18-Nov-2025

ବଲାଙ୍ଗୀର /ପୁଇଁତଲl(ପ୍ରେରଣା ଖବର): ବଲାଙ୍ଗୀର ଜିଲ୍ଲା ପୁଇଁତଲା ବ୍ଲକ ଅଧୀନସ୍ଥ କୁରୁଲ ସମଲେଶ୍ୱରୀ ଶିଶୁ ମନ୍ଦିର ର ୧୫ ତମ ମାତୃ ସମ୍ମିଳନୀ ଆଜି ଦିବା ୧୧ ଘଣ୍ଟା ସମୟରେ ବିଦ୍ୟାଳୟର ସଭାପତି ପ୍ରକୃତିବନ୍ଧୁ ଶିକ୍ଷକ ଦିଗାମ୍ବର ନାଏକଙ୍କ ସଭାପତିତ୍ୱରେ ଏକ ସଭାକାର୍ଯ୍ୟ କରାଯାଇଥିଲା।ମୁଖ୍ୟଅତିଥି ଭାବେ ପୁଇଁତଲା ଗୋଷ୍ଠୀ ଶିକ୍ଷାଧିକାରୀ ରତ୍ନପ୍ରଭା ଶତପଥି, ମୁଖ୍ୟବକ୍ତା ସମାଜ ସେବୀ ସରସ୍ବତୀ ନନ୍ଦ,ସମ୍ମାନିତ ଅତିଥି ଭାବେ ସମଲେଶ୍ୱରୀ ଶିଶୁ ମନ୍ଦିର ର ପରିଚାଳନା ନିର୍ଦେଶକ ଘନଶ୍ୟାମ ପଧାନ,କୋଡିନେଟର କୃପାସିନ୍ଧୁ ପୁଟେଲ, ଶଗଡ଼ଘାଟ ଶିଶୁ ମନ୍ଦିରର ପ୍ରଧାନ ଆଚାର୍ଯ୍ୟ ପ୍ରଦୀପ ସାହୁ, ପୁଇଁତଲା ବ୍ଲକ ସି.ଡ଼ବବ୍ଲୁ.ସି.ଏନ ର ସଂଯୋଜିକା ଅଳକା ଦାଶ,କୁରୁଲ ହାଇସ୍କୁଲ ର ବିଜ୍ଞାନ ଶିକ୍ଷୟିତ୍ରୀ ବାସନ୍ତି ସାହୁ ଯୋଗଦେଇ ମାଆ ମାନଙ୍କୁ ଶିଶୁର ଉପଯୁକ୍ତ ଯତ୍ନ ନେଇ ତାଙ୍କ

ସହ ସୁ ସମ୍ପର୍କ ସ୍ଥାପନ କରି ମୋବାଇଲ ଠାରୁ ଦୂରତ୍ୱ ରହି ପ୍ରତିଦିନ ତାଙ୍କୁ ସ୍କୁଲକୁ ପଠାଇ ଶିକ୍ଷା ର ମାନ ବୃଦ୍ଧି ପାଇଁ ଉଦ୍ୟମ ଲୋଡ଼ା ବୋଲି ବକ୍ତବ୍ୟ ରଖିଥିଲେ।ବିଦ୍ୟାଳୟରେ ମାତୃ ସମ୍ମିଳନୀ ଅତି ଜରୁରୀ ବୋଲି ଅତିଥି ଗଣ ଆହ୍ୱାନ ଦେଇଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ଭକ୍ତରାମ ପଟେଲ ବିବରଣୀ ପଠନ କରିଥିଲେ। କାର୍ଯ୍ୟକ୍ରମକୁ ସଂଯୋଜନା କରିଥିଲେ ବିଦ୍ୟାଳୟର ଶିକ୍ଷୟିତ୍ରୀ ପ୍ରେମିକା ପଟେଲ।

ସମ୍ପାଦକ ଡମନ ବଗର୍ତ୍ତି ମଂଚାସୀନ ଥିଲେ।ଉପ ସଭାପତି ସୁନାଧର ବଢିଆ ଧନ୍ୟବାଦ ଦେଇଥିଲେ। ୨୧୩ ଜଣ ଛାତ୍ରଛାତ୍ରୀଙ୍କ ୧୫୦ ଜଣ ମା ସଭାରେ ଯୋଗଦେଇ ଶିକ୍ଷକ ଓ ଅଭିଭାବକଙ୍କ ଭାବ ଆଦାନ ପ୍ରଦାନ କାର୍ଯ୍ୟକ୍ରମ ରଖାଯାଇ ଆଗାମୀ ଦିନରେ ତାହା କାର୍ଯ୍ୟକାରୀ କରିବାକୁ ଏକ ଖସଡ଼ା ତିଆରି କରାଯାଇଥିଲା । ବିଦ୍ୟାଳୟ ସମସ୍ତପରିଚାଳନା କମିଟି, ଶିକ୍ଷକ ଶିକ୍ଷୟିତ୍ରୀ ଓ ସେବିକା ଯୋଗ ଦେଇ କାର୍ଯ୍ୟକ୍ରମକୁ ସଫଳ ରୂପାୟନ କରିଥିଲେ ।