01-Sep-2025

ବରପାଲି,( ସୁଦାମ ଦୀପ)
ବରପାଲି ବ୍ଲକ ଅନ୍ତର୍ଗତ ସିକିର୍ଡ଼ିରେ ସ୍ଥାନୀୟ ଯୁବକ ସଂଘ ପକ୍ଷରୁ ନୂଆଁଖାଇ ଭେଟ ଘାଟ-୨୦୨୫ ଧୁମଧାମରେ ପାଳନ କରାଯାଇଛି l ସଂଘର ସଭାପତି ପ୍ରଦୀପ କୁମାର ପଧାନ ସଭାପତିତ୍ୱ କରିଥିବା ବେଳେ ସଭା ସଞ୍ଚାଳନ କରିଥିଲେ ଭୋଜରାଜ ଦୀପ l ମୁଖ୍ୟ ଅତିଥି ଭାବରେ ଅଧ୍ୟାପକ ସରୋଜ କୁମାର ଦାଶ, ମୁଖ୍ୟ ବକ୍ତା ଭାବରେ କବି ତେଜୁରୁ ବାରିକ,ସମନ୍ୱିତ ଅତିଥି ଭାବରେ କିଶୋର ସାହୁ ଓ ଗ୍ରାମ୍ୟ କମିଟି ସଭାପତି ଗତିକୃଷ୍ଣ ତ୍ରିପାଠୀ ଯୋଗଦାନ କରି ନୂଆଁଖାଇ ପରମ୍ପରାର ଅତୀତ,ବର୍ତ୍ତମାନ ଓ ଭବିଷ୍ୟତକୁ ନେଇ ମତବ୍ୟକ୍ତ କରିଥିଲେ l ସର୍ବପ୍ରଥମେ ମା ସମଲେଇଙ୍କ ଫଟୋ ଚିତ୍ରରେ ଫୁଲମାଳ ଦେଇ ପ୍ରଦୀପ ପ୍ରଜ୍ବଳନ କରିଥିଲେ l ତେଜରାଜ ବାଗ ସଭାର ଉଦେଶ୍ୟ ଜ୍ଞାପନ କରିଥିବା ବେଳେ ସଂପଦକୀୟ ଅଭିଭାଷଣ ପ୍ରଦାନ କରିଥିଲେ l ଶେଷରେ ଉତ୍ତର କୁମାର ସାହୁ ଧନ୍ୟବାଦ ଅର୍ପଣ କରିଥିଲେ l ସାଂସ୍କୃତିକ କାର୍ଯ୍ୟକ୍ରମର ସତଲମlର ଶଙ୍କର କୁମ୍ଭାର ଓ ସାଥୀଙ୍କ ଅର୍କେଷ୍ଟ୍ରା ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲା l ସଂଘର ସମସ୍ତ ସଭ୍ୟଙ୍କ ସହ ଗ୍ରାମବାସୀ ସହଯୋଗ କରି କାର୍ଯ୍ୟକ୍ରମକୁ ସଫଳ ରୂପାୟନ କରିଛନ୍ତି l