19-Nov-2025

ସିନାପାଲି ( ଚିନ୍ତାମଣି ନେତାମ ) ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଗୋର୍ଲା ଗ୍ରାମପଂଚାୟତର ପତିଆଳପଡା ଶ୍ରୀ ଶ୍ରୀ ଜଗନ୍ନାଥ ମନ୍ଦିର ପରିସରରେ ଶ୍ରୀଜଗନ୍ନାଥ ମନ୍ଦିର ପରିଚାଳନା କମିଟି ଓ ଏ ଅଞ୍ଚଳର ଗାୟତ୍ରୀ ପରିଜନଙ୍କ ଆନୁକୂଲ୍ୟରେ ଖରସେଲ ଗ୍ରାମ ପଂଚାୟତର ରାଣୀଡ଼ଙ୍ଗରି ଗ୍ରାମ ନିବାସୀ ଅବସର ପ୍ରାପ୍ତ ହାଇସ୍କୁଲ ଶିକ୍ଷକ ସ୍ବର୍ଗତ   ଜଗନ୍ନାଥ ନାଗଙ୍କ  ବିୟୋଗ ରେ ଏକ ଶୋକସଭା ଅନୁଷ୍ଠିତ ହୋଇଯାଇଛି  l ମନ୍ଦିର ପରିଚାଳନା କମିଟିର ବରିଷ୍ଠ ସଦସ୍ୟ ଶ୍ରୀଯୁକ୍ତ ସତ୍ୟବ୍ରତ ଗହୀରଙ୍କ ସଂଯୋଜନାରେ ଆୟୋଜିତ ଏହି ସଭାରେ ଜଗନ୍ନାଥ ମନ୍ଦିରର ପରିଚାଳନା କମିଟିର ସଭାପତି ଶ୍ରୀଯୁକ୍ତ ଲଛମନ ବଞ୍ଜରା,କୋଷାଧକ୍ଷ ଶ୍ରୀଯୁକ୍ତ ଟଙ୍କଧର ବନ୍ଦୀଛୋର,ବରିଷ୍ଠ ଗାୟତ୍ରୀ ପରିଜନ ତଥା ସଦସ୍ୟ ଶ୍ରୀଯୁକ୍ତ କ୍ଷମାଧର ନିଆଲ,ଶ୍ରୀଯୁକ୍ତ କେଶବ ପାଣ୍ଡେ,ସ୍ଥାନୀୟ ଶିବମନ୍ଦିର ପୂଜକ ଶ୍ରୀ ଶ୍ୟାମ ସୁନ୍ଦର ମାଝୀ,ସଭ୍ୟ ଜୟସିଂ ମାଝୀ,ଦିନ ମାଝୀ ପ୍ରମୁଖ ଉପସ୍ଥିତ ରହି ସ୍ବର୍ଗତ ଆତ୍ମାର ଶାନ୍ତି ଓ ସଦଗତି ପାଇଁ ଜଗତର ନାଥ ଶ୍ରୀଜଗନ୍ନାଥ ମହାପ୍ରଭୁ ଙ୍କ  ସମ୍ମୁଖରେ ପ୍ରାର୍ଥନା କରିଥିଲେ  l ସ୍ବର୍ଗତ ଜଗନ୍ନାଥ ନାଗ ଜଣେ ମିଷ୍ଠ ଭାଷି,ମେଳାପୀ,ନିରହ ଙ୍କାରୀ ଓ ଆଦର୍ଶ ଛାତ୍ର ବତ୍ସଳ ଶିକ୍ଷକ ଥିଲେ l ସେ ଦୀର୍ଘ ଦିନରୁ ସ୍ଥାନୀୟ ଜଗନ୍ନାଥ ମନ୍ଦିର ପରିଚାଳନା କମିଟିର ସମ୍ପାଦକ ଦାୟିତ୍ୱ ସୁଚାରୁ ରୂପରେ  ତୁଲାଇବା ସହ ମହାପ୍ରଭୁ ଙ୍କ  ନୀତିକାନ୍ତି ଆୟୋଜନ କରିବାରେ ସବୁପ୍ରକାର ସହଯୋଗ କରୁଥିଲେ l ଦୀର୍ଘ ୩୬ ବର୍ଷ ଟିମନପୁର ଠାରେ ଥିବା ହାଇସ୍କୁଲ ରେ ସହକାରୀ ଶିକ୍ଷକ ଭାବରେ ନିଜର କର୍ମ ତୁଲାଇଥିଲେ  l ଗାୟତ୍ରୀ ପରିଜନ ଭାବରେ ଭାରତୀୟ ଧର୍ମ ଓ ସଂସ୍କୃତି ସୁରକ୍ଷା ପାଇଁ ମଧ୍ୟ କାମ କରୁଥିଲେ l ଗତ ତା ୧୭/୧୧ / ୨୦୨୫ ରିଖ ଦିନ ସେ ୬୩ ବର୍ଷ ବୟସ ରେ ସ୍ଵର୍ଗା ରୋହଣ କରିଛନ୍ତି  l ଏହି ଦୁଃଖଦ ମୁହୂର୍ତରେ ତାଙ୍କ ପରିବାର ବର୍ଗ ଧର୍ଯ୍ୟ ରକ୍ଷା କରନ୍ତୁ ବୋଲି ଭଗବାନ ଙ୍କ ଠାରେ ପ୍ରାର୍ଥନା କରାଯାଇଥିଲା  ଓ  ଉପସ୍ଥିତ ସଦସ୍ୟ ଗଣ ତାଙ୍କ ଗୁଣ ଗୁଡିକର ସ୍ମୃତି ଚାରଣ କରିଥିଲେ  l