26-Jan-2021

ବଲାଙ୍ଗୀର, (ସନ୍ତୋଷ କୁମାର ଠାକୁର)-ଆଜି ବଲାଙ୍ଗୀର ମନୋହରପୁର ପଡିଆ ଠାରେ ମହାସମାରୋହରେ ତଥା କୋଭିଡ କଟକଣାକୁ ପାଳନ କରି ୭୨ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାସ ଯୋଗ ଦେଇ ବିଜେଡି ସରକାର ରାଜ୍ୟରେ ଶିକ୍ଷାର ଗୁଣାତ୍ମକ ଶିକ୍ଷାର ବିକାଶ ଦିଗରେ ନେଇଥିବା ପଦକ୍ଷେପ ସଂପର୍କରେ ଭାଷଣ ଦେଇଥିଲେ । ତେବେ ଭାଷଣ ଚାଲିଥିବା ସମୟରେ ବିଦ୍ୟୁତ ସରୋବରାହ ବନ୍ଦ ହେବା ଫଳରେ ହଠାତ୍ ସରକାରୀ ମାଇକ୍ ଅଚଳ ହୋଇପଡିଥିଲା । ବହୁ କଷ୍ଟରେ ମନ୍ତ୍ରୀ ମହୋଦୟ ସମାବେତ ଜନତା, କୋଭିଡ ଯୋଦ୍ଧା ଓ ଗଣମାଧ୍ୟମ ପ୍ରତିନିଧିଙ୍କୁ ବିନା ମାଇକ୍‌ରେ ଉଦ୍‌ବୋଧନ ଦେଇ ଜେଣତେଣ ପ୍ରକାରେଣ ଭାଷଣ ସମାପ୍ତ କରିଥିଲା । ତେବେ ବଡ କଥା ହେଲା ସାଉଣ୍ଡ ସିଷ୍ଟମର ସୁବନ୍ଦୋବସ୍ତ କରିବା ହେଉଛି ଜିଲ୍ଲା ସୂଚନା ଓ ଲୋକ ସଂପକ ବିଭାଗରର ଦାୟିତ୍ୱା । ତବେ ଶାସକ ଦଳର ଜଣେ ମନ୍ତ୍ରୀଙ୍କ ଉପସ୍ଥିତିରେ ଏପରି ଅବ୍ୟବସ୍ଥାକୁ ଆଜି ସମସ୍ତେ ଦେଖି ହତବାକ୍ ହୋଇଯାଇଥିଲେ । ସାଉଣ୍ଡ ସିଷ୍ଟମ ସହ ଜରୁରୀ ପରିସ୍ଥିତ ପାଇଁ ବେଟେରୀ କିମ୍ବା ଜେନେରରେଟର ର ବ୍ୟବସ୍ଥା କରିବା କଥା । ଏଠାରେ ବେଟେରି କିମ୍ବା ଜେନେରେଟର କୌଣସି ବ୍ୟବସ୍ଥା ନଥିଲା, ଯାହା ପାଇଁ ମନ୍ତ୍ରୀ ତଥା ଉପସ୍ଥିତ ଜିଲ୍ଲାପାଳ, ଏସ୍‌ପି ଓ ଅନ୍ୟ ଅଧିକାରୀ ମାନଙ୍କୁ ଅପଦସ୍ଥ ହେବାକୁ ପଡିଥିଲା । ଏପରି ଦାୟିତ୍ୱହୀନତା ପଛରେ ଯାହାର ହାତ ଥାଉନା କାହିଁକି, ସେମାନଙ୍କ ବିରୁଦ୍ଧରେ ଦୃଷ୍ଟାନ୍ତମୂଳକ ପଦକ୍ଷେପ ଗ୍ରହଣ କରିବା ଉଚିତ ବୋଲି ଜନମତ ପ୍ରକାଶ ପାଇଛି ।