10-Aug-2025

(ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଠାରେ ବିଭିନ୍ନ ଅନୁଷ୍ଠାନ ରେ ଭିନ୍ନ ଢ଼ଙ୍ଗରେ ପାଳନ କଲେ ରକ୍ଷା ବନ୍ଧନ ଉତ୍ସବ l ବାଳା ଶ୍ରମ ବା ଶିଶୁ ଆଶ୍ରମ   ଅନ୍ତେବାସୀଙ୍କ ସହିତ ଜିଲ୍ଲାପାଳ ଡ. ନୃପରାଜ ସାହୁ ପୁରା ପରିବାର ପହଞ୍ଚି ରାକ୍ଷୀ ପୂର୍ଣିମା ରେ ଛୋଟ ଛୋଟ ପିଲା ମାନଙ୍କୁ ରକ୍ଷା ବନ୍ଧନ କରି ମିଷ୍ଟାନ୍ନ ଓ ଫଳ ବଣ୍ଟନ କରି ପିଲା ଙ୍କ ସହ ବହୁ ସମୟ ଆଳାପ କରିଥିଲେ ଓ ପିଲା ଙ୍କୁ ଖୁସୀ କରିଥିଲେ l ଜିଲ୍ଲାପାଳ ଆଶ୍ରମ ର  ସମସ୍ୟା ବିଷୟ ରେ ବୁଝି ଥିଲେ l ସେହିପରି ବରିଷ୍ଠ ନାଗରିକ ସଂଘ ପକ୍ଷରୁ ମହାନଦୀ ରିଙ୍ଗ ରୋଡ ପାର୍ଶ୍ୱ ରେ ସମସ୍ତ କର୍ମ କର୍ତ୍ତା ସମାଜ କୁ ପରିବେଶ ସୁରକ୍ଷା ବାର୍ତ୍ତା ପ୍ରଦାନ କରି ବୃକ୍ଷ ମାନଙ୍କ ରେ ରାକ୍ଷୀ ବାନ୍ଧି ଥିଲେ l ଦିବ୍ୟ ଉର୍ଜ୍ଜ୍ୟା ଯୋଗ ସେବା ସମିତି ପକ୍ଷରୁ ଭିନ୍ନ କ୍ଷମ ବିଦ୍ୟାଳୟ ଛାତ୍ର ଛାତ୍ରୀ ଙ୍କ ସହିତ  ରକ୍ଷା ବନ୍ଧନ ଉତ୍ସବ ପାଳନ କରି ମିଷ୍ଟାନ୍ନ ବଣ୍ଟନ ଓ ନାଚ ଗୀତ ପରିବେଷଣ କରିଥିଲେ l କୋଶଳ ଆବାସିକ ବିଦ୍ୟାଳୟ ର ଛାତ୍ର ଛାତ୍ରୀ ଶିକ୍ଷକ ଶିକ୍ଷୟତ୍ରୀ ଜିଲ୍ଲାପାଳ , ଏସପି, ଏସ ଡି ପି ଓ ଙ୍କ ସହ ବିଭିନ୍ନ ବିଶିଷ୍ଟ ବ୍ୟକ୍ତି ଙ୍କୁ ରକ୍ଷା ବନ୍ଧନ କରି ଜିଲ୍ଲା ସୁରକ୍ଷା ଓ ବିକାଶ କାର୍ଯ୍ଯ କରିବାକୁ ମା ସୁରେଶ୍ଵରୀ ଙ୍କ ଠାରୁ ଶକ୍ତି ପ୍ରଦାନ ପାଇଁ ଶୁଭ ମନାସି ଥିଲେ l ଓ ତାଙ୍କ ଠାରୁ ଆଶୀର୍ବାଦ ନେବାର ସୌଭାଗ୍ୟ ଅର୍ଜନ କରିଥିଲେ l ସେହିପରି ଜିଲ୍ଲା ଆଞ୍ଚଳିକ ପରିବହନ ବିଭାଗ ପକ୍ଷରୁ ଆର୍ ଟି ଓ ଅକ୍ଷୟ ଜେନା ଙ୍କ ନେତୃତ୍ଵ ରେ ବ୍ଲକ୍ ଛକ ଠାରେ ଏକ ଅଭିନବ ଢଙ୍ଗ ରେ ରକ୍ଷା ବନ୍ଧନ ଉତ୍ସବ ପାଳନ କରିଥିଲେ l ସୋନପୁର ନର୍ସିଂ ସ୍କୁଲ ଛାତ୍ରୀ ଙ୍କ ଦ୍ଵାରା  ଗାଡ଼ି ଚାଳକ ଙ୍କୁ ରାକ୍ଷୀ ବାନ୍ଧି ଦୀର୍ଘାୟୁ କାମନା କରି ଥିଲେ ଓ ନିଜର ବହୁ ମୂଲ୍ୟ ଜୀବନ ବଞ୍ଚାଇବାକୁ ହେଲମେଟ ବ୍ୟବହାର ସହ ମୋଟର ଯାନ ନିୟମ ସବୁ କୁ ମାନିବାକୁ ମିଠା ଖୁଆଇ ଅନୁରୋଧ କରିଥିଲେ l