27-Jan-2021

ସମ୍ବଲପୁର, (ସଞ୍ଜୀବ କୁମାର ପାଣିଗ୍ରାହୀ) : ଆଧୁନିକତାର ଚାକଚକ୍ୟରେ ଲୋପ ପାଇବାକୁ ବସିଲାଣି ମାଟିରେ ତିଆରି ସାମଗ୍ରୀ । ଷ୍ଟିଲ,କଂସା,ପିତଳ ଓ ପ୍ଲାଷ୍ଟିର ବହୁଳ ବ୍ୟବହାର ଯୋଗୁଁ ହଜି ଜିବାକୁ ବସିଲାଣି ମାଟିର ପାତ୍ରର ଚାହିଦା । ହେଲେ ତଥାପି ଆଜିବି ନିଜର ପେଟପାଟଣା ପାଇଁ ନିଜର କୌଳିକ ବୃତ୍ତିକୁ ଆପଣାଇ ରଖିଛନ୍ତି କିଛି କୁମ୍ଭାକାର ପରିବାର ।

ବୁର୍ଲା ସହରର ମଝିପାଲି ଗ୍ରାମରେ ରହିଛନ୍ତି ଅନେକ କୁମ୍ଭାର ପରିବାର । କୁମ୍ଭାର ପରିବାରର ବୃତ୍ତି ହେଉଛି ମାଟିରେ ତିଆରି ବିଭିନ୍ନ ପ୍ରକାର ସାମଗ୍ରୀ ନିର୍ମାଣ କରିବା । ହେଲେ ବର୍ତ୍ତମାନ ଷ୍ଟିଲ ସାମଗ୍ରୀ ର ଚାହିଦା ବଢୁଥିବା ବେଳେ ଲୋକେ ମାଟି ପାତ୍ର ସାମଗ୍ରୀ କୁ ଗୁରୁତ୍ୱ ଦେଉନାହାଁନ୍ତି ।
ହେଲେ ତଥାପି ଏହି କୌଳିକ ବୃତ୍ତିକୁ ବଞ୍ଚାଇ ରଖିଛନ୍ତି ଏହି କୁମ୍ଭାର ପରିବାର । ମାଟି ଦୀପଠାରୁ ଆରମ୍ଭ କରି ଗମଲା,କଢେଇ, ଭାତ ହାଣ୍ଡି ଭଳି ଭଳିକି ଭଳି ସାମଗ୍ରୀ ତିଆରି କରୁଛନ୍ତି । ଆଉ ଏହି ସାମଗ୍ରୀ ଗୁଡିକୁ ବଜାରରେ ବିକ୍ରି କରି ସେଥିରୁ ଯେଉଁ ଦୁଇ ପଇସା ରୋଜଗାର କରୁଛନ୍ତି ସେଥିରେ ଚାରିପ୍ରାଣୀ କୁଟୁମ୍ବଙ୍କ ମୁହଁକୁ ଦାନା ଯୋଗାଉଛନ୍ତି ।
 ଅନ୍ୟପଟେ ବୁର୍ଲା ସହରରେ ଅନେକ ଷ୍ଟିଲ ସାମଗ୍ରୀ ଦୋକାନ ରହିଥିବା ବେଳେ ମାଟିପାତ୍ର ସାମଗ୍ରୀକୁ କେହି ଗୁରୁତ୍ୱ  ଦେଉନଥିବା ଦେଖିବାକୁ ମିଳିଛି ।
ଯାହାକୁ ନେଇ ବର୍ତ୍ତମାନ ବ୍ୟବସାୟରେ ମାନ୍ଦା ଦେଖାଦେଇଥିବାରୁ ସରକାରୀ ପ୍ରସାହନକୁ ଚାହିଁ ବସିଛନ୍ତି କୁମ୍ଭାକାର ପରିବାର । ଆଧୁନିକତାର ଚାକଚକ୍ୟ ମଧ୍ୟରେ ଲୋପ ପାଇବାକୁ ବସିଲାଣି ମାଟି ସାମଗ୍ରୀ ।  ତେଣୁ ଯଦି ସରକାରୀ ସ୍ତରରେ ଏମାନଙ୍କୁ କିଛି ସହାୟତା ମିଳି ପାରନ୍ତା, ତାହେଲେ ଏମାକୁ ନିଜ କୌଳିକ ବୃତ୍ତିକୁ ବଞ୍ଚାଇ ରଖିପାରନ୍ତେ ।