30-Aug-2025

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ମେଣ୍ଡାମାଲ ଗ୍ରାମରେ ଶୁକ୍ରବାର ରାତିରେ ଏକ ହତ୍ୟାକାଣ୍ଡ ଘଟିଛି । ମୃତକ ହେ ହେଲେ ବାଘମାରି ଗାଁ ଗାଁର ଅଜିତ ଖଣ୍ଡଗିରି  (୩୫) | ପୁଲିସ ଘଟଣା ସ୍ଥଳରେ  ପହଞ୍ଚି ତନାଘନା ଜାରି ରଖିଛି। ସୂଚନା ଅନୁସାରେ, ବୀରମହାରାଜପୁର ଥାନା ଅନ୍ତର୍ଗତ ବାଘମାରି ଗାଁର ଭୁବନ ଖଣ୍ଡଗିରିଙ୍କ ବଡ଼ପୁଅ ଅଜିତ ଖଣ୍ଡଗିରି ମେଣ୍ଡାମାଲ ଶିବ ମନ୍ଦିର ସମ୍ମୁଖରେ ଶୁକ୍ରବାର ରାତିରେ ରକ୍ତଜୁବୁଡୁ ଅବସ୍ଥାରେ  ଉଦ୍ଧାର କରି ଡାକ୍ତଖାନାରେ ଭର୍ତ୍ତି କରିଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ଘଟିଥିଲା। ତାଙ୍କୁ କେହି ନିର୍ମମ ଭା ଏକ ଧାରୁଆ ଅସ୍ତ୍ରରେ ମୁଣ୍ଡରେ ଆଘାତ ଦେଇଥିବା ଜଣାଯାଇଛି। ଏହି ଘଟ ଘଟଣାରେ  ଚମ୍ପାମାଲର ଜଣେ ଯବାନ ଆହତ ହୋଇଥିବା  ଜଣାଯାଇଛି। ହତ୍ୟାର  କାରଣ ଏ ପର୍ଯ୍ୟନ୍ତ ଜଣାପଡ଼ି ନାହିଁ। ଶନିବାର ପରିବାର ଲୋକଙ୍କ ଅଭିଯୋଗ ଅନୁଯାୟୀ ଥାନା ରେ ‌ହତ୍ୟାକାଣ୍ଡ ର କେସ ଦାୟର ହୋଇଥିବା ବେଳେ ଘଟଣା ସ୍ଥଳରେ ସନ୍ଧ୍ୟାନି କୁକୁର ସହ ତଦନ୍ତ କାରି ଦଳ ପହଞ୍ଚି ଘଟଣା ଅଧିକ ତଦନ୍ତ ଜାରି ରଖିଥିବା ଉପଖଣ୍ଡ ପୋଲିସ ଅଧିକାରୀ ହେମନ୍ତ ରାଓ ସୂଚନା ଦେଇଛନ୍ତି। ପୁଲିସ ପକ୍ଷରୁ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି। ମୃତ୍ୟୁ ଖବର ପ୍ରଚାରିତ ହେବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି।