02-Sep-2025

ବିନିକ(ହିମାଂଶୁ ଶେଖର ପୁଟେଲ)ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ବାବା କପିଳେଶ୍ୱର ପୀଠରେ ବିରାଜମାନ ମାଁ ଚର୍ଦ୍ଦେଇ ଦେବୀଙ୍କ ମହୋତ୍ସବ ପାଳନ ନେଇ ସ୍ଥାନୀୟ କପିଳେଶ୍ୱର ସଭା ଗୃହ ଠାରେ ମହୋତ୍ସବ କମିଟି ସଭାପତି ଅଶୋକ ପୃଷ୍ଟିଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଆଜି ଅନୁଷ୍ଟିତ ହୋଇଥିଲା।ଏଥିରେ କମିଟି ସଦସ୍ୟଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।ପ୍ରାରମ୍ଭରେ କମିଟି ସଭାପତି ଶ୍ରୀ ପୃଷ୍ଟି ବିଗତ ବର୍ଷ ମହୋତ୍ସବ ଆୟୋଜନର ଆୟ ବ୍ୟୟ ଉପରେ ସୂଚନା ପ୍ରଦାନ କରିବା ସହିତ ଚଳିତ ବର୍ଷ ଅକ୍ଟୋବର ୩୧ତାରିଖରୁ ନଭେମ୍ବର ୨ତାରିଖ ପର୍ଯ୍ୟନ୍ତ ହେବାକୁ ଯାଉଥିବା ଚର୍ଦ୍ଦେଇ ମହୋତ୍ସବ ଯେପରି ଆହୁରି ଆକର୍ଷଣୀୟ ଓ ଆଡ଼ମ୍ବରପୂର୍ଣ୍ଣ ହେବ ସେନେଇ ଆଲୋଚନା କରାଯାଇଥିଲା।ବିଗତ ବର୍ଷରେ ହୋଇଥିବା ସାମାନ୍ୟ ଭୁଲ ଭଟକାକୁ ସୁଧାରିବା ଏବଂ ମହୋତ୍ସବ ସଫଳତା ନେଇ ଉପସ୍ଥିତ ସଦସ୍ୟଙ୍କ ମଧ୍ୟରେ ପୁଙ୍ଖାନୁପୁଙ୍ଖ ଆଲୋଚନା କରାଯାଇ ପ୍ରସ୍ତାବ ଗୃହୀତ ହୋଇଥିଲା। ବୈଠକରେ ଅକ୍ଟୋବର ମାସ ୧୫ତାରିଖ ସୁଦ୍ଧା ଅତିଥି ଚୟନ,୧୦ତାରିଖ ମଧ୍ୟରେ ଜିଲ୍ଲା ପ୍ରଶାସନ ଓ ବ୍ଲକ ଅଧିକାରୀଙ୍କ ସହିତ ବୈଠକ,କେନ୍ଦ୍ର ଓ ରାଜ୍ୟ ସଂସ୍କୃତି ମନ୍ତ୍ରୀଙ୍କ ଉପସ୍ଥିତ ପାଇଁ ପତ୍ର ପ୍ରଦାନ,କଳାସୀ ଯାତ୍ରା ସମୟରେ ବାବା କପିଳେଶ୍ୱରଙ୍କ ଦର୍ଶନ ଓ ଆଜ୍ଞାମାଳ ପାଇଁ ବିଭିନ୍ନ ଗ୍ରାମରୁ ଛତର ଶୋଭାଯାତ୍ରାରେ ଆସୁଥିବା ବରୁଆ ଏବଂ ଭକ୍ତଙ୍କୁ ଏଥର ମନ୍ଦିର ସେବାୟତ,ଟ୍ରଷ୍ଟ ବୋର୍ଡ କମିଟି କର୍ମକର୍ତ୍ତା ଏବଂ ମହୋତ୍ସବ କମିଟି ସଦସ୍ୟଙ୍କ ତରଫରୁ ସୁ ସ୍ବାଗତ କରାଯାଇ ମନ୍ଦିରକୁ ପାଛୋଟି ଅଣାଯିବ ଆଦି ପ୍ରସ୍ତାବ ଗୃହୀତ ହୋଇଥିଲା।ପରେ ସର୍ବସମ୍ବତି କ୍ରମେ କିଛି ନୂତନ ସଦସ୍ୟଙ୍କୁ ବିଭିନ୍ନ ପଦପଦବୀରେ ରଖାଯାଇଥିଲା ସୂଚନା ଅନୁସାରେ ମହୋତ୍ସବ କମିଟି ଉପ ସଭାପତି ଭାବେ ବିଶିଷ୍ଟ କଳାକାର ଶାଶ୍ଵତ କୁମାର ତ୍ରିପାଠୀ,ଆବାହକ - ଧର୍ମରାଜ ପଣ୍ଡା,ପ୍ରଶାନ୍ତ ପୁଝାହାରି,ସଂଯୋଜକ - ଧର୍ମେନ୍ଦ୍ର ଥନାପତି,ଡାକ୍ତର ଥନାପତି,ଉପଦେଷ୍ଟା ମଣ୍ଡଳୀରେ ରବୀନ୍ଦ୍ର ହୋତା,ସଦାନନ୍ଦ ଥନାପତିଙ୍କୁ ମନୋନୀତ କରାଯାଇଥିଲା।