09-Oct-2025

ସୁବର୍ଣ୍ଣପୁର(ପ୍ରେରଣା  ଖବର) ( ମନୋରଂଜନ  ତ୍ରିପାଠୀ ) ରାଜ୍ୟ ଆଇନଜୀବୀ ପରିଷଦର ନିଷ୍ପତ୍ତି କ୍ରମେ ବ୍ରହ୍ମପୁରର ଆଇନଜୀବୀ ତଥା ଓଡ଼ିଶା ବାର୍ କାଉନସିଲର ସଦସ୍ୟ ପୀତବାସ ପଣ୍ଡାଙ୍କୁ ନିର୍ମମ ହତ୍ୟା ପ୍ରତିବାଦରେ ଓଡ଼ିଶା ବାର୍ କାଉନସିଲ ପକ୍ଷରୁ କଲମଛାଡ଼ ଆନ୍ଦୋଳନ ଡାକରା ଦିଆଯାଇଥିବା ପରିପ୍ରେକ୍ଷୀରେ ବୁଧବାର ୮ ତାରିଖ ଦିନ ସୁବର୍ଣ୍ଣପୁର ଜିଲ୍ଲା ଓକିଲ ସଙ୍ଘ ପକ୍ଷରୁ ମଧ୍ୟ କଲମଛାଡ଼ ଆନ୍ଦୋଳନ କରାଯାଇଛି l ଏହା ଫଳରେ ସମସ୍ତ କୋର୍ଟ କାର୍ଯ୍ୟ ବାଧାପ୍ରାପ୍ତ ହେବା ସହ ଠପ୍ ହୋଇଯାଇଥିଲା l ସୁବର୍ଣ୍ଣପୁର ଜିଲ୍ଲା କୋର୍ଟ ରେ ଥିବା ଓକିଲ ସଙ୍ଘ କାର୍ଯ୍ୟାଳୟରେ ଉପସଭାପତି ଦଶରଥ ମିଶ୍ରଙ୍କ ସଭାପତିତ୍ୱରେ ଏକ ସଭା ଅନୁଷ୍ଠିତ ହେବା ସହ ହତ୍ୟାକାଣ୍ଡ ଘଟଣାକୁ ଦୃଢ଼ ନିନ୍ଦା କରାଯାଇଥିଲା ଏବଂ ମୃତକ ଶ୍ରୀ ପଣ୍ଡା ଙ୍କ ଅମର ଆତ୍ମା ର ସଦଗତି କାମନା କରି ନୀରବ ପ୍ରାର୍ଥନା କରଯାଇଥିଲା l ଆଇନଜୀବୀ ସୁରକ୍ଷା ଆଇନ ତୁରନ୍ତ ଲାଗୁ, ମୃତକ ଶ୍ରୀ ପଣ୍ଡା ଙ୍କ ପରିବାର କୁ ୧ କୋଟି ଟଙ୍କା କ୍ଷତିପୂରଣ, କେଉଁ ପରିସ୍ଥିତିରେ ଆଇନଜୀବୀଙ୍କୁ ହତ୍ୟା କରାଯାଇଥିଲା, ଏହା ପଛର କାରଣ ଓ ଷଡ଼ଯନ୍ତ୍ର ପ୍ରସଙ୍ଗରେ ବିଚାରବିଭାଗୀୟ ତଦନ୍ତ ପ୍ରମୁଖ ଦାବୀ ଉପସ୍ଥାପନ କରାଯାଇଥିଲା l