11-Oct-2025

ତୁଷୁରା (ପଞ୍ଚାନନ ନାଏକ) କଟକ ଦୁର୍ଗାପୂଜା ଭସାଣି ଶୋଭାଯାତ୍ରାରେ ଏକ ନିର୍ଦ୍ଦିଷ୍ଟ ସମୁଦାୟ ଦ୍ଵାରା ଆକ୍ରମଣ ଓ ପୋଲିସର ପକ୍ଷପାତିତାକୁ ବିରୋଧ କରି ଶୁକ୍ରବାର ବିଶ୍ବ ହିନ୍ଦୁ ପରିଷଦ ବଲାଙ୍ଗିର ଜିଲ୍ଲା ଗୁଡଭେଲା ପ୍ରଖଣ୍ଡ ଓ ବଜରଙ୍ଗ ଦଳ ପକ୍ଷରୁ  ଏକ ଦାବୀପତ୍ର ତୁଷୁରା ତହସିଲଦାରଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ପ୍ରଦାନ କରାଯାଇଛି। ତୁଷୁରା ତହସିଲଦାର ଆର୍ତ୍ତତ୍ରାଣ ଥାର୍ଟି ନଥିବାରୁ ହେଡକ୍ଳାର୍କ ଦାବୀପତ୍ର ଗ୍ରହଣ କରିଥିଲେ। ଦାବୀପତ୍ରରେ ଦର୍ଶାଇ ଥିଲେ ଯେ, ପୋଲିସ  ଭସାଣି ଶୋଭାଯାତ୍ରାକୁ ସୁରକ୍ଷା ଦେବାରେ ବିଫଳ ହେବା , ସମସ୍ତ ଆକ୍ରମଣକାରୀ ଓ ଷଡ଼ଯନ୍ତ୍ରକାରୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ ନ କରି ଉପର ଠାଉରିଆ ଭାବେ କେବଳ କିଛି ଲୋକ ଙ୍କୁ ଗିରଫ କରିବା,  ପ୍ରଦର୍ଶନକାରୀ ନିର୍ଦ୍ଦୋଷ ହିନ୍ଦୁ ଯୁବକଙ୍କୁ ବିନା କାରଣରେ ଗିରଫ କରିବା ଘଟଣାକୁ ନିନ୍ଦା କରିବା ସହ  କଟକ ସମେତ ସମଗ୍ର ରାଜ୍ୟରେ ସନ୍ଦିଗ୍ଧ ଅନୁପ୍ରବେଶକାରୀଙ୍କୁ ଚିହ୍ନଟ କରି ଦେଶାନ୍ତର କରିବାକୁ ମୁଖ୍ୟମନ୍ତ୍ରୀଙ୍କୁ ଦାବୀପତ୍ରରେ ଅନୁରୋଧ କରାଯାଇଛି । ଏହା ପୂର୍ବରୁ ଗୁଡଭେଲା ପ୍ରଖଣ୍ଡ ବିଶ୍ବ ହିନ୍ଦୁ ପରିଷଦର ସଭାପତି ଭିକାରୀ ଚରଣ ସାହୁ ଓ ପୂର୍ବତନ ସଭାପତି ଜଗଦୀଶ ସାହୁଙ୍କ ଦ୍ଵାରା ଘଟଣାକୁ ନେଇ କ୍ଷୋଭ ପ୍ରକାଶ କରାଯାଇ ଥିଲା। ଦାବୀପତ୍ର ଦେବା ବେଳେ ଗୁଡଭେଲା ପ୍ରଖଣ୍ଡର ସାଧାରଣ ସମ୍ପାଦକ ତଥା ଅବସର ପ୍ରାପ୍ତ ଯବାନ ଦୁର୍ବାସା ଭୋଇ , ବରିଷ୍ଠ ଆଇନଜୀବି ପ୍ରଦୀପ କୁମାର ମହାପାତ୍ର , ବରିଷ୍ଟ ସାମ୍ବାଦିକ  ଶମ୍ଭୁ ପ୍ରସାଦ ସାହୁ , ବଜରଙ୍ଗ ଦଳର ଜିଲ୍ଲା ମିଲନ କେନ୍ଦ୍ର ପ୍ରମୁଖ  ଦୀପକ ସାହୁ , ସତସଙ୍ଗ ପ୍ରମୁଖ  ସୁଧାକର ପ୍ରଧାନଙ୍କ ସହିତ ବଜରଙ୍ଗ ଦଳର ସୁବ୍ରତ ଚିନ୍ଦଆ , ତେଜ ରାଜ ରଣା , ରମେଶ ରଣା , ସରୋଜ ମାଝୀ , ତିଳକ ମାଝୀ , ଧରଣୀ ପ୍ରଧାନ , ସତ୍ୟ ବଗର୍ତ୍ତି , ବିଶ୍ଵାମିତ୍ର ରଣା  , ଅମର ଚିନ୍ଦା ପ୍ରମୁଖ ଉପସ୍ଥିତ ଥିଲେ ।