02-Sep-2025

ବୀରମହାରାଜପୁର,(ବିନୋଦ ପାଣ୍ଡେ)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ରେ ନ୍ୟୁ ଷ୍ଟାର କ୍ଲବ ଆନୁକୂଲ୍ୟ ରେ   ନୂଆଁଖାଇ ଭେଟଘାଟ କାର୍ଯକ୍ରମ ଅନୁଷ୍ଠିତ ହୋଇଯାଇଛି। ଆୟୋଜକ ସଭାପତି ଗୌରାଙ୍ଗ ଭରାସାଗର ଙ୍କ ପୋରୋହିତ୍ୟ ରେ ଅନୁଷ୍ଠିତ ଉକ୍ତ ସାଂସ୍କୃତିକ କାର୍ଯ୍ୟକ୍ରମ ରେ ପୂର୍ବତନ ସମିତିସଭ୍ୟ ପୀତାମ୍ବର ସାହୁ, ଶିକ୍ଷକ ମଦନ ସୁନ୍ଦର ଭୋଇ,ଶିକ୍ଷାବିତ କମଳା  ଜଗଦଲା, ରମେଶ ଜଗଦଲା,ସୁବଳ ଜଗଦଲା,ଆୟୋଜକ ସମ୍ପାଦକ ବୈଜନାଥ ଜଗଦଲା ପ୍ରମୁଖ ଅତିଥି ଭାବେ ଯୋଗଦେଇ 
ନୂଆଁଖାଇ ଅବସରରେ  ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ। ପ୍ରାରମ୍ଭରେ ବାବା ସାହେବ ଆମ୍ବେଦକର ଙ୍କ ଫଟୋଚିତ୍ର ରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା। ଗୌରାଙ୍ଗ ଜଗଦଲା ଅତିଥି ପରିଚୟ ଓ ସ୍ବାଗତ ଭାଷଣ ପ୍ରଦାନ କରିଥିଲେ। ଗ୍ରାମର ଛାତ୍ରୀ ମାନଙ୍କ ଦ୍ଵାରା ସ୍ବାଗତ ନୃତ୍ୟ ପରିବେଷଣ କରାଯାଇଥିଲା। ଏହି ଅବସରରେ ପୂର୍ବରୁ ହୋଇଥିବା ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ମାନପତ୍ର ଦେଇ ପୁରସ୍କୃତ କରାଯାଇଥିଲା। ମଦନ ସୁନ୍ଦର ଭୋଇ ଙ୍କ ସମଲେଇ ଭଜନ ରୁ ଆରମ୍ଭ ହୋଇଥିଲା ସାଂସ୍କୃତିକ କାର୍ଯ୍ୟକ୍ରମ। ଏହା ପରେ ଅଞ୍ଚଳର ଲୁତୁରପଙ୍କ, ମେଣ୍ଡିଲିପାଲି, ଖଇରମାଲ, ଗୌଡଗାଡ, କଷଣ୍ଡା ଆଦି ଗ୍ରାମରୁ ଆସିଥିବା ନୃତ୍ୟଦଳ ସମ୍ବଲପୁରୀ, ଡାଳଖାଇ ଆଦି ନୃତ୍ୟ ପରିବେଷଣ କରିଥିଲେ। ଧନୁ ଭରାସାଗର ସାଂସ୍କୃତିକ କାର୍ଯ୍ୟକ୍ରମ କୁ ସଂଯୋଜନା କରିଥିଲେ।ଏହା ଦେଖିବାକୁ ଅଞ୍ଚଳର ଶତାଧିକ ଦର୍ଶକ ଙ୍କ ସମାଗମ ହୋଇଥିଲା। କାର୍ଯ୍ୟକ୍ରମ କୁ ପରିଚାଳନା ରେ ନ୍ଯୁ ଷ୍ଟାର କ୍ଳବର ସମସ୍ତ ସଦସ୍ୟ ସହଯୋଗ କରିଥିଲେ।