09-Nov-2025

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ୍ ମୁର୍ଷୁଣ୍ଢି ପଞ୍ଚାୟତ ଅନ୍ତର୍ଗତ ଘଣ୍ଟପାଲି ପଡ଼ିଆରେ ଚାଲିଥିବା ମା' ନାରାୟଣୀ କ୍ରିକେଟ୍ ପ୍ରତିଯୋଗିତା  ରବିବାର ଉଦ୍‌ଯାପିତ ହୋଇଯାଇଛି। କମିରା ଓ ସାମସିଙ୍ଗା ମଧ୍ୟରେ ଫାଇନାଲ୍ ମ୍ୟାଚ୍ ଦୁଇଟି ଫର୍ମାଟ୍‌ରେ ଖେଳାଯାଇଥିଲା। ୭ ଓଭର ବିଶିଷ୍ଟ ପ୍ରଥମ ଫର୍ମାଟ୍‌ରେ କମିରା ଦଳ ପ୍ରଥମେ ବ୍ୟାଟିଂକରି ସମସ୍ତ ୱିକେଟ୍ ହରାଇ ୪୭ ରନ୍ କରିଥିଲା । ଜବାବରେ ସାମସିଙ୍ଗା ଦଳ ନିର୍ଦ୍ଧାରିତ ୩. ୫ ଓଭରରେ ୧ ୱିକେଟ୍‌ ହରାଇ ୪୮ ରନ୍ କରି ବିଜୟୀ ହୋଇଥିଲା | ଦ୍ବିତୀୟ ଫର୍ମାଟ୍‌ରେ ପୁଣି କମିରା ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୯. ୩ ଓଭରରେ ସମସ୍ତ ୱିକେଟ୍ ହରାଇ ୧୨୦ ରନ୍ କରିଥିଲା। ଜବାବରେ ସାମସିଙ୍ଗା ଦଳ ନିର୍ଦ୍ଧାରିତ ୯. ୪ଓଭରରେ ୩ ୱିକେଟ୍ ହରାଇ ୧୨୪ ରନ୍ କରି ଚାମ୍ପିଅନ୍ ହୋଇଥିଲା। ଦୁଇ ଫର୍ମାଟ୍‌ରେ ବିଜୟୀ ହୋଇ ସାମସିଙ୍ଗା ଦଳ ଚାମ୍ପିଅନ୍ ହୋଇଥିଲା। ଉଦ୍‌ଯାପନୀ ଉତ୍ସବରେ ମୁଖ୍ୟଅତିଥି ଭାବରେ ପୂର୍ବତନ ଜିଲ୍ଲା ପରିଷଦ ସଭ୍ୟ ରାଜଗୋପାଳ ପାଣିଗ୍ରାହୀ,ଓ ସମ୍ମାନିତ ଅତିଥି ଭାବେ ଆକାଶ ସାହୁ, ଶୁଭମ ଭୋଇ, ଲୁତୁରପଙ୍କ ପୂର୍ବତନ ସରପଞ୍ଚ ରାଧାମାଧବ ବେହେରା ଯୋଗ ଦେଇ ବିଜେତା ଓ ଉପବିଜେତା ଦଳକୁ ପୁରସ୍କୃତ କରିଥିଲେ ମ୍ୟାଚ କୁ ଧନମାଳୀ ହୋତା ଓ ରୋଶନ ସାମଲ ଖେଳ ପରିଚାଳନା କରିଥିଲେ । ଲିପୁନ ହୋତା ସ୍କୋରର ଦାୟିତ୍ଵ ତୁଲାଇଥିଲେ। ମାନସ ନନ୍ଦ ବେଣୁଧର ପଧାନ ଧାରା ବିବରଣୀ ପ୍ରଦାନ କରିଥିଲେ ଉମାଶଙ୍କର ହୋତା, ଗୌରାଙ୍ଗ ସାମଲ, ସୁନୀଲ ପଧାନ,ଶିବୁଲ ପଧାନ ବିଭୁତି ପଧାନ, ବୁଲୁ ପଧାନ, ରିଲନ ସାମଲ ପ୍ରମୁଖ ପରିଚାଳନାରେ ସହଯୋଗ କରିଥିଲେ ।