04-Sep-2025

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ଅଂଚଳର ବିକାଶ କୁନେଇ ବିଭିନ୍ନ ସମୟରେ ସରକାରଙ୍କ ଦୃଷ୍ଟି ଆକର୍ଷଣ ତଥା ଦାବି ଉପସ୍ଥାନ ପାଇଁ ଏକ ନାଗରିକ କମିଟିର ଆବଶ୍ୟକତାକୁ ଦୃଷ୍ଟିରେ ରଖି ଆଜି କଣ୍ଟାମାଳ ଓକିଲ ସଂଘର ଆହ୍ୱାନ କ୍ରମେ ଏକ ବୈଠକ କଣ୍ଟାମାଳ କୋର୍ଟ ପରିସରରେ ଅନୁଷ୍ଠିତ ହୋଇଯାଇଛି l  କଣ୍ଟାମାଳ ଓକିଲ ସଂଘ ସଭାପତି ଦୂତିଆ ଚରଣ ସାହୁଙ୍କ ଆବାହକତ୍ୱରେ ଆୟୋଜିତ ବୈଠକରେ ଓକିଲ ସଂଘ, ବଣିକ ସଂଘ, ବରିଷ୍ଠ ନାଗରିକ କମିଟି, ବିଭିନ୍ନ ସାମାଜିକ ସଂଗଠନ, ଗଣମାଧ୍ୟମ, ବୁଦ୍ଧିଜୀବୀ, ସ୍ଥାନୀୟ ଜନସାଧାରଣ ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ l  ବୈଠକରେ ଅଂଚଳର ବିଭିନ୍ନ ସମସ୍ୟା ସମ୍ପର୍କରେ ବିସ୍ତୃତ ଭାବେ ଆଲୋଚନା ପରେ କଣ୍ଟାମାଳ ସଚେତନ ନାଗରିକ ମଞ୍ଚ ନାମରେ ସର୍ବସମ୍ମତିକ୍ରମେ ଏକ ନୂତନ କମିଟି ଗଠନ କରାଯାଇଥିଲା  l   ବୈଠକରେ ସଭାପତି ଭାବେ ବରିଷ୍ଠ ଆଇନଜୀବୀ ଦୂତିଆ ଚରଣ ସାହୁ ଙ୍କୁ

ସର୍ବସମ୍ମତି କ୍ରମେ ମନୋନୀତ କରାଯାଇଥିବାବେଳେ କୃଷ୍ଣ ଚନ୍ଦ୍ର କହଁର ଉପସଭାପତି,ସନ୍ତୋଷ କୁମାର ବିଶି ସମ୍ପାଦକ, କେଦାରନାଥ ସାହୁ ସହସମ୍ପାଦକ ଓ ବଜରଙ୍ଗଲାଲ ଅଗ୍ରୱାଲ ଙ୍କୁ କୋଷାଧ୍ୟକ୍ଷ୍ୟ ଭାବେ ଚୟନ କରାଯାଇଥିଲା  l  ସେହିପରି ହାଇପାୱାର କମିଟିରେ ପୂର୍ବତନ ବିଧାୟକ ଭଗବାନ କହଁର, ବରିଷ୍ଠ ଆଇନଜୀବୀ କୈଳାସ ଚନ୍ଦ୍ର ବାରିକ,ଶିକ୍ଷାବିତ ମହେନ୍ଦ୍ର ଦାଶ, ଲକ୍ଷ୍ମଣ ସାହୁ, ଦେବୀପ୍ରସାଦ ନାୟକ, ଚତୁର୍ଭୁଜ ସାହୁ, ଶୁକ ମିଶ୍ର, ପବିତ୍ର ରଣା,ଦିବ୍ୟଶଙ୍କର ରାଉତ,ଆଇନଜୀବୀ ମନୋଜ କୁମାର ଶର୍ମା, ଶିବ ପ୍ରସାଦ ରଥ,ଆଇନଜୀବି ରାଧାବଲ୍ଲଭ ପ୍ରଧାନ, ସୁରେଶ ଚନ୍ଦ୍ର ରଣା, ଯଦୁଵିହାରୀ ବାଘ, ସମାଜସେବୀ ଶମ୍ଭୁ ପ୍ରସାଦ ସାହୁ,ଦାମୋଦର ସ୍ୱାଇଁ, ଆଇନଜୀବୀ ପ୍ରଶାନ୍ତ କୁମାର ସାହୁ,ଶେଷଦେବ ବଗର୍ତ୍ତୀ, ଶମ୍ଭୁ ପ୍ରସାଦ ସାହୁ, ଯୋଗେଶ ଚନ୍ଦ୍ର ଗାଈଗୋରିଆ,ନରୋତ୍ତମ ମେହେର, ନୀଳାମ୍ବର ପ୍ରଧାନ, ଜୟ କୁମାର ମହାରଣା, କଣ୍ଟାମାଳ ସରପଞ୍ଚ ପ୍ରତିନିଧି ପ୍ରକାଶ ସାହୁ, ଖଲିଆପାଲି ସରପଞ୍ଚ ପ୍ରତିନିଧି ଜେମାକାନ୍ତ ନାୟକ ପ୍ରମୁଖ ମନୋନୀତ ହୋଇଛନ୍ତି  l  ଶେଷରେ କୈଳାସ ଚନ୍ଦ୍ର ବାରିକ ଧନ୍ୟବାଦ ଅର୍ପଣ କରିଥିଲେ   l