03-Oct-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ସଦର ମହକୁମାର ପୁରୁଣା ବସଷ୍ଟାଣ୍ଡ ଠାରେ ଶିଳାନ୍ୟାସ ହେଲା ବହୁ ପ୍ରତିକ୍ଷୀତ ନୂତନ ବସଷ୍ଟାଣ୍ଡ l ଓଡ଼ିଶା ସରକାରଙ୍କ ଉପମୁଖ୍ୟମନ୍ତ୍ରୀ ଶ୍ରୀଯୁକ୍ତ କନକ ବର୍ଦ୍ଧନ ସିଂଦେଓ ମୁଖ୍ୟ ଅତିଥି ଓ ବଲାଙ୍ଗିର ସାଂସଦ ସଙ୍ଗୀତା କୁମାରୀ ସିଂଦେଓ, ଜିଲ୍ଲାପାଳ ଡ଼. ନୃପରାଜ ସାହୁ, ଆରକ୍ଷୀ ଅଧିକ୍ଷକ ନାରାୟଣ ନାୟକ, ପୌର ପରିଷଦ ଅଧ୍ୟକ୍ଷା ତାମସି ତାମସ୍ମିତା ନାୟକ, ଜିଲ୍ଲା ବିଜେପି ସଭାପତି ବେଣୁଧର ଦାଶ, ସମ୍ମାନିତ ଅତିଥି ଭାବରେ ଯୋଗ ଦେଇ ଏହି ମଡେଲ ବସଷ୍ଟାଣ୍ଡ ର ଶିଳାନ୍ୟାସ କରିଥିଲେ l ବର୍ତ୍ତମାନ ପାଇଁ ୫୮ କୋଟି ୩୬ ଲକ୍ଷ ଟଙ୍କା ମଞ୍ଜୁର ହୋଇଥିବା ଏହି ମେଗା ପ୍ରକଳ୍ପ କୁ ଓବିସିସି କମ୍ପାନୀ ହାତ କୁ ନେଇଥିବା ବେଳେ ପ୍ରକଳ୍ପ ପୁରା ହେବା ଯାଏ ସମୁଦାୟ ୮୦ କୋଟି ଟଙ୍କା ବଜେଟରେ ବ୍ୟୟ ମଞ୍ଜୁର ହେବ ବୋଲି ବିଶ୍ଵସ୍ଥ ସୂତ୍ରରୁ ସୂଚନା ମିଳିଛି l ନିର୍ଦ୍ଧିଷ୍ଟ ସମୟ ସୀମା ଭିତରେ ଏହି ପ୍ରକଳ୍ପକୁ ପୁରା କରାଯିବ ବୋଲି ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ଙ୍କ ଲକ୍ଷ୍ୟ ରହିଥିବା ବିଷୟ ଆଜି ଏଠାରେ ଆୟୋଜିତ ଏକ ସାଧାରଣ ସଭାରେ ମାନ୍ୟବର ଉପ ମୁଖ୍ୟମନ୍ତ୍ରୀ  ଶ୍ରୀଯୁକ୍ତ ସିଂଦେଓ ପ୍ରକାଶ କରିଥିଲେ l ଏହି ପ୍ରକଳ୍ପ ର କ୍ୱାଲିଟି (ମାନ)କୁ ତଦାରଖ କରିବା ଆପଣ ମାନେ ସହରର ସଧାରଣ ଜନତାଙ୍କ ଦାୟିତ୍ଵ ବୋଲି କହିଥିଲେ l

ପୂର୍ବ ସରକାର ୨୦୧୭, ୨୦୨୧ ଏବଂ ଅଗଷ୍ଟ ୨୦୨୩ ମସିହାରେ ରାଜନୈତିକ ଉଦ୍ଦେଶ୍ୟ ରଖି ବଟମ୍ ଚିପା ରାଜନୀତି ପାଇଁ ଆଜି ଏଇ ପ୍ରକଳ୍ପ ବହୁ ବିଳମ୍ୱ ହୋଇଥିବା ପ୍ରକାଶ କରି ଆଗାମୀ ଦିନରେ ସୁବର୍ଣ୍ଣପୁର ବାସୀଙ୍କ ଦାବୀ ଅନୁଯାୟୀ ସାଂସଦ ଙ୍କ ପ୍ରସ୍ତାବ କ୍ରମେ ଅଧୁରା ରିଙ୍ଗ ରୋଡ ଓ ବାଇପାସ୍ କାର୍ଯ୍ଯ କୁ ଖୁବ ଶୀଘ୍ର ତ୍ୱରାନ୍ୱିତ କରାଯିବ ବୋଲି ଶ୍ରୀ ସିଂଦେଓ ସଂକଳ୍ପ ନେଇଥିଲେ l ସୁବର୍ଣ୍ଣପୁରରେ ଖୁବ ଶୀଘ୍ର ଏକ ମତ୍ସ୍ୟ ମହାବିଦ୍ୟାଳୟ ର ଶିଳାନ୍ୟାସ ଦିଆଯିବ ବୋଲି ସାଂସଦ ଶ୍ରୀମତୀ ସିଂଦେଓ ପ୍ରକାଶ କରି ରାଜ୍ଯର ମୋହନ ସରକାର ପ୍ରତିଶୃତିକୁ ପୁରା କରିବାକୁ ଚାଷୀ ଙ୍କ ବିକାଶ ଓ ମା ଙ୍କ ବିକାଶ ଦିଗରେ କାମ କରୁଛି ବୋଲି କହିଥିଲେ l
କାର୍ଯ୍ୟକ୍ରମରେ ଓଡ଼ିଶା ରାଜ୍ୟ ସଡ଼କ ପରିବହନ ନିଗମ ଜିଲ୍ଲା ପରିଚାଳିକା ଜୟଶ୍ରୀ ଲକ୍ଷ୍ମୀ, ବ୍ଲକ ସୂପରଭାଇଜର ଶୁଭ୍ରଜିତ ଦାଶ, ଓଡ଼ିଶା ବ୍ରିଜ ନିର୍ମାଣ ନିଗମ ଅଧିକ୍ଷଣ ଯନ୍ତ୍ରୀ ସୁନା ମୁର୍ମୁ, କନିଷ୍ଠ ଯନ୍ତ୍ରୀ ଅନିଲ କୁମାର ସାହୁ ଓ ଅବନୀ ଶଙ୍କର ନାୟକ ଉପସ୍ଥିତ ରହି ସଭାର ଆୟୋଜନ କରିଥିଲେ l
 ପ୍ରଦ୍ୟୁମ୍ନ ସାହୁ ସଭା ସଂଯୋଜନା କରିଥିବା ବେଳେ ଧନ୍ୟବାଦ୍ ଅର୍ପଣ କରିଥିଲେ l ଦୀର୍ଘ ବର୍ଷ ଦାବୀ ପୂରଣ ହୋଇ ଥିବାରୁ ଆଜି ବର୍ଷା ସତ୍ବେ ଏହି  ସଭାରେ ହଜାର ହଜାର ଲୋକ ଙ୍କ ସମାଗମ ହୋଇଥିଲା l