20-Nov-2025

ବଲାଙ୍ଗୀର(ପ୍ରେରଣା ଖବର)- ବଲାଙ୍ଗୀର ଜିଲାପାଳ କାର୍ଯ୍ୟାଳୟ ସମ୍ମୁଖରେ ଓଡ଼ିଶା ସୂଚନା ଅଧିକାର ଅଭିଯାନ ପକ୍ଷରୁ ପ୍ରତିବାଦ, ବିକ୍ଷୋଭ ପ୍ରଦର୍ଶନ ସହ ସୂଚନା କମିଶନରଙ୍କ  ରାୟ ବା ଅର୍ଡର ସିଟ୍‌କୁ ପୋଡ଼ିଛନ୍ତି। ସୂଚନା ଅଧିକାର ଆଇନ ୨୦୦୫କୁ ଖିଲାପ କଲା ଭଳି ରାୟ ଦେଇ ସୂଚନା ଅଧିକାର ଆଇନକୁ ଓଡ଼ିଶାରେ ପ୍ରହସନ କରାଯାଇ ଥିବା ଅଭିଯୋଗ କରି ସମ୍ପୃକ୍ତ ସୂଚନା କମିଶନରମାନଙ୍କୁ ତୁରନ୍ତ ବହିଷ୍କାର କରିବାକୁ ଦାବି କରିଛନ୍ତି।  ରାଜ୍ୟରେ ଥିବା ସୂଚନା କମିଶନର ମାନେ ଆଇନ ଉଲ୍ଲଂଘନ କରି ଅନେକ୍ଆ ଗୁରୁତ୍ଵ ପୂର୍ଣ୍ଣ ମାମଲା ଗୁଡିକୁ ଖାରଜ କରିଦେଉଛନ୍ତି l ତେଣୁ ଏହାକୁ ସାରା ରାଜ୍ୟରେ ବିରୋଧ କରାଯାଉଛି l ଆଜି ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସୂଚନା ଅଧିକାର ଅଭିଯାନ ର ବଲାଙ୍ଗିର ଜିଲ୍ଲା ଆବାହକ ନୀଳମଣି ଯୋଶୀ ଙ୍କ ନେତୃତ୍ଵରେ ଶତାଧିକ ସୂଚନା ଅଧିକାର କର୍ମୀ ସାମିଲ ହୋଇ ବିକ୍ଷୋଭ କରିଥିଲେ l ଏହି ପ୍ରତିବାଦ ଓ ବିକ୍ଷୋଭ ସମାବେଶରେ ସୂଚନା ଅଧିକାର କର୍ମୀ ନୀଳମଣି ଯୋଶୀ, ପ୍ରମୋଦ କୁମାର ବେହେରା, ଶିବ ପ୍ରସାଦ ସାହୁ, କୃଷ୍ଣଚନ୍ଦ୍ର ବନଛୋର, ସତ୍ୟ ବନଛୋର, ଅନଙ୍ଗ ଠାକୁର, ଗୋପବନ୍ଧୁ ଛତ୍ରିଆ, ଶଙ୍କର ପାଣିଗ୍ରାହୀ, ଜତି ପଧାନ ଓ ଅନ୍ୟମାନେ ଉପସ୍ଥିତ ଥିଲେ। ପରେ ରାଜ୍ୟପାଳଙ୍କ ଉଦ୍ଦେଶ୍ୟରେ ଏଡିଏମ୍‌ ଡ. ବିଜୟାନନ୍ଦ ସେଠୀଙ୍କୁ ଏକ ଦାବିପତ୍ର ପ୍ରଦାନ କରାଯାଇ ଥିଲା l