31-Jul-2025

ମାଲକାନଗିରି ଜିଲ୍ଲା କୋର୍ଟ ରେ ହାଜର ହେଲେ ପୂର୍ବତନ ଜିଲ୍ଲାପାଳ ମନୀଷ ଅଗ୍ରୱାଲ। ତଳ କୋର୍ଟ ରୁ ଉପର କୋର୍ଟକୁ ମାମଲା ସ୍ଥାନାନ୍ତର କରିବା ପାଇଁ ହାଜର ହୋଇଥିବା ସୂଚନା। ମନୀଷ ଙ୍କ ସହିତ ତାଙ୍କର ତିନି ସହଯୋଗୀ ମଧ୍ୟ ହାଜର ହୋଇଥିବା ଜଣାପଡ଼ିଛି। ପୂର୍ବରେ କୋର୍ଟରେ ହାଜର ନହେବା ପାଇଁ ମନୀଷ ଅଗ୍ରୱାଲ ସୁପ୍ରିମକୋର୍ଟ ରେ କରିଥିବା ଆବେଦନ ଖାରଜ ହୋଇଥିଲା। ଏବେ ମନୀଷ ଙ୍କ ସହିତ ଅନ୍ୟ ତିନି ଜଣଙ୍କ ନାମରେ ଆତ୍ମହତ୍ୟା କରିବାକୁ ପ୍ରବର୍ତ୍ତାଇ 

ଥିବା ଦଫାରେ ମାମଲା ଚାଲିଛି। ୨୦୧୯ ମସିହା ଡିସେମ୍ବର ୨୭ ତାରିଖରେ ତତ୍କାଳୀନ ମାଲକାନଗିରି ଜିଲ୍ଲାପାଳ ମନୀଷ ଅଗ୍ରୱାଲଙ୍କ ବ୍ୟକ୍ତିଗତ ସହାୟକ ଦେବ ନାରାୟଣ ପଣ୍ଡା ନିଖୋଜ ହୋଇଥିବା ପରେ , ଦିନକ ପରେ ସତିଗୁଡ଼ା ଜଳ ଭଣ୍ଡାରରୁ ତାଙ୍କର ମୃତ ଶରୀରର ଠାବ କରାଯାଇଥିଲା। ଏନେଇ ମୃତ ଦେବ ନାରାୟଣ ପଣ୍ଡାଙ୍କ ସ୍ତ୍ରୀ ବନଜା ପଣ୍ଡା ଅଭିଯୋଗ ଆଣିଥିଲେ ତାଙ୍କର ସ୍ବାମୀଙ୍କୁ ହତ୍ୟା କରାଯାଇଛି ବୋଲି। ବନଜା ପଣ୍ଡା ପ୍ରଥମେ ମାଲକାନଗିରି କୋର୍ଟ ପରେ ହାଇକୋର୍ଟ ଏବଂ ଶେଷରେ ସୁପ୍ରିମକୋର୍ଟ ର ଦ୍ବାରସ୍ଥ ହୋଇଥିଲେ।

(ମାଲକାନଗିରିରୁ  କେଶବ ଚନ୍ଦ୍ର ନାୟକ ଓ କାଲିମେଳାରୁ ସନ୍ତୋଷ କୁମାର ପଣ୍ଡାଙ୍କ ରିପୋର୍ଟ)