11-Aug-2025

ବଲାଙ୍ଗୀର(ପ୍ରେରଣା ଖବର)- ଆଜି ସ୍ଥାନୀୟ ପୂର୍ଣ୍ଣଚନ୍ଦ୍ର ରଥ ପାଠାଗାର ଠାରେ ଅଭିଭାବକ ମଂଚ ତରଫରୁ ଜନବାଦୀ ନେତା କିଶାନ ପଟ୍ଟନାୟକଙ୍କ ଜୀବନାଦର୍ଶ ଓ ବ୍ୟକ୍ତିିତ୍ୱକୁ ନେଇ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା ।

ମଂଚର ସଭାପତି ଧର୍ମବ୍ରତ ରଥ ସଭାରେ ସଭାପତିତ୍ୱ କରି ନିଜ ଅଭିଭାଷଣରେ ସ୍ୱର୍ଗତ ଶରତ ପାଣିଗ୍ରାହୀ ଙ୍କ ନେତୃତ୍ୱରେ ବଲାଙ୍ଗୀର ଅଂଚଳରେ କିଶାନ ପଟ୍ଟନାୟକଙ୍କ ଆନ୍ଦୋଳନାତ୍ମକ କାର୍ଯ୍ୟ ଆଗେଇ ଚାଲିଥିଲା ବୋଲି କହିଥିଲେ । ଏହି ସଭାରେ ମୁଖ୍ୟଅତିଥି ଭାବରେ ଶିକ୍ଷାବିତ ତଥା ସଂଗଠକ ମନୋରଂଜନ ସାହୁ ଯୋଗ ଦେଇ ସ୍ୱର୍ଗତ କିଶାନ ପଟ୍ଟନାୟକଙ୍କ ସମୟରେ ବର୍ତ୍ତମାନ ଭଳି ଲୋକଙ୍କ ମଧ୍ୟରେ

ଅର୍ଥଲୋଭ, କ୍ଷମଲାଲୋଭ ଓ ପ୍ରଚାରଧର୍ମୀ ମାନସିକତା ନଥିଲା ଓ କିଶାନ ପଟ୍ଟନାୟକଙ୍କ ଭଳି ବ୍ୟକ୍ତିତ୍ୱ ସର୍ବସ୍ୱ ତ୍ୟାଗ କରି ସାଧାରଣବ୍ୟକ୍ତି ଭଳି ଜୀବନ ବିତାଉଥିଲେ । ଆଜିର ସମାଜ ତାଙ୍କ ପଥକୁ ଅନୁସରଣ କରିବା ଉଚିତ୍ ବୋଲି ଶ୍ରୀ ସାହୁ କହିଥିଲେ । ମୁଖ୍ୟବକ୍ତା ଭାବରେ ବରିଷ୍ଠ ସାମ୍ବାଦିକ ବୀରେନ୍ଦ୍ର ଝାଙ୍କର ନିଜ ବକ୍ତବ୍ୟରେ ବର୍ତ୍ତମାନର ନଦୀବନ୍ଧ ଯୋଜନା ଚାଷୀ ମାନଙ୍କ ବଦଳରେ ଶିଳ୍ପପତି ମାନଙ୍କ ସ୍ୱାର୍ଥ ସାଧନା ପାଇଁ କରାଯାଉଥିବା ବେଳେ କିଶାନପଟ୍ଟନାୟକ ଏହି ବିଚାରକୁ ବିରୋଧ କରୁଥିଲେ । କିଶାନ ପଟ୍ଟନାୟକଙ୍କ ପରି ଦୁରଦୃଷ୍ଟି ସଂପନ୍ନ ଓ ବିଚାରବନ୍ତ ବ୍ୟକ୍ତି ବର୍ତ୍ତମାନ ସମୟରେ ବିରଳ ବୋଲି ଶ୍ରୀ ଝାଙ୍କର କହିଥିଲେ । ଏହି ଅବସରରେ ବଲାଙ୍ଗୀର ଶିଶୁ ବିକାଶ କେନ୍ଦ୍ର ସଭାପତି ମଦନମୋହନ ରଥଙ୍କୁ ମାନପତ୍ର ଓ ଉପଢ଼ୌକନ ଦେଇ 

ସମ୍ବର୍ଦ୍ଧିତ କରାଯାଇଥିଲା । ଅବସରପ୍ରାପ୍ତ ଶିକ୍ଷୟିତ୍ରୀ କସ୍ତୁରି ରଥ ସଭାକୁ ସଂଯେ।।ଜନା କରିଥିବା ବେଳେ ମଂଚର ସଂପାଦକ ଗୋବିନ୍ଦ ମିଶ୍ର ଧନ୍ୟବାଦ ଅର୍ପଣ କରିଥିଲେ । ଉକ୍ତ ସଭାରେ ଅନ୍ୟ ମାନଙ୍କ ମଧ୍ୟରେ ଆଇନଜୀବୀ ଜୟରାମ ମିଶ୍ର, ପ୍ରାଧ୍ୟାପକ ତରୁଣ ମିଶ୍ର, ଶ୍ୟାମସୁନ୍ଦର ଦାଶ, ଦିବାକର ହୋତା, ସତ୍ୟ ବନଛୋର, ନୀଳମଣି ଯୋଷୀ, ହରେକୃଷ୍ଣ ପଟେଲ, ଜ୍ଞାନରଂଜନ ମିଶ୍ର, ଜୟକୁମାର ଆଚାର୍ଯ୍ୟଥ, କେଶବ ମିଶ୍ର, କୃଷ୍ଣଚନ୍ଦ୍ର ମହାକୁଡ, ଶୁଭେନ୍ଦ୍ର ନେପାକ, ମାଳତୀ ଉଦ୍‌ଗାତା, କପିଳ ପତି, ରାମଶଙ୍କର ଶତପଥୀ, ପୂର୍ଣ୍ଣଚନ୍ଦ୍ର ତ୍ରିପାଠୀ, ପୁରୁଷୋତ୍ତମ ପଣ୍ଡା ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।