21-Sep-2025

ଡୁଙ୍ଗୁରିପାଲି, ତା ୧୯/୯(ପ୍ରେରଣା ଖବର) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ୍ ଅନ୍ତର୍ଗତ ପଞ୍ଚାୟତ ଉଚ୍ଚ  ବିଦ୍ୟାଳୟ ମାୟାବର୍ହ୍।ଠାରେ  ବିଦ୍ୟାଳୟର ପ୍ରଧାନ ଶିକ୍ଷକ ଡ. ରବିଚନ୍ଦ୍ର ପଶାୟତ ସଭାପତିତ୍ବରେ ଆନ୍ତର୍ଜାତୀୟ ଶାନ୍ତି ଦିବସ ଅବସରରେ "ଶାନ୍ତି ପାଇଁ ଦିନ ଟିଏ" କାର୍ଯ୍ୟକ୍ରମ ଅନୁଷ୍ଠିତ  ହୋଇଯାଇଛି । ସ୍କାଉଟ୍ ଜିଲ୍ଲା ତାଲିମ କମିଶନର  ତଥା ମେସେଞ୍ଜର ଅଫ ପିସ ସଂଯୋଜକ ଦୀନବନ୍ଧୁ ପ୍ରଧାନ ଏହି ଅବସରରେ ଅନୁଷ୍ଠିତ  ସଭାକୁ ସଂଯୋଜନା କରିବା ସହ ବିଶ୍ଵ ଶାନ୍ତି ପାଇଁ ସ୍କାଉଟ ଓ ଗାଇଡ ମାନଙ୍କ ଭୂମିକା ପ୍ରଶଂସନୀୟ ବୋଲି ମତ ବ୍ୟକ୍ତ କରିଥିଲେ।    ଏହି ଅବସରରେ ଶିକ୍ଷକ ରାଜୁ ମେହେର ଓ କିରଣ କୁମାର ପଟେଲ ଙ୍କ ନେତୃତ୍ୱ ରେ ସ୍କାଉଟ ମାନେ  ଖେଳ ପଡିଆ ନିକଟରେ ବୃକ୍ଷ ରୋପଣ କରିଥିଲେ। ବୃକ୍ଷ ରୋପଣରେ ସ୍କାଉଟ ମାନଙ୍କ ମଧ୍ୟରୁ ବିକାଶ,ଶ୍ରୀତମ,ଆୟୁଷ, ଅମିତ୍, ଗୋବର୍ଦ୍ଧନ, ଅଙ୍କେଟ, ଆଦିତ୍ୟ  ଭାଗ ନେଇଥିଲେ ।

ସ୍କାଉଟ ମାଷ୍ଟର ଚିନ୍ମୟ କୁମାର ଦାସ  ସମସ୍ତଙ୍କୁ ଧନ୍ୟବାଦ ପ୍ରଦାନ ସହ ଶାନ୍ତି  ଶୁଖି ଜୀବନ ଯାପନ ପାଇଁ ଆବଶ୍ୟକ ବୋଲି  ମତ ପ୍ରଦାନ୍ କରିଥିଲେ। କାର୍ଯ୍ୟକ୍ରମରେ, ବିଭୀଷଣ ଖମାରୀ, ସୁରଜ୍ ଖମାରୀ , ସମୀର କାଠର, ପୂର୍ବତନ ସ୍କାଉଟ ସମୀର ପ୍ରଧାନ ପ୍ରଭୁତି   ସହଯୋଗ କରିଥିଲେ ।