10-Nov-2025

ବିନିକା(ହିମାଂଶୁ ଶେଖର ପୁଟେଲ)୨୪୨ବର୍ଷରେ ପଦାର୍ପଣ କରିଥିବା ବିନିକା ଗୋକୁଲାଷ୍ଟମୀ ମହୋତ୍ସବ ଆଜି ସନ୍ଧ୍ୟାରେ ଶୁଭାରମ୍ଭ ହୋଇଛି ।ଏହା ୮ଦିନ ଧରି ଚାଲିବ ।ପୂଜକ ସର୍ବେଶ୍ଵର ପୁରୋହିତ ଓ ମାନଭଞ୍ଜନ ପୂଜାରୀଙ୍କ ମନ୍ତ୍ର ଧ୍ୱନି ଉଚ୍ଚାରଣ ହୋମ,ଯଜ୍ଞ ସହ ମାଁ ପୁଣ୍ୟମାସୀ ଓ ବ୍ରଜବିହାରୀଙ୍କୁ ରୀତିନୀତି ଅନୁଯାୟୀ ପୂଜାର୍ଚ୍ଚନା କରିବା ପରେ ସଖୀ ମାନେ ନୃତ୍ୟ ମାଧ୍ୟମରେ ଭଗବାନଙ୍କୁ ବନ୍ଦାପନା କରି ମହାଆଳତୀ କରିଥାନ୍ତି ।ଏନେଇ ବିନିକା କଂସାରିପଡ଼ା ବାସୀ ଏକତ୍ରିତ ହୋଇ ଘଣ୍ଟ,ଶଙ୍ଖ ହୁଳହୁଳି ଧ୍ବନିରେ ପ୍ରଭୁଙ୍କୁ ସ୍ୱରଣ କରିବା ପରେ ମହୋତ୍ସବର ଶୁଭାରମ୍ଭ ହୋଇଥିଲା ।ପରେ ସମସ୍ତେ ନିଷ୍ଠାପର ସହିତ ଭଗବାନ ଶ୍ରୀକୃଷ୍ଣ,ବଳରାମ,ପଞ୍ଚବିଦ୍ୟା କୁ ଯଥାରୀତି ଅନୁସାରେ ପୂଜାର୍ଚ୍ଚନା କରାଯାଇଥିଲା। କମିଟି ସଭାପତି ମନୋଜ ଦାସ,ସମ୍ପାଦକ ଚିତ୍ତରଞ୍ଜନ ଦାସ,ଗୁରୁ ମନୋଜ,ରଘୁନାଥ ମାହାଣା, ଶିବଶଙ୍କର ଦାସ ପ୍ରମୁଖଙ୍କ ସହ ସୂର୍ଯ୍ୟ କୁମାର ଦାସ,ସୀତାରାମ ଦାସ,ସଞ୍ଜୟ ସାହୁ,ରମାକାନ୍ତ ଦାସ,ଜୟନାରାୟଣ ଦାସ,ଜିଶୁ ସାହୁ,ଦେବାଂଶୁ ସାହୁ ଓ ନୃତ୍ୟ କଳା ପରିଷଦର ସମସ୍ତ ସଦସ୍ୟ ଉପସ୍ଥିତ ଥିଲେ।