18-Aug-2025

ବରପାଲି (ସୁଦାମ ଦୀପ)
ଜଗବନ୍ଧୁ ଦାଶ ସ୍ନାତକ ମହିଳା ମହାବିଦ୍ୟାଳୟରେ ଏଣ୍ଟି ରେଗିଂ ସଚେତନତା କାର୍ଯକ୍ରମ ମହାବିଦ୍ୟାଳୟର ଅଧ୍ୟକ୍ଷା ପଦ୍ମିନୀ ଦାଶଙ୍କ ଅଧ୍ୟକ୍ଷତାରେ ଅଗଷ୍ଟ ୧୨ ରୁ ଅଗଷ୍ଟ ୧୮ ପର୍ଯ୍ୟନ୍ତ  ଅନୁଷ୍ଠିତ ହୋଇଯାଇଅଛି।ଓଡ଼ିଆ ବିଭାଗର ମୁଖ୍ୟ ତଥା ଏଣ୍ଟି ରେଗିଂ  ସଂଯୋଜକ  ଯତୀନ୍ଦ୍ର କୁମାର ସାହୁଙ୍କ ପରିଚାଳନା ସଭାରେ ମୁଖ୍ୟ ଅତିଥି ଭାବେ ମହାବିଦ୍ୟାଳୟର ପ୍ରତିଷ୍ଠାତା ଅନ୍ତର୍ଯ୍ୟାମୀ ପଣ୍ଡା ଯୋଗ ଦେଇଥିଲେ। ଛାତ୍ରୀ ମାନେ କିପରି ଶୃଙ୍ଖଳିତ ଜୀବନ ଯାପନ କରିବେ ଓ ତତ୍ ସଙ୍ଗେ ସଙ୍ଗେ ମହାବିଦ୍ୟାଳୟ ପରିସରରେ ସମସ୍ତଙ୍କ ହୃଦୟରେ ସ୍ନେହ ଭାବ ପୂର୍ଣ୍ଣ ବଜାୟ ରଖିବେ ତା ଉପରେ ଆଲୋଚନା ହୋଇଥିଲା ।
ପ୍ରବନ୍ଧ,ବକୃତା,ରିଲ୍ସ,ସ୍ଲୋଗାନ ଲେଖିବା ଓ ପାଠଚକ୍ର ପ୍ରଭୃତି ପ୍ରତିଯୋଗିତା ଅନୁଷ୍ଠିତ ହୋଇଥିଲା।ପରେ ପରେ ସହ ସଂଯୋଜିକା ଅଧ୍ୟାପିକା ଯାଜ୍ଞସେନୀ ପଟେଲ ଧନ୍ୟବାଦ ଅର୍ପଣ କରିଥିଲେ। ଏ ଅବସରରେ ମହାବିଦ୍ୟାଳୟର ସମସ୍ତ  ଅଧ୍ୟାପକ  ନେପାଲ ବିଶ୍ଵାଳ, ଅଧ୍ୟାପିକା ଜ୍ୟୋତି ସାହୁ, ପିଙ୍କି ବାରିକ,ପୁନମ୍ ସାହୁ,ମନୀଷା ଭୋଇ,ସସ୍ମିତା ମେହେର,ସହକର୍ମୀ ଶଶାଙ୍କ ଶେଖର ପଧାନ, ସାର୍ଥକ ପାଣିଗ୍ରାହୀ,ତ୍ରିପୁରା ବେହେରାଙ୍କ ସମେତ ଛାତ୍ରୀ ମାନେ ଉପସ୍ଥିତ ଥିଲେ।