28-Jan-2021

ରାୟଗଡ଼ା, (ପ୍ରେରଣା ଖବର)  ଟ୍ରେନ ଧକ୍କାରେ ଆହତଙ୍କୁ ଡାକ୍ତରଖାନା ନେବାକୁ ଆସିଲାନି ଆମ୍ବୁଲାନ୍ସ । ପରେ ବାଇକରେ ଡାକ୍ତରଖାନା ପହଞ୍ଚାଇଲେ ସ୍ଥାନୀwୟ ଲୋକେ। ଏଭଳି ଘଟଣା ଘଟିଛି ରାୟଗଡ଼ା ଉପକଣ୍ଠ ଦୁର୍ଗା ମନ୍ଦିର ଠାରେ।
ବୁଧବାର ଅପରାହ୍ନରେ କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ ବଡ଼କୁଟିଙ୍ଗା ଗ୍ରାମର ବକଲୁ ମିଣିଆକା ରାୟଗଡା ଉପକଣ୍ଠ ଦୁର୍ଗା ମନ୍ଦିର ନିକଟରେ ଏକ ଟ୍ରେନ ଧକ୍କାରେ ଗୁରୁତର ହୋଇ ରେଳ ଲାଇନ କଡରେ ଦୀର୍ଘ ସମୟ ପଡି ରହିଥିଲେ ।
ସ୍ଥାନୀୟ ଲୋକେ ଜାଣିବା ପରେ ଆମ୍ବୁଲାନ୍ସକୁ ଖବର ଦେଇଥିଲେ। କିନ୍ତୁ, ଆମ୍ବୁଲାନ୍ସ ନଆସିବାରୁ ଏକ ବାଇକରେ ଦୁଇଜଣ ବ୍ୟକ୍ତି ତାଙ୍କୁ ରାୟଗଡା ଡାକ୍ତରଖାନା ପହଞ୍ଚାଇଛନ୍ତି। ତେବେ କେଉଁ କାରଣରୁ ସେ ଦୁର୍ଘଟଣାର ଶିକାର ହେଲେ ତାହା ସ୍ପଷ୍ଟ ହୋଇପାରିନି।