27-Sep-2025

ବଲାଙ୍ଗୀର(ପ୍ରେରଣା ଖବର)- ଶୁକ୍ରବାର ଦିନ ଓଡିଶା ସିଭିଲସର୍ଭିସ ପରୀକ୍ଷାଫଳ ପ୍ରକାଶ ପାଇଛି ଓ ଏଥିରେ ବଲାଙ୍ଗୀର ଜିଲ୍ଲାର ୭ଜଣ କୃତକାର୍ଯ୍ୟ ହୋଇଥିବା ଜଣାଯାଇଛି । କେବଳ ବଲାଙ୍ଗୀର ସହରରୁ ୪ଜଣ ଯୁବକ/ଯୁବତୀ ଏଥିରେ କୃତକାର୍ଯ୍ୟ ହୋଇଥିବା ବେଳେ ଟିଟିଲାଗଡରୁ ଦୁଇଜଣ ଓ କଣ୍ଟାବାଞ୍ଜିରୁ ଜଣେ କୃତକାର୍ଯ୍ୟ ହୋଇଛନ୍ତି । ବଲାଙ୍ଗୀର ସହରରୁ ସୁପ୍ରୀୟା ମିଶ୍ର(୧୭ର‌୍ୟାଙ୍କ),ରୋଶନ ପଟେଲ (୭୯ର‌୍ୟାଙ୍କ),ଅଟଳ ଦାସ(୨୦୧ର‌୍ୟାଙ୍କ),ଅଶିଷ ସୁନା(୨୭୪ ର‌୍ୟାଙ୍କ,ମୁରିବାହାଲ କନ୍ଦାଖାଲର ହେମରାଜ କୁମ୍ଭାର(୨୫୪ ର‌୍ୟାଙ୍କ),ଟିଟିଲାଗଡ ଖୋଲାନର ବିଶାଳ ମହାନନ୍ଦ(୨୮୨

ର‌୍ୟାଙ୍କ) ଓ କଣ୍ଟାବାଞ୍ଜିର ସଂଗୀତା ଜିନ୍ଦଲ(୨୮୮ ର‌୍ୟାଙ୍କ)ରେ ରହି କୃତକାର୍ଯ୍ୟ ହୋଇଛନ୍ତି । ବଲାଙ୍ଗୀର ସହର ତାଲପାଲି ପଡାର ଅବସରପ୍ରାପ୍ତ ଶିକ୍ଷକ କୁଳମଣୀ ମିଶ୍ର ଓ ଅବସରପ୍ରାପ୍ତ କୃଷିପର୍ଯ୍ୟବେକ୍ଷକ ଶାନ୍ତିଲତା ମିଶ୍ରଙ୍କ ଝିଅ ସୁପ୍ରୀୟା(୨୬) ତାଙ୍କର ପ୍ରଥମ ପ୍ରୟାସରେ ୧୭ତମ ର‌୍ୟାଙ୍କରେ ରହି ସଫଳ ହୋଇଛନ୍ତି । ସୁପ୍ରୀୟା ମିଶ୍ର ବୁର୍ଲା ଭିସୁଟ ଇଞ୍ଜିନିୟରି

କଲେଜରୁ ୨୦୨୩ରେ ବିଜ୍ଞାନରେ ସମନ୍ୱିତ ସ୍ନାତକୋତ୍ତରରେ ପାସ କରି ଘରେ ରହି ଆଭାସୀ ଜରିଆରେ ଓସିଏସ ପରୀକ୍ଷା ପାଇଁ ପ୍ରସ୍ତୁତ ହେଉଥିଲେ । ସୁବର୍ଣ୍ଣପୁର ଜିଲ୍ଲାର ରମ୍ଭାସିଣ୍ଢୋଲ ଗାଁ ମୂଳନିବାସୀ ତଥା ଏବେ ତାଲପାଲିପଡାର ସେ ଗୌରବ ବଢାଇଛନ୍ତି । ବଲାଙ୍ଗୀର ମାଧିଆପାଲି ଗାଁର ସ୍ୱର୍ଗତ ଗିରିଶଚନ୍ଦ୍ର ପଟେଲ ଓ ଜ୍ୟୋତ୍ସ୍ନା ପଟେଲଙ୍କ ପୁଅ ରୋଶନ ପଟେଲ ୭୯ ର‌୍ୟାଙ୍କରେ ରହିଛନ୍ତି । ସେ ମାଟ୍ରିକପରେ ୟବୋଦୟ କଲେଜ ରେ ଯୁକ୍ତଦୁଇ ଓ ରାଜେନ୍ଦ୍ର ବିଶ୍ୱବିଦ୍ୟାଳୟରେ ସ୍ନାତକ ପାସ କରି ଓସିଏସ ପାଇଁ ପ୍ରସ୍ତୁତ ହୋଇଥିଲେ । ସେହିପରି ମାଲପଡାର ରାମ ଦାସ ଓ ଅନୟା ଦାସଙ୍କ ପୁଅ ଅଟଳ ଦାସ ୨୦୧ ର‌୍ୟାଙ୍କରେ ରହିଛନ୍ତି । ସେ ଉତ୍କଳବିଶ୍ୱବିଦ୍ୟାଳୟରୁ ସାମାଜିକ ବିଜ୍ଞାନରେ ସ୍ନାତକୋତ୍ତର ପାସ କଲାପରେ ଦିଲ୍ଲୀ ବିଶ୍ୱବିଦ୍ୟାଳୟରେ ଆଇନପାଠ ପଢୁଛନ୍ତି । ଠିକ ସେହିପରି ତାଲପାଲିପଡାର ଅବସରପ୍ରାପ୍ତ ପୁଲିସ ଏସଆଇ ଅଷ୍ଟମ ସୁନା ଓ ସୀତା ସୁନାଙ୍କ ପୁଅ ଆଶିଷ ସୁନା ୨୭୪ ର‌୍ୟାଙ୍କରେ ରହି କୃତକାର୍ଯ୍ୟ ହୋଇଛନ୍ତି । ଆଶିଷ ୨୦୧୪ରୁ ୨୦୧୯ ଯାଏଁ ଆଇଆଇଟି ମାଡ୍ରାସରୁ ଡିଗ୍ରୀ ହାସଲକରି ୨୦୨øା ମସିହାରେ ଷ୍ଟେଟବ୍ୟାଙ୍କ ପିଓ ଚାକିରି କରୁଥିଲେ । ଏବେ ସେ ଓସିଏସରେ ସଫଳ ହୋଇଛନ୍ତି । ସେହିପରି ଟିଟିଲାଗଡ ନିକଟସ୍ଥ କନ୍ଦାଖାଲ ଗାଁର ମାଗି କୁମ୍ଭାର ଓ ଶ୍ରୀମତୀ କୁମ୍ଭାରଙ୍କ ପୁଅ ହେମରାଜ କୁମ୍ଭାର ୨୫୪ ର‌୍ୟାଙ୍କ ଓ ଖୋଲାନର ବାଲେକ ମହାନନ୍ଦଙ୍କ ପୁଅ ବିଶାଳ ମହାନନ୍ଦ ୨୮୨ ର‌୍ୟାଙ୍କରେ ରହି କୃତକାର୍ଯ୍ୟ ହୋଇଛନ୍ତି । କଣ୍ଟାବାଞ୍ଜି ସହରର ସିଭିଲ ଇଞ୍ଜିନିୟର କମଲକିଶୋର ଜିନ୍ଦଲଙ୍କ ଧର୍ମପତ୍ନୀ ସଂଗୀତା ଜିନ୍ଦଲ ୨୮୮ ର‌୍ୟାଙ୍କରେ ରହି ଓସିଏସ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ଜିଲ୍ଲାର ବିଭିନ୍ନ ମହଲରୁ ଏମାନଙ୍କୁ ଶୁଭେଚ୍ଛାର ସୁଅ ଛୁଟୁଛି ।