02-Sep-2025

କଣ୍ଟାମାଳ(ଜୟ କୁମାର ମହାରଣା): ପଶ୍ଚିମ ଓଡିଶାର କୃଷିଭିତ୍ତିକ ଗଣପର୍ବ ନୂଆଁଖାଇ ପରେ ଅଞ୍ଚଳରେ ବିଭିନ୍ନ ଅନୁଷ୍ଠାନ ତରଫରୁ ଆରମ୍ଭ ହୋଇଯାଇଛି ଭେଟଘାଟ କାର୍ଯ୍ୟକ୍ରମ। ଏହି ଅବସରରେ ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକ  ୟଙ୍ଗ ଷ୍ଟାର ଆସୋସିଏସନ ମେଡିକାଲ ଛକ ଗଣେଶ ପୂଜା କମିଟି ତରଫରୁ ଶନିବାର ଦିନ ସଂନ୍ଧ୍ୟାରେ ଆୟୋଜିତ ରଙ୍ଗାରଙ୍ଗ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ବିଳମ୍ବିତ ରାତିରେ ଶହ ଶହ ଦର୍ଶକଙ୍କ ସମାଗମରେ ଆଡମ୍ବର ମଧ୍ୟରେ

ଉଦଯାପିତ ହୋଇଯାଇଛି। ଏହି କାର୍ଯ୍ୟକ୍ରମରେ ପୂର୍ବତନ କଣ୍ଟାମାଳ ବିଧାୟକ ମହୀଧର ରଣା ମୁଖ୍ୟଅତିଥି ଓ ୧ନମ୍ବର ଜୋନ ଜିଲ୍ଲାପରିଷଦ ସଭ୍ୟା ଶ୍ରୀମତୀ ସୁମିତ୍ରା ସାହୁ, ୨ନମ୍ବର ଜୋନ ଜିଲ୍ଲାପରିଷଦ ସଭ୍ୟା ଶ୍ରୀମତୀ ପଦ୍ମାଳୟା ପ୍ରଧାନ, କଂଗ୍ରେସ ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରଶାନ୍ତ କୁମାର ସାହୁ, କଣ୍ଟାମାଳ ବ୍ଲକ ସାଂସଦ ପ୍ରତିନିଧି ଦୀପକ କୁମାର ବାରିକ, ବିଜେପି ଯୁବନେତା ଓମପ୍ରକାଶ ମିଶ୍ର,ଶିମିଳିପଦର ସରପଞ୍ଚ ସାର୍ଦୁଲ ନାଗ,କଣ୍ଟାମାଳ ଥାନାଧିକାରୀ ଭାବାନନ୍ଦ ପ୍ରଧାନ, ଘଣ୍ଟାପଡା ଥାନାଧିକାରୀ ବାଲ୍ମୀକି ପ୍ରଧାନ,  ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦେଇ ନୂଆଁଖାଇ ଭେଟଘାଟ

ଭଳି ସୁନ୍ଦର କାର୍ଯ୍ୟକ୍ରମ ର ଆୟୋଜନ କୁ ନେଇ ଭୁୟସୀ ପ୍ରଶଂସା କରିବା ସହ କଣ୍ଟାମାଳ ଅଂଚଳର ଐତିହ, କଳା ସଂସ୍କୃତି ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ । ଆୟୋଜନ କମିଟି ସଭାପତି ପ୍ରେମଲାଲ ମହାନ୍ତି ସଭାପତିତ୍ୱ ଓ ସମ୍ପାଦକ ସିଦ୍ଧେଶ୍ୱର ପାଣିଗ୍ରାହୀ ସଭା ପରିଚାଳନା କରିଥିଲେ  l  ଏହି ଅବସରରେ ଡାକ୍ତର, ସାମ୍ବାଦିକ, ସମାଜସେବୀ ଆଦିଙ୍କୁ ଉଲେଖନୀୟ କାର୍ଯ୍ୟ ପାଇଁ ମାନପତ୍ର ଦ୍ୱାରା ସମ୍ବର୍ଦ୍ଧିତ କରାଯାଇଛି l  ପରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମ ବଲାଙ୍ଗିର ର ଏଲ ଏକ୍ସ ମ୍ୟୁଜିକ ସୁର ସଂଗୀତ ମେଲୋଡି ର ସ୍ବନାମଧନ୍ୟ କଳାକାର ତଥା କଣ୍ଠଶିଳ୍ପୀଙ୍କ ସଂଗୀତ ଧମାକା ମଞ୍ଚକୁ ସରଗରମ କରିବା ସହ ଶହ ଶହ କଳା ସଂସ୍କୃତି ପ୍ରେମୀ ଦର୍ଶକଙ୍କୁ  ମତୁଆଲା କରିଥିଲା  l   ସ୍ଥାନୀୟ ଅଂଚଳର ବହୁ ସଂଖ୍ୟାରେ ଦର୍ଶକ ଉକ୍ତ ନୁଆଁଖାଇ ଭେଟଘାଟ କାର୍ଯ୍ୟକ୍ରମରେ ଯୋଗଦେଇ କଳାକାରମାନଙ୍କୁ ଉତ୍ସାହିତ କରିଥିଲେ  l  ୟଙ୍ଗ ଷ୍ଟାର ଆସୋସିଏସନ ର ସଭାପତି, ସମ୍ପାଦକ ସମେତ ବିଟୁ ବିଶି, ସୁରଜ ସାହୁ, ଦିଲ୍ଲୀପ ପ୍ରଧାନ,ସଂଜିତ ମିଶ୍ର, ସତୀଶ ମାହାଣl, ରାଜେଶ, ଠୂଲୁ ପଟ୍ଟନାୟକ, ବବଲୁ ହାତୀ, ପପୁ ମିଶ୍ର,ଧିରେନ, ଦୂତିଆ ରଣା,ମଙ୍ଗୁଲୁ, ବିକ୍ରମ,ଗୋଲଡି ବିଶି ଆଦି ସମସ୍ତ କର୍ମକର୍ତ୍ତା ମାନେ କାର୍ଯ୍ୟକ୍ରମକୁ ପରିଚାଳନାରେ ସହଯୋଗ କରିଥିଲେ   l