20-Nov-2025

(ପ୍ରିୟଦର୍ଶିନୀ ପାତ୍ର,)
ପାପଡାହାଣ୍ଡି ବ୍ଳକ ଅଧୀନରେ ସେମଳା ଆଞ୍ଚଳିକ ସାଧନ କେନ୍ଦ୍ର ଅନ୍ତର୍ଗତ  ସରକାରୀ ପ୍ରାଥମିକ ବିଦ୍ୟାଳୟ, ପକନାଗୁଡାରେ ଦିବ୍ୟାଙ୍ଗ ଛାତ୍ରଛାତ୍ରୀ  ଙ୍କ ଅଭିଭାବକ ଓ ଶିକ୍ଷକଙ୍କ ପାଇଁ ଅଭୀମୁଖିକରଣ କାର୍ଯ୍ୟକ୍ରମ ଆୟୋଜିତ ହେଲା। ଏହି କାର୍ଯ୍ୟକ୍ରମର ଉଦ୍ଦେଶ୍ୟ ରେ ସି.ଆର.ସି.ସି. ବାବୁଲାଲ  ଅନ୍ତର୍ନିବେଶୀ ଶିକ୍ଷା, ପ୍ରାରମ୍ଭିକ ପରିଚୟ, ଶ୍ରେଣୀ ଗୃହ ପରିଚାଳନା ଓ ଦିବ୍ୟାଙ୍ଗ ଙ୍କ ପାଇଁ ଉପଲବ୍ଧ  ସେବା ସମ୍ବନ୍ଧରେ ସଚେତନତା ବୃଦ୍ଧି କରିବା। ଏହି ସମ୍ପର୍କିତ ସମ୍ବଳ ଶିକ୍ଷକ ମାନେ ସମଗ୍ର ଶିକ୍ଷାର ବିଭିନ୍ନ ପ୍ରାବଧାନ, ସହାୟକ ଉପକରଣ, ଥେରାପି ସହାୟତା, ହୋମ୍-ବେସଡ୍ ଏଡୁକେସନ୍, ଆଇ ଇ ପି  ପ୍ରସ୍ତୁତି — ବିଷୟରେ ଅଭିଭାବକ ଓ ଶିକ୍ଷକଙ୍କୁ ଜଣାଇଲେ। ଅଭିଭାବକଙ୍କୁ ଘରେ ଶିକ୍ଷା ସମର୍ଥନ ବୃଦ୍ଧି ଓ ବିଦ୍ୟାଳୟ ରେ ନିୟମିତ ଉପସ୍ଥାନ ବିଷୟରେ ପରାମର୍ଶ ଦିଆଗଲା। ଶିକ୍ଷକମାନଙ୍କୁ ଦିବ୍ୟାଙ୍ଗ ଙ୍କ ପାଇଁ ଆବଶ୍ୟକ ହୋଇଥିବା ଶିକ୍ଷା ଓ ପରିଚାଳନା ପ୍ରଣାଳୀ ବିଷୟରେ ପ୍ରଶିକ୍ଷଣ କରାଗଲା। ସିଆରସିସି ବାବୁଲାଲ ସେମଳା ର ଅଙ୍କିତ ପୂଜାରୀ ମାଙ୍କ ସହ ପିଲା ପାଉଥିବା ବାଣୀଶ୍ରୀ ଯୋଜନା, ପିଲା ବିଦ୍ୟାଳୟ କୁ ଆସୁନଥିଲେ ସୁଦ୍ଧା ଘରକୁ ପି ଏମ ପୋଷଣ ସାମଗ୍ରୀ ପ୍ରଧାନ ଶିକ୍ଷକ ଘରକୁ ଦେବା ପାଇଁ ସିଆରସିସି ପ ସହଯୋଗ କୁ ସମସ୍ତେ ପ୍ରଶଂସା କରଥିଲେ ।

ଏହି କାର୍ଯ୍ୟକ୍ରମରେ ଅଭିଭାବକ, ଶିକ୍ଷକ, ବିଦ୍ୟାଳୟ ପରିଚାଳନା କମିଟି ର ସଦସ୍ୟ ଓ ସ୍ଥାନୀୟ ଲୋକ ମାନଙ୍କ ଉତ୍ସାହଜନକ ଯୋଗଦାନ ଦେଖିବାକୁ ମିଳିଥିଲା। ଗୋଷ୍ଠୀ ଦିବ୍ୟାଙ୍ଗ ସମ୍ବଳ ଶିକ୍ଷକ ଶ୍ରୀ ସୁରଜ କୁମାର ପାତ୍ର, ଶିକ୍ଷକ ଶ୍ରୀ ମୃତ୍ୟୁଞ୍ଜୟ ମିଶ୍ର ଓ  ଆଞ୍ଚଳିକ ସମ୍ବଳ ସାଧନ ସଂଯୋଜକ ଶ୍ରୀ ବାବୁଲାଲ ସାଗର  ଙ୍କ ପ୍ରୟାସକୁ ପ୍ରଶଂସା କରି ଭବିଷ୍ୟତରେ ଦିବ୍ୟାଙ୍ଗ ଙ୍କ ଶିକ୍ଷାର ଗୁଣାତ୍ମକ ଉନ୍ନତି ପାଇଁ ସାମୂହିକ ପଦକ୍ଷେପର ଆହ୍ବାନ କଲେ। ପ୍ରଧାନ ଶିକ୍ଷୟିତ୍ରୀ ସୁରେଖା ବାଘ , ସହକାରୀ ଶିକ୍ଷୟିତ୍ରୀ ଶର୍ମିଷ୍ଠା ବଳିୟାର ସିଂହ ସମସ୍ତଙ୍କୁ ଧନ୍ୟବାଦ ଅର୍ପଣ କରି ସଭା ସମାପ୍ତ ଘୋଷଣା କରିଥିଲେ।