01-Sep-2025

ବଲାଙ୍ଗୀର ଜିଲ୍ଲା ଲୋଇସିଂହା ନିର୍ବାଚନ ମଣ୍ଡଳୀର ବିଧାୟକ ତଥା ରାଜ୍ୟସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ସଂସଦୀୟ ବ୍ୟାପାର ଓ ବୈଦ୍ୟୁତିକ ପ୍ରଯୁକ୍ତିବିଭାଗର ମନ୍ତ୍ରୀ ଡ.ମୁକେଶ ମହାଲିଙ୍ଗ ତାଙ୍କ ନିର୍ବାଚନ ମଣ୍ଡଳୀରେ କ୍ରୀଡାର ବିକାଶ ପାଇଁ ଏକ ଅନନ୍ୟ କାର୍ଯ୍ୟକ୍ରମ ଆରମ୍ଭ କରିଛନ୍ତି । ଫୁଟବଲଖେଳ ଓ ଖେଳାଳିଙ୍କୁ ପ୍ରୋତ୍ସାହିତ କରିବାକୁ “ବିଧାୟକ ଖେଳକୁଦଉତ୍ସବ” ନାମରେ ଏକ କାର୍ଯ୍ୟକ୍ରମ ଆରମ୍ଭ କରିଛନ୍ତି ।

ଏହି କାର୍ଯ୍ୟକ୍ରମ ମାଧ୍ୟମରେ ଲୋଇସିଂହା ନିର୍ବାଚନମଣ୍ଡଳୀ ଅନ୍ତର୍ଗତ ୬୫ ଗ୍ରାମପଞ୍ଚାତ ଅଞ୍ଚଳର ଯୁବଫୁଟବଲ ଫେଳାଳିଙ୍କୁ ନେଇ ଫୁଟବଲ ମ୍ୟାଚ କରାଯିବ ଓ ସେମାନଙ୍କ ମଧ୍ୟରେ ଚମ୍ପିୟନ ବଛାଯାଇ ସେମାନଙ୍କୁ ଜିଲ୍ଲା ଓ ରାଜ୍ୟସ୍ତରୀୟ ପ୍ରତିଯୋଗିତାକୁ ପଠାଯିବ । ଗତକାଲି ଆଗଲପୁର ବ୍ଳକ 

ନଅଗାଁ(ଖ) ଗ୍ରାମର ହାଇସ୍କୁଲ ଖେଳପଡିଆଠାରେ ମନ୍ତ୍ରୀ ଡ.ମହାଲିଙ୍ଗ ଏହାର ଶୁଭାରମ୍ଭ କରିଛନ୍ତି। ଉତ୍ସବର ଉଦଘାଟନୀ କାର୍ଯ୍ୟକ୍ରମରେ ନଅଗାଁ(ଖ) ଓ କୁସଙ୍ଗର ଫୁଟବଲଦଳ ମଧ୍ୟରେ ଏକ ବନ୍ଧୁତ୍ୱପୂର୍ଣ୍ଣ ମ୍ୟାଚରୁ ଏହାର ଶୁଭାରମ୍ଭ କରାଯାଇଛି। ଏହି ମ୍ୟାଚରେ କୁସଙ୍ଗଦଳ ନଅଗାଁ (ଖ) ଦଳକୁ ୨-୧ ଗୋଲରେ ହରାଇ ବିଜୟୀ ହୋଇ ଥିଲା । ହଜାର ହଜାର ଦର୍ଶକଙ୍କ ଗହଣରେ ଆୟୋଜିତ ଏହି ଉଦଘାଟନୀ କାର୍ଯ୍ୟକ୍ରମରେ 

 ମୁଖ୍ୟଅତିଥି ଭାବରେ ଯୋଗଦେଇ ମନ୍ତ୍ରୀ ଡ.ମୁକେଶ ମହାଲିଙ୍ଗ କହିଥିଲେ ଯେ, ଯଶଶ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର କ୍ରିଡାବିତଙ୍କୁ ପ୍ରୋତ୍ସାହିତ କରିବାକୁ ତାଙ୍କର ଏକ ଏପିସୋଡରେ ସାଂସଦମାନେ ସାଂସଦ ଖେଳକୁଦ କାର୍ଯ୍ୟକ୍ରମ କରିବାକୁ ଆହ୍ୱାନ ଦେଇଥିଲେ। ସେହି ଆହ୍ୱାନରେ ପ୍ରଭାବିତ ହୋଇ ସେ ବିଧାୟକ ଖେଳକୁଦ କାର୍ଯ୍ୟକ୍ରମ ଆରମ୍ଭ କରିବାକୁ ମନସ୍ଥ କରିଛନ୍ତି ବୋଲି କହିଥିଲେ । ନିର୍ବାଚନମଣ୍ଡଳୀର ତନିଟିଯାକ ବ୍ଲକର ଗ୍ରାପପଞ୍ଚାୟତ ଅଞ୍ଚଳର ଖେଳାଳିମାନଙ୍କୁ ନେଇ ମ୍ୟାଚ ଖେଳାଯିବ ଓ ଦକ୍ଷ ଖେଳାଳିଙ୍କୁ ଚୟନ କରାଯିବ । କେବଳ ଫୁଟବଳ ଖେଳ ନୁହଁ ଆଗକୁ ଖୋଖୋ, କବାଡି ଓ ଭଲିବଲ  ଖେଳକୁ ମଧ୍ୟ ପ୍ରୋତ୍ସାହିତ କରାଯିବ ବୋଲି ମନ୍ତ୍ରୀ ଡ.ମହାଲିଙ୍ଗ ଘୋଷଣା କରିଥିଲେ । ବରିଷ୍ଠ ସଂଗଠକ ପ୍ରଶାନ୍ତ ନାୟକଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଡ.ମହାଲିଙ୍ଗ,ସମ୍ମାନୀତ ଅତିଥି ଭାବରେ କେସିଙ୍ଗା ବ୍ଲକର ଅଧ୍ୟକ୍ଷ ଚନ୍ଦନ ସେନାପତି, ଆଗଲପୁର ବ୍ଲକର ବିଡିଓ କୁଳଦୀପ ମହାନ୍ତି, ବରିଷ୍ଠ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା, ଅବସରପ୍ରାପ୍ତ ଶିକ୍ଷକ ଲଳିତମୋହନ ସାହୁ, ପୂର୍ବତନ ଫୁଟବଲ ଖେଳାଳି ତଥା ଅବସରପ୍ରାପ୍ତ ଶିକ୍ଷକ ମୀନକେତନ ମହାଲିଙ୍ଗ,କ୍ରିଡା ଶିକ୍ଷକ ଦେବରାଜ ବିଶ୍ୱାଳ ପ୍ରମୁଖ ଯୋଗଦେଇଥିଲେ। ଆଗକୁ ବ୍ଲକର ବିଡିଓଙ୍କ ନେତୃତ୍ୱରେ ଏକ ପ୍ଲାନପ୍ରୋଗ୍ରାମ କରି ମ୍ୟାଚଗୁଡିକ ଆରମ୍ଭ କରିବାକୁ ମନ୍ତ୍ରୀ ଡ.ମହାଲିଙ୍ଗ ନିର୍ଦ୍ଦେଶ କରିଥିଲେ। ଏହି ଅବସରରେ ଗ୍ରାମବାସୀଙ୍କ ଅନୁରୋଧକ୍ରମେ ନଅଗାଁ(ଖ)ର ଖେଳପଡିଆକୁ ଏକ ମିନିଷ୍ଟାଡିୟମ କରାଇବେ ବୋଲି କହି ତୁରନ୍ତ ଏକ ଡିପିଆର ପ୍ରସ୍ତୁତ କରିବାକୁ ଆଗଲପୁର ବିଡିଓ ଶ୍ରୀ ମହାନ୍ତିଙ୍କୁ ନିର୍ଦ୍ଦେଶ କରିଥିଲେ । ଆଜିର ମ୍ୟାଚରେ ଖେଳିଥିବା ଫୁଟବଲ ଖେଳାଳି ଓ ରେଫରିଙ୍କୁ ମନ୍ତ୍ରୀ ଉପଢୌକନ ଦେଇ ସମ୍ମାନିତ କରିଥିଲେ ।