21-Sep-2025

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ରାମପୁର କଲ୍ୟାଣ ମଣ୍ଡପ ଠାରେ ନିଖିଳ ଉତ୍କଳ କୁଲି ମେହେର ସମାଜ ତରଫରୁ ଜିଲ୍ଲାସ୍ତରୀୟ ମହାସଭା ଅନୁଷ୍ଠିତ ହୋଇଯାଇଛି। ପୂର୍ବତନ ରାଜ୍ୟ ସଭାପତି ତଥା ସ୍ଥାନୀୟ ରାମପୁର ଗ୍ରାମର ବାସିନ୍ଦା ଚୈତନ୍ୟ ମେହେରଙ୍କ ସଭାପତିତ୍ବରେ ଅନୁଷ୍ଠିତ ଏହି ମହାସଭାରେ ସୁବର୍ଣ୍ଣପୁର ଜିଲ୍ଳାର ୧୩ ଖଣ୍ଡ ଗ୍ରାମର ମେହେର, ଭାଲ୍ଲୋକ ଙ୍କ ସମେତ ପ୍ରାୟ ୩୦୦ରୁ ଅଧିକ ମହିଳା ପୁରୁଷ ଯୋଗଦାନ କରିଥିଲେ। ମୂଖ୍ୟ ଅତିଥି ଭାବରେ ନିଖିଳ ଉତ୍କଳ କୁଲି ମେହେର, ସମାଜର ସଭାପତି ଦଶରଥ ମେହେର, ସମ୍ମାନୀତ ଅତିଥି ଭାବରେ ସମ୍ପାଦକ ପୁରନ ମେହେର, ବରଗଡ ଜିଲ୍ଲାର ସଭାପତି ମଧୁସୂଦନ ମେହେର, ସମ୍ପାଦକ ସୁଦାମ ମେହେର ଙ୍କ ସମେତ ରାଜ୍ୟ ଓ ବିଭିନ୍ନ ଜିଲ୍ଳା କମିଟି ଯୋଗଦାନ୍ କରିଥଲେ। ମାଁ କରମସାନୀଙ୍କ ନିକଟରେ ପୂଜାର୍ଚ୍ଚନା ପରେ ନୂତନ ଜିଲ୍ଲା କମିଟି ଗଠନ ପାଇଁ ଘୋଷଣା କରଯାଇଥିଲା। କୁଲି ମେହେର ସମାଜର ଉପଵିଧି ଅନୁଯାୟୀ ସଭାପତି ଙ୍କ ଆଦେଶ କ୍ରମେ ନିର୍ବାଚନ ଅଧିକାରୀ ଭାବରେ ପୁରନ ମେହେର, କଲ୍ୟାଣୀ ମେହେର ଓ ଦୁର୍ଗାପ୍ରସାଦ ମେହେର ଯୋଗଦେଇ ଆଗାମୀ ୩ ବର୍ଷ ପାଇଁ ଜିଲ୍ଲାସ୍ତରୀୟ କମିଟି ଗଠନର ପ୍ରକ୍ରିୟା ଆରମ୍ଭ କରିଥିଲେ। ଉପସ୍ଥିତ ଜନତାଙ୍କ ଅନୁରୋଧକ୍ରମେ ମନୋନୟନ ପ୍ରକ୍ରିୟାରେ ଜିଲ୍ଲା କମିଟିର ବିଭିନ୍ନ ପଦବୀ ପୂରଣ କରାଯାଇଥିଲା। ସଭାପତି ଭାବରେ ଘନଶ୍ୟାମ ମେହେର, ଉପସଭାପତି ଭାବରେ ଦିଲ୍ଲୀପ ମେହେର ଓ କୈଳାସ ମେହେର ସମ୍ପାଦକ ଭାବରେ ପ୍ରତାପ କୁମାର ମେହେର, ସହ ସମ୍ପାଦକ ଭାବରେ ଯୋଗେଶ୍ୱର ମେହେର ଓ ଦେବରାଜ ମେହେର, କୋଷାଧ୍ୟକ୍ଷ ଭାବରେ ପୀତବାସ ମେହେର, କାର୍ଯ୍ୟକାରୀ କମିଟିରେ ଯଥାକ୍ରମେ ବିଷ୍ଣୁମୟୀ ମେହେର, ଗୀତାଞ୍ଜଳୀ ମେହେର, ସୁଦେଶ୍ନା ମେହେର, ଅନୁଶୟା ମେହେର , ଦିନେଶ ମେହେର ଓ ଶଶିଭୂଷଣ ମେହେର ଏବଂ ମୁଖ୍ୟ ଉପଦେଷ୍ଟା ଭାବରେ ସାଧୁ ମେହେର ଙ୍କୁ ମନୋନୀତ କରାଯାଇଥିଲା । ସମସ୍ତଙ୍କ ଅନୁରୋଧ କ୍ରମେ ଉପଦେଷ୍ଟା ମଣ୍ଡଳୀରେ ସବୁ ଗ୍ରାମର ମେହେରଙ୍କୁ ରଖା ଯାଇଥିଲା।       ନବଗଠିତ ସମସ୍ତ ଜିଲ୍ଲା କମିଟି ସଦସ୍ୟ ସଦସ୍ୟାଙ୍କୁ ଅଭିନନ୍ଦନ ଜଣାଇ ବରଗଡ ଜିଲ୍ଲା ସମ୍ପାଦକ ସୁଦାମ ମେହେର ଶପଥ ପାଠ କରାଇଥିଲେ। ଏହି ମହାସଭାରେ ଜିଲ୍ଲାର ଶହ ଶହ ଜନ ସାଧାରଣ ଯୋଗଦାନ କରି ମହାସଭାକୁ ସାଫଲ୍ୟ ମଣ୍ଡିତ କରିଥିବାରୁ ସମସ୍ତଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇ ମାଁ କରମସାନିଙ୍କ ନିକଟରେ ଆଶୀର୍ବାଦ ପ୍ରଦାନ ପାଇଁ ପ୍ରାର୍ଥନା କରିଥିଲେ। ମହାସଭାକୁ ସଫଳ କରିବା ପାଇଁ ହେମନ୍ତ ମେହେର, ବିଦେଶୀ ମେହେର, ବିରଞ୍ଚି ମେହେର, ପ୍ରଦୀପ ମେହେର,ଜ୍ୟୋତିରଞ୍ଜନ ମେହେର,ସୁଦାମ ମେହେର, ଅନାଦି ମେହେର,ସରୋଜ ମେହେର,ସର୍ଜନ ମେହେର, ମଗନିଆ ମେହେର,ରମେଶ ମେହେର,ମୁନା ମେହେର,କୁମୁଦ ମେହେର,ଆନନ୍ଦ ମେହେର,ଶିବ ମେହେର,ବନମାଳୀ ମେହେର, ଭଜ ମେହେର ଓ ପ୍ରମୋଦ ମେହେର ସଭାକୁ ସଫଳ କରିବା ପାଇଁ ସହଯୋଗ ପ୍ରଦାନ କରିଥିଲେ।ପରିଶେଷରେ ବିରଞ୍ଚି  ମେହେର ସମସ୍ତଙ୍କୁ ଧନ୍ୟବାଦ୍ ଜଣାଇ ସଭାପତିଙ୍କ ଆଦେଶ କ୍ରମେ ସଭା ସାଙ୍ଗ ଘୋଷଣା କରିଥିଲେ।