11-Nov-2025

(ପ୍ରିୟଦର୍ଶିନୀ ପାତ୍ର,)
  ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଳକ ଅନ୍ତର୍ଗତ ବଟକରୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ  ରେ ଛାତ୍ରୀ ମାନଙ୍କୁ ଅଭଦ୍ର ଭାଷାରେ ଗାଳି ଗୁଲଜ'ଅଶାଳୀନ ବ୍ୟବହାର କରୁଥିବା ଶିକ୍ଷକ ଶଙ୍କର ମାଠା ଓ ବିଦ୍ୟାଳୟର ପ୍ରଧାନ ଶିକ୍ଷକ କେଶବ ଦିଶାରୀଙ୍କ ବିରୁଦ୍ଧରେ  ଅଭିଯୋଗ ଆଣି ବିଦ୍ୟାଳୟ ଘେରାଉ କରିଥିଲେ ଗ୍ରାମବାସୀ  ସମୁହ ଓ ଛାତ୍ରୀ ମାନେ।
 ବିଦ୍ୟାଳୟର ଶିକ୍ଷକ ଶଙ୍କର ମାଠା ବିଦ୍ୟାଳୟରେ ଛାତ୍ରି ମାନଂକୁ ସବୁବେଳେ ଦୁର୍ବ୍ୟବହାର କରିବା ସହ ଅଭଦ୍ର ଭାଷାରେ ଗାଳି କରୁଛନ୍ତି। ବିଦ୍ୟାଳୟର ହଷ୍ଟେଲ ଦାୟିତ୍ୱ ନିଜେ ପ୍ରଧାନ ଶିକ୍ଷକ ନେଇଥିବା ବେଳେ ହଷ୍ଟେଲ ରେ କେହିବି ଶିକ୍ଷକ ରହୁ ନାହାନ୍ତି।
ମଧ୍ୟାହ୍ନ ଭୋଜନ ଠିକ ଭାବରେ ଦିଆଯାଉ ନାହିଁ ଓ ଖାଦ୍ୟ ନିମ୍ନମାନର ଦିଆଯାଉଛି। ଉପସ୍ଥାନ ଅଧିକ ଦେଇ ଶିକ୍ଷକ କାମ କରୁଛନ୍ତି।ଖାଲି ଏତିକି ନାହିଁ ଛାତ୍ର ଛାତ୍ରୀଙ୍କୁ ଦୁଇବର୍ଷ ହେବ ଷ୍ଟାଇପେଣ୍ଡ ପଇସା ମଧ୍ୟ ପ୍ରଧାନ ଶିକ୍ଷକ ନ ଦେଇ ନିଜେ ଆତ୍ମସାତ କରିଥିବା ଅଭିଯୋଗ ଆଣିଲେ ବିଦ୍ୟାଳୟର ସଭାପତି।
 ପ୍ରାଧନ ଶିକ୍ଷକ ଜାଲ ସନ୍ତକ କରି ବିଦ୍ୟାଳୟର ପଇସା ହେରଫେର କରୁଛନ୍ତି ଏବଂ ହିସାବ ମାଗିଲେ କଥାକୁ ବୁଲାଇ ଦେଉଛନ୍ତି। ବିଦ୍ୟାଳୟରେ ଛାତ୍ର ଛାତ୍ରୀ ଙ୍କୁ ଫାଳେ ଅଣ୍ଡା ଦେଇ ଶିକ୍ଷକ ମାନେ ମାସକ 2ଥର ଚିକେନ ରନ୍ଧନ  କରି ଖାଉଛନ୍ତି ତାହାବି ଛାତ୍ର ଛାତ୍ରୀଙ୍କ ସାମନା ରେ ବିଚିତ୍ର ଶିକ୍ଷକ ଅଟନ୍ତି ବୋଲି ଚର୍ଚ୍ଚା ଜୋର ଧରିଛି।
ପ୍ରଧାନ ଶିକ୍ଷକ ଅଧିକାଂଶ ସମୟରେ ବିଦ୍ୟାଳୟ କୁ ନ ଆସି ଗାଁ ଗହଳିରେ ଡାକ୍ତର କାମ କରି ଦୁଇପଇସା ରୋଜଗାର କରୁଥିବା ଭଳି ବିଭିନ୍ନ ଅଭିଯୋଗ ଆଣିଥିଲେ ଗ୍ରାମବାସୀ।
 ଶିକ୍ଷା ମନ୍ତ୍ରୀ ଙ୍କ ଜିଲ୍ଲାରେ ଏଭଳି ଘଟଣା କତେଦୂର ଯୁକ୍ତିଯୁକ୍ତ।ଏହି ଘଟଣା ବିଷୟରେ ପୂର୍ବରୁ ପାପଡାହାଣ୍ଡି ଶିକ୍ଷା ଅଧିକାରୀ ଗ୍ରାମବାସୀ ୩ ଥର  ଅଭିଯୋଗ କରିଛନ୍ତି ଏବଂ ଜିଲ୍ଲା ଗୋଷ୍ଠୀ  ଶିକ୍ଷା ଅଧିକାରୀଙ୍କୁ 3 ଥର ଲିଖିତ ଭାବେ ଜଣାଇଥିଲେ କିନ୍ତୁ ବର୍ତ୍ତମାନ ପର୍ଯ୍ୟନ୍ତ କୌଣସି ପଦକ୍ଷେପ ନେଇନାହାନ୍ତି ଜିଲ୍ଲା ପ୍ରଶାସନ।ଅବଗତ କରୁଛୁ ଯେ  ଯଥାଶୀଘ୍ର ଏହାର ସମାଧାନ ନ ହେଲେ  ବିଦ୍ୟାଳୟରେ ତାଲା ଦେବାକୁ ଚେତାବନୀ ଦେଇଛନ୍ତି ଗ୍ରାମବାସୀ। ଶିକ୍ଷା ବିପର୍ଯ୍ୟୟ ର ମୁଖ୍ୟ କାରଣ ଉପରିସ୍ଥ  ଅଧିକାରୀଙ୍କ ଅଟନ୍ତି। ଶିକ୍ଷକ ଠାରୁ ହାତଗୁଞ୍ଜା ନେଇ ଘଟଣାଟିକୁ ଚାପି ଦେବାକୁ ଶିକ୍ଷା ଅଧିକାରି ଚୁପ ରହିବା ପରିସ୍ଥିତିରେ ଶିକ୍ଷାର ଅବନ୍ନତି ପାଇଁ ଶିକ୍ଷା ବିଭାଗ କୁ ଗ୍ରାମବାସୀ ଓ କମିଟି ସମ୍ପୂର୍ଣ୍ଣ ଦୋଷ ଦେଉଛନ୍ତି।ଏଵେ ପ୍ରଶାସନ ତରଫରୁ ପିଲାମାନଙ୍କ ଭବିଷ୍ୟତକୁ ପାଇଁ ଭାବୁଛନ୍ତି ନା ଆଉ କଣ ଚାଲିଛି ଵୁଦ୍ଧି ଜୀବୀ ମହଲରେ ଚର୍ଚ୍ଚା ହେଉଛି।