28-Jul-2025

ଅତାବିରା(ଆକାଶ ମିଶ୍ର) ପରିବେଶରର ସନ୍ତୁଳନ ପାଇଁ ଆଜି ବୃକ୍ଷ ରୋପଣ ହିଁ ଏକମାତ୍ର ପନ୍ଥା ,ଏହାକୁ ପ୍ରତି ଜନ ମାନସକୁ ପହଞ୍ଚାଇବା ପାଇଁ ଜୁଲାଇ ମାସ ରେ ବନ ମହୋତ୍ସବ  ପାଳନ  କରାଯାଇ  ଆସୁଅଛି । ମାଁ ପାଇଁ ଗଛ ଟିଏ ,ଆଜି  ନାରା ଦେଇ  ପ୍ରତି ବିଦ୍ୟାଳୟ ବୃକ୍ଷ ରୋପଣ କରାଯାଉଛି । ଆଜି ଟାଙ୍ଗର ପାଲି ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଧର୍ମେନ୍ଦ୍ର ପତି ଙ୍କ ଅଧ୍ୟକ୍ଷତାରେ ବୃକ୍ଷରୋପଣ କାର୍ଯ୍ୟକ୍ରମ  କରାଯାଇ ଥିଲା ।  ଏହି କାର୍ଯ୍ୟକ୍ରମର ମୂଳ ଉଦ୍ଦେଶ୍ୟକୁ ସ୍ଥାନୀୟ ଅଞ୍ଚଳର ଲୋକ ଙ୍କ ପାଖରେ ପହଞ୍ଚାଇବା । ବୃକ୍ଷରୋପଣ ପାଇଁ ଅଞ୍ଚଳର ବ୍ୟକ୍ତି ବିଶେଷ ତଥା ଛାତ୍ରଛାତ୍ରୀଙ୍କ ମଧ୍ୟରେ ଆଗ୍ରହ  ବଢାଇବା ।  ଏହା ସହିତ ପରିବେଶ ସୁରକ୍ଷା ପାଇଁ ସଚେତନ ବାର୍ତ୍ତା ଦିଆଯାଇଥିଲା। ଛାତ୍ର ଛାତ୍ରୀ ମାନେ ବିଦ୍ୟାଳୟ ରୁ ଗ୍ରାମକୁ  ସଂଯୋଗ କରିଥିବା ରାସ୍ତାରେ  ୧୩୫ ଟି ବିଭିନ୍ନ ପ୍ରକାରର ବୃକ୍ଷ ରୋପଣ କରିଥିଲେ ।ଏହା ସହ ଏହି ବୃକ୍ଷ ଗୁଡ଼ିକର ଯତ୍ନ ନେବା ପାଇଁ ମଧ୍ୟ ପ୍ରଧାନଶିକ୍ଷକ ସମସ୍ତ ଛାତ୍ରଛାତ୍ରୀ ତଥା ଗ୍ରାମବାସୀଙ୍କୁ  ଉତ୍ସାହିତ କରିଥିଲେ ।ଏହି କାର୍ଯ୍ୟକ୍ରମରେ ବିଦ୍ୟାଳୟ ପରିଚାଳନା କମିଟିର ସଭାପତି ଗଜାନନ ପ୍ରଧାନ, ପ୍ରକୃତି ବନ୍ଧୁ ପ୍ରଶାନ୍ତ ପତି, ଶିକ୍ଷକ ରମେଶ ମେହେର, ଶିକ୍ଷୟିତ୍ରୀ ରଶ୍ମିତା ସାହୁ ସହଯୋଗ କରିଥିଲେ ।ଏହି ଅବସରରେ  ଛାତ୍ରଛାତ୍ରୀଙ୍କ ମଧ୍ୟରେ ବୃକ୍ଷ ହିଁ ଜୀବନ ଉପରେ ଏକ ପ୍ରବନ୍ଧ ପ୍ରତିଯୋଗିତା କରାଯାଇ କୃତି ଛାତ୍ର ଛାତ୍ରୀ ଙ୍କୁ  ଟ୍ରଫି ଓ ମାନପତ୍ର ସହ ପୁରସ୍କୃତ କରାଯାଇଥିଲା ।