31-Aug-2025

କଣ୍ଟାମାଳ(ଜୟ କୁମାର ମହାରଣା): ଗତ ଶୁକ୍ରବାର ସଂଧ୍ୟା ୭ଟା ସମୟରେ କଣ୍ଟାମାଳ ପୋଲିସ ପକ୍ଷରୁ ଲମ୍ବସରୀ ଅଞ୍ଚଳରେ ସାନ୍ଧ୍ୟକାଳୀନ ପେଟ୍ରୋଲିଙ୍ଗ ଚାଲିଥିବାବେଳେ  ପୂର୍ବରୁ ଗଞ୍ଜେଇ ଚାଲାଣ ଘଟଣାରେ ପୋଲିସକୁ ଚକମା ଦେଇ ଫେରାର ଥିବା କୁଖ୍ୟାତ ଗଞ୍ଜେଇ ମାଫିଆ ହୃଷିକେଶ ପାତ୍ର ଲମ୍ବସରୀ ହାଇସ୍କୁଲ ଭିତରେ ଥିବା ନେଇ ବିଶ୍ୱସ୍ତ ସୂତ୍ରରୁ ପୁଲିସ ଜାଣିବାକୁ ପାଇଥିଲା  l  ସୂଚନା ପାଇ ପୁଲିସ ଲମ୍ବସରୀ ହାଇସ୍କୁଲ ଭିତରେ ଚଢ଼ାଉ କରି କୁଖ୍ୟାତ ଗଞ୍ଜେଇ ମାଫିଆ

ହୃଷିକେଶ ପାତ୍ରକୁ ମଦ ପିଉଥିବା ଅବସ୍ଥାରେ ଗିରଫ କରିଥିବା ନେଇ ଆଜି ଅପରାହ୍ନ ୧ଘଣ୍ଟା ସମୟରେ ଏସ୍ଡ଼ିପିଓ ବୌଦ୍ଧ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଥିଲେ । ଗିରଫ ହୃଷିକେଶ  ନିକଟରୁ ଗୋଟିଏ ଦେଶୀ ସେମି ଅଟୋମେଟିକ ବନ୍ଧୁକ, ୬ଟି ଜୀବନ୍ତ ଗୁଳି,ଗୋଟିଏ ମୋବାଇଲ ସହ ୩ହଜାର ୫୪୬ ଟଙ୍କା ଜବତ କରିଛି । ପୂର୍ବରୁ ଦୁଇଥର ଗଞ୍ଜେଇ ଚାଲାଣ

ବେଳେ ପୁଲିସ କୁ ଚକମା ଦେଇ ଖସି ଯିବାରେ ସଫଳ ହୋଇଥିଲା ହୃଷିକେଶ ପାତ୍ର । ସେଥିମଧ୍ୟରୁ ମେ ମାସ ୨୦ତାରିଖରେ ୬କୁଇଣ୍ଟାଲ ଗଞ୍ଜେଇ ଚାଲାଣ ଘଟଣାର ସେ ଥିଲା ମୁଖ୍ୟ ଅଭିଯୁକ୍ତ  l  ସେହିପରି ଗତ ୨୦୨୩ମସିହାରେ ୩୧କୁଇଣ୍ଟାଲ ଏକ ଗଞ୍ଜେଇ କେସରେ ପୋଲିସ କୋର୍ଟ ଚାଲାଣ କରିଥିବା ପୂର୍ବ ରେକର୍ଡରୁ ଜଣାପଡିଥିବା ନେଇ କହିଛି ପୁଲିସ  l  ପୁଲିସ ଏନଡିପିଏସ ଓ ଆରମ୍ସ ଆକ୍ଟ ରେ ଏକ ମାମଲା ୠଜୁକରି ତାକୁ କୋର୍ଟ ଚାଲାଣ କରିଥିବା ବେଳେ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ବୌଦ୍ଧ ଏସଡିପିଓ ।