08-Oct-2025

ସୋନପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ବନଖଣ୍ଡ ବିଭାଗ ପକ୍ଷରୁ  ବିଭାଗ ର ସଭା ଗୃହ ଠାରେ ୭୧ ତମ ବିଶ୍ଵ ବନ୍ୟ ପ୍ରାଣୀ ସପ୍ତାହ ମହା ସମାରୋହରେ ପାଳିତ ହୋଇଛି l ଏଥିରେ ମୁଖ୍ୟ ଅତିଥି ଭାବରେ ଜିଲ୍ଲାପାଳ ଡ଼. ନୃପ ରାଜ ସାହୁ ଯୋଗ ଦେଈ ସଧାରଣ ଜନତା ସଚେତନ ନ ହେଲେ , ପ୍ରଶାସନ ସହ ସମସ୍ତେ ମିଶି ବନ୍ୟ ପ୍ରାଣୀ ଓ ଜଙ୍ଗଲ ର ସୁରକ୍ଷା ନ କଲେ  ପ୍ରାକୃତିକ ବିପର୍ଯ୍ୟୟ ଆହୁରି ବଢି ବଢି ଚାଲିବ ,  ମଣିଷ ସମାଜ ବଞ୍ଚିବା କଷ୍ଟକର ହୋଇଯିବ ବୋଲି କହିଥିଲେ l ଏଣୁ ଅଜିର ଦିବସ ରେ ଏହାର ସୁରକ୍ଷା ପାଇଁ ଆମେ ସମସ୍ତେ ସଂକଳ୍ପ ନେବା ବୋଲି ଶ୍ରୀ ସାହୁ କହିଥିଲେ l ସମ୍ମାନିତ ଅତିଥି ଭାବରେ ଏସପି ନାରାୟଣ ନାଏକ ଓ ଡି ଏଫ୍ ଓ ମଦନ ଲାଲ ଶର୍ମା ଯୋଗ ଦେଈ ପୃଥିବୀ ରେ ପ୍ରଥମେ ବନ୍ୟ ପ୍ରାଣୀ ହିଁ ସୃଷ୍ଟି ହୋଇ ଥିଲେ, କିନ୍ତୁ ଆମେ ମଣିଷ ପୃଥିବୀ ରେ ପରେ ଅବସ୍ଥାପିତ ହୋଈ ବନ୍ୟ ପ୍ରାଣୀ ଙ୍କ ବାସ ଗୃହ ସହ ଜଙ୍ଗଲ କ୍ଷୟ କ୍ଷତି କରି ତାଙ୍କୁ ମାରିବା ପାଇଁ ମଧ୍ୟ ପଛାଉ ନାହିଁ ବୋଲି କହି  ମଣିଷ ସମାଜ ବନ୍ୟ ପ୍ରାଣୀ ପ୍ରତି ସହନଶୀଳତା ଉଦାରତା ଭାବ ପ୍ରଦର୍ଶନ ନ କଲେ ଜଙ୍ଗଲ ଓ ବନ୍ୟ ପ୍ରାଣୀ ସୁରକ୍ଷା ଅସମ୍ଭବ ବୋଲି କହିଥିଲେ l ନିମନ୍ତ୍ରିତ ଅତିଥି ଭାବରେ ସୋନପୁର କଲେଜ ପ୍ରାଧ୍ୟାପକ ଉମାକାନ୍ତ ନାଗ, ସମାଜ ସେବୀ ଗୋବିନ୍ଦ ମହାରଣା ଯୋଗ ଦେଈ ବନ୍ୟ ପ୍ରାଣୀ ସୁରକ୍ଷା ଉପରେ ସୂ ଚିନ୍ତିତ ମତାମତ ରଖିଥିଲେ l  ସୋନପୁର ସି ଏଫ୍ ଗିରିଧାରୀ ନାଗ, ବୀର ମହାରାଜ ପୁର ଏ ସି ଏଫ୍ ଅବିନାଶ ବରିହା, ସୋନପୁର ରେଞ୍ଜ ଅଫିସର ସୁଭାଷ ମହାପାତ୍ର, ଫରେଷ୍ଟର ଭକ୍ତ ବନ୍ଧୁ ମିଶ୍ର ଉତ୍ସବ ଆୟୋଜନ ରେ ସହଯୋଗ କରିଥିବା ବେଳେ ଜିଲ୍ଲା ର ସମସ୍ତ ଫରେଷ୍ଟ ଓ ରେଞ୍ଜ ସର୍କିଲ ର ଅଫିସର କର୍ମଚାରୀ ଉପସ୍ଥିତ ରହି ନିଜ ନିଜ ଅଞ୍ଚଳ ର ସମସ୍ୟା ଓ ଅନୁଭୂତି ପ୍ରକାଶ କରି ସଚେତନ କରି ଥିଲେ l ସଭାରେ ଜିଲ୍ଲା ର ବହୁ ବୁଦ୍ଧିଜୀବୀ, ଗଣମାଧ୍ୟମ ପ୍ରତିନିଧି ଯୋଗ ଦେଇଥିଲେ l ଆଜିର ସଭା କୁ ଏସ ଏମ ଏସ ପ୍ରିୟାନ୍ସୁ ସାହୁ ସଂଯୋଜନା କରିଥିବା ବେଳେ ବିନିକା ରେଞ୍ଜ ଅଫିସର ବନମାଳୀ ପାଣ୍ଡେ ଧନ୍ୟବାଦ ଅର୍ପଣ କରିଥିଲେ l