଲକ୍ଷ୍ମଣ  ଥନାପତି ପ୍ରମୁଖ ଉପସ୍ଥିତ ଥିଲେ। । ଏହି ଅବସରରେ କଲେଜ ଠାରୁ ଏକ ମଶାଲ ଶୋଭାଯାତ୍ରା ବାହାରି ମାହେଶ୍ୱରୀ ମନ୍ଦିର କୁ ଯାଇ ସେଠାରୁ ଖେଳେ ପଡିଆ ଠାରେ ପହଞ୍ଚି ଥିଲା । ୧୨୦ ଜଣ ଛାତ୍ରଛାତ୍ରୀ ଖେଳ ପ୍ରତିଯୋଗିତା ରେ ଭାଗ ନେଇ ତାଙ୍କର ଦକ୍ଷତା ପ୍ରଦର୍ଶନ କରିଥିବା ବେଳେ ଅନ୍ୟାନ୍ୟ କ୍ରୀଡା ପ୍ରେମୀ  ଖେଳାଳିଙ୍କୁ ଉତ୍ସାହିତ କରିଥିଲେ । ଆଶିଷ ପୁଟେଲ ଓ ବବଲି ଦଣ୍ଡିଆ ଚାମ୍ପିୟନ ହୋଇଥି6ଲ । ଏଥିରେ କଲେଜ ର ସମସ୍ତ କର୍ମଚାରୀ ସହଯୋଗ କରିଥିଲେ  ।