09-Oct-2025

ବରୀ(ରଞ୍ଜିତ କୁମାର ମାହାନ୍ତି): ବରୀ ବ୍ଲକ ଅଧୀନ ଅଙ୍ଗାଳୋ ପଞ୍ଚାୟତର ସରପଞ୍ଚ ଶକୁନ୍ତଳା ମଲ୍ଲିକଙ୍କ ଅନାସ୍ଥା ପ୍ରସ୍ତାବ ଉପରେ ଭୋଟ ଗ୍ରହଣ ପାଇଁ ଗୁରୁବାର ୯ ତାରିଖକୁ ଧାର୍ଯ୍ୟ କରାଯାଇଥିବାଳେ ସେ ବୁଧବାର ତାଙ୍କ ପଦବୀରୁ ଇସ୍ତଫା ଦେଇଛନ୍ତି।
ଏହି ପଞ୍ଚାୟତରେ ମୋଟ ୧୪ ୱାର୍ଡ ସଭ୍ୟାସଭ୍ୟ ନିର୍ବାଚିତ ହୋଇଥିଲେ। ସେମାନଙ୍କ ମଧ୍ୟରୁ ୮ ଜଣ ପଞ୍ଚାୟତର ମାସିକ ବୈଠକରେ ଯୋଗ ନ ଦେବାରୁ ଜିଲାପାଳ ସେମାନଙ୍କୁ ଅଯୋଗ୍ୟ ଘୋଷଣା କରିଥିଲେ। ପରବର୍ତ୍ତୀ ଆସୁଥିବା ଅନୁଦାନରାଶିର ଦୁରୂପଯୋଗ ସହ ଉନ୍ନୟନମୂଳକ କାର୍ଯ୍ୟରେ ସରପଞ୍ଚ ସମୟରେ ପଞ୍ଚାୟତକୁ ସରକାରଙ୍କ ତରଫରୁ ଉନ୍ନୟନମୂଳକ କାର୍ଯ୍ୟ ପାଇଁ ପ୍ରତିବନ୍ଧକ ସୃଷ୍ଟି କରିଥିବା ଅଭିଯୋଗ ହୋଇଥିଲା। ଏନେଇ ଅବଶିଷ୍ଟ ୬ ୱାର୍ଡ ସଭ୍ୟାସଭ୍ୟଙ୍କ ମଧ୍ୟରୁ ୪ଜଣ ଯାଜପୁର ଉପଜିଲାପାଳଙ୍କ କାର୍ଯ୍ୟାଳୟରେ ଅନାସ୍ଥା ପାଇଁ ଲିଖିତ ଭାବେ ଅଭିଯୋଗ କରିଥିଲେ।
ଭିତ୍ତିକରି ୱାର୍ଡ ସଭ ସଭ୍ୟାସଭ୍ୟଙ୍କ ଅଭିଯୋଗକୁ ଭିତ୍ତି ଅନାସ୍ଥା ପ୍ରସ୍ତାବ ଉପରେ ଭୋଗ ଭାଟ ଗ୍ରହଣ ପାଇଁ ସମୟ ଓ ତାରିଖ ଧାର୍ଯ୍ୟ ହୋଇଥିଲା। ଆଇନଶୃଙ୍ଖଳାକୁ ଆଖ୍ ଆଗରେ ରଖ୍ ପ୍ରଶାସନ ତରଫରୁ ସୁରକ୍ଷା ପାଇଁ ସମସ୍ତ ପ୍ରସ୍ତୁତି ଶେଷ ହୋଇଥିଲା। ମାତ୍ର ସରପଞ୍ଚଙ୍କ ଇସ୍ତଫା ପରେ ବରୀ ବ୍ଲକରେ ରାଜନୈତିକ ପାଣିପାଗ ଉଷ୍ମ ହୋଇଛି। ଏ ସମ୍ପର୍କରେ ପ୍ରତିକ୍ରିୟା ପାଇଁ ସରପଞ୍ଚ ମଲ୍ଲିକଙ୍କୁ ଫୋନ ଯୋଗେ ଯୋଗାଯୋଗ କରାଯାଇଥିଲେ ମଧ୍ୟ ସେ ଫୋନ କଲ୍ ରିସିଭ୍ କରି ନ ଥିଲେ। ବିଡିଓ ଅସିତ କୁମାର ମହାନ୍ତିଙ୍କୁ ସରପଞ୍ଚ ତାଙ୍କ ଇସ୍ତଫା ପତ୍ର ବ୍ଲକ କାର୍ଯ୍ୟାଳୟରେ ପ୍ରଦାନ କରିଛନ୍ତି ବୋଲି ସୂଚନା ଦେଇଛନ୍ତି ।