28-Jan-2021

ଝାରସୁଗୁଡା (ପ୍ରେରଣା ଖବର ବ୍ୟୁରୋ) : ଝାରସୁଗୁଡା ବ୍ରଜରାଜନଗର ରେଳ ଷ୍ଟେସନରେ ଉତ୍କଳ ଏକ୍ସପ୍ରେସ ଟ୍ରେନର ରହଣୀ ବାତିଲ ପ୍ରତିବାଦରେ ରେଳରୋକ ।ଦୀର୍ଘ ୫୦ ବର୍ଷ ତଳୁ ବ୍ରଜରାଜନଗରରେ ଅଟକି ଆସୁଥିବା ଉତ୍କଳ ଏକ୍ସପ୍ରେସ ଟ୍ରେନ୍ । କରୋନା କଟକଣା ହଟିବାପରେ ଆଜିଠାରୁ ଚାଲୁ ହୋଇଛି ହରିଦ୍ବାର-ପୁରୀ ଉତ୍କଳ ଏକ୍ସପ୍ରେସ । ପୁରୀ-ଯୋଧପୁର ଟ୍ରେନର ଷ୍ଟପେଜ୍ ବାତିଲ ପରେ ଉତ୍କଳ ଏକ୍ସପ୍ରେସର ଷ୍ଟପେଜ୍ ବାତିଲ କରାଯିବାରୁ ବ୍ରଜରାଜନଗର ଜନତା କ୍ଷୁବ୍ଧ ହୋଇ ଆନ୍ଦୋଳନକୁ ଓହ୍ଲାଇଛନ୍ତି ।

ବୁଧବାରଠାରୁ ଏହି ନିୟମ ଲାଗୁ ହେବା ପରେ ବ୍ରଜରାଜନଗରରେ ତୀବ୍ର ଅସନ୍ତୋଷ ଦେଖାଦେଇଥିଲା । ତେବେ ଗୁରୁବାର ସକାଳେ ରେଳ ରୋକ କରିବାକୁ ବ୍ରଜରାଜନଗର ସହରର ସମସ୍ତ ବ୍ୟବସାୟୀ ନିଜ ଦୋକାନ ବନ୍ଦ କରି ବ୍ରଜରାଜନଗର ରେଳ ଷ୍ଟେସନରେ ଚାଲିଥିବା ଆନ୍ଦୋଳନରେ ସାମିଲ ହୋଇଛନ୍ତି।

ଏହି ଟ୍ରେନ ରହିବାର ନଥିବାରୁ ଏହାକୁ ନେଇ ଅସନ୍ତୋଷ ପ୍ରକାଶ କରିଥିଲେ ବ୍ରଜରାଜନଗରବାସୀ । ତେବେ ଏନେଇ ବ୍ରଜରାଜନଗର ରେଳ ଷ୍ଟେସନଠାରେ ପ୍ରାୟ ଶହେରୁ ଉର୍ଦ୍ଧ୍ବ ଆରପିଏଫ ପୋଲିସ ମୁତୟନ ଥିବାବେଳେ ଓଏସଏପିର ପୋଲିସ ଫୋର୍ସ ମୁତୟନ ରହିଛନ୍ତି । ଅନ୍ୟ ପକ୍ଷରେ ଯଦି ଦାବି ପୂରଣ ନହେବ ତେବେ ଆଗାମୀ ସମୟରେ ଆହୁରି ଶକ୍ତ ବିରୋଧ ପ୍ରଦର୍ଶନ କରାଯିବ ବୋଲି ଅଞ୍ଚଳବାସୀ କହିଛନ୍ତି।