03-Sep-2025

ତରଭା(ପ୍ରେରଣା ଖବର): ରାଜ୍ୟରେ ଗ୍ରାମପଞ୍ଚାୟତ ଓ ବ୍ଲକ ସୀମାପୁନର୍ଗଠନ କରିବା ନେଇ ରାଜ୍ୟସରକାରଙ୍କ ନୋଟିଫିକେସନ ପରେ ମେଣ୍ଡା ଗ୍ରାମପଞ୍ଚାୟତକୁ ବ୍ଲକ ଘୋଷଣା କରିବାକୁ ଯୋର ଧରିଛି । ତରଭା ବ୍ଲକର ମେଣ୍ଡା, ଦେଉଳପଦର, ପାଇକବାହାଲ,ପୁଆ,ରାଣିସର୍ଡା ଇତ୍ୟାଦି ଆ ପାଖରେ ପ୍ରାୟ ୧୦ ପଞ୍ଚାୟତକୁ ନେଇ ନୂଆ ମେଣ୍ଡା ବ୍ଲକ ଗଠନ କରିବାକୁ ଦାବି ହେଉଛି । ପୂର୍ବରୁ ଏନେଇ ଅନେକଥର ବୈଠକ କରି ଆଲୋଚନା ସହିତ ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ ଓ ସାଂସଦଙ୍କୁ ଭେଟି ଦାବିପତ୍ର ଦିଆଯାଇ ସାରିଛି । ଠିକ ସେହିପରି ସୁବର୍ଣ୍ଣପୁର ସଦରମହକୁମାରେ ହଜାର ହଜାର ପୁରୁଷ ମହିଳାଙ୍କୁ ନେଇ ଏକ ବିଶାଳ ରାଲିକରି ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରେରଣ କରାଯାଇଥିଲା । ଏବେ ରାଜ୍ୟସରକାରଙ୍କ ବ୍ଲକ ପୁନର୍ଗଠନ ନେଇ ନୋଟିଫିକେସନ ହୋଇଛି । ସେହିକ୍ରମରେ ସୁବର୍ଣ୍ଣପୁର ଜିଲ୍ଲାର ସର୍ବବୃହତ ତଥା ଐତିହାସିକ ଗ୍ରାମ ମେଣ୍ଡାରେ ନୂତନ ବ୍ଲକ କରିବାକୁ ଦାବିକରାଯାଉଛି । ଅଞ୍ଚଳର ଲୋକଙ୍କ ସହ ଯୋଗ ମଧ୍ୟ ରହିଛି । ଗତ ନୂଆଖାଇ ଦିନ ଶତାଧିକ ଲୋକଙ୍କୁ ନେଇ ମେଣ୍ଡା ଜଗନ୍ନାଥମନ୍ଦିର ସମ୍ମୁଖରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ଆଗାମୀ ଦିନରେ ୧୦ଟି ଗ୍ରାମପଞ୍ଚାୟତ ଅଞ୍ଚଳରେ ମେଣ୍ଡା ବ୍ଲକନେଇ ଲିଫଲେଟ, ବ୍ୟାନର ଲଗାଯିବାକୁ ନିଷ୍ପତ୍ତି କରାଯାଇଛି । ଏହା ସହିତ ଅଞ୍ଚଳର ଏକ ପ୍ରତିନିଧିମଣ୍ଡଳିଙ୍କୁ ନେଇ ରାଜସ୍ୱମନ୍ତ୍ରୀ, ପଞ୍ଚାୟତିରାଜ ବିଭାଗର ମନ୍ତ୍ରୀ ଓ ସଚିବଙ୍କୁ ଭେଟି ଦାବିପତ୍ର ପ୍ରଦାନ କରାଯିବା ସହ ଆଲୋଚନା କରାଯିବାକୁ ନିଷ୍ପତ୍ତି ନିଆଯାଇଛି । ମଙ୍ଗଳବାର ଦିନ ଅପରାହ୍ନ ୪ଟାରେ ମେଣ୍ଡା ହାଇସ୍କୁଲପଡିଆଠାରେ ଆଉ ଏକ ଗୁରୁତ୍ୱପୂର୍ଣ୍ଣ ବୈଠକ

କରାଯାଇଛି । ବିଭିନ୍ନ କାର୍ଯ୍ୟପନ୍ଥା ବିଷୟରେ ଆଲୋଚନା କରାଯାଇଥିବା ଜଣାଯାଇଛି । ବ୍ଲକଦାବିରେ ହୋଇଥିବା ଏହି ବୈଠକରେ ମକୁନ୍ଦ ସାହୁ,ଭିକାରୀ ମେହେର,ଟଙ୍କଧର ମେହେର, ନାରାୟଣ ଝାଙ୍କର,ହୃଷିକେଶ ପାତ୍ର,ପ୍ରମୋଦ ପର୍ଡିଆ, ସନାତନ କର୍ମି,ଅଶୋକ ବିଶି,ରାଜୀବ ଯୋଷୀ, କ୍ଷମାନିଧି ଝାଙ୍କର, ପୂର୍ଣ୍ଣଚନ୍ଦ୍ର ପଣ୍ଡା,ସିଦ୍ଧାର୍ଥ ଅଗ୍ରୱାଲ,ନରୋତ୍ତମ ମଲ୍ଲିକ,ମହାଦେବ ଜେନା,ବିଭୂତିଭୂଷଣ ଝାଙ୍କର,ରାଜେନ୍ଦ୍ର ପଣ୍ଡା,ଡୁବୁଲ ଦଣ୍ଡସେନା,ବୀରବର ଝାଙ୍କର,ରାଜକିଶୋର ପୂଜାହାରୀ,ଶଙ୍କର ପୁରୋହିତ,ଜିତେନ୍ଦ୍ର ପଣ୍ଡା,ଭାଗିରଥି ସାହୁ,ଭୁବନାନନ୍ଦ ବାଦୀ ପ୍ରମୁଖଙ୍କ ସହିତ ଶତାଧିକ ଲୋକ ଉପସ୍ଥିତ ଥିଲେ ।