13-Jul-2025

ବଲାଙ୍ଗୀର(ପ୍ରେରଣା ଖବର): ଦ୍ଵିତୀୟ ଓଡ଼ିଶା ପେନକାକ ଶିଲାଟ ଚମ୍ପିୟାନସିପ ଭୁବନେଶ୍ୱର ସ୍ଥିତ ମଧୁସୂଦନ ଦେବ ଡିଗ୍ରୀ କଲେଜ ପରିସରରେ ଆନୁଷ୍ଠାନିକ ଭାବେ ଅନୁଷ୍ଠିତ ହୋଇଯାଇଛି।ଏହି ପ୍ରତିଯୋଗିତାରେ ଓଡ଼ିଶାର ୧୬ ଗୋଟି ଜିଲ୍ଲାରୁ ୧୭୦ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ମୁଖ୍ୟ ଅତିଥି ଭାବେ ଆସୋସିଏସନ୍ ର ରାଜ୍ୟ ସଭାପତି ତାପସ କୁମାର ରାୟ ଚୌଧୁରୀ ଯୋଗଦାନ କରିଥିବା ବେଳେ ପେନକାକ୍ ସିଲାଟର ରାଜ୍ୟ ସମ୍ପାଦକ ଗୁରୁ ପ୍ରେମସିଂ ଥାପା ପ୍ରତିଯୋଗିତାକୁ ସଞ୍ଚାଳନ କରିଥିଲେ।ଏହି କାର୍ଯ୍ୟକ୍ରମରେ ଭୁବନେଶ୍ୱରର ଅନେକ ମାନ୍ୟଗଣ୍ୟ ବ୍ୟକ୍ତିମାନେ ଯୋଗଦାନ କରିଥିଲେ।ସେମାନଙ୍କୁ ଏସୋସିଏସନ୍ ତରଫରୁ ଉପଢୌକନ ଏବଂ ମୋମେଣ୍ଟୋ ଦେଇ ସମ୍ମାନିତ କରାଯାଇଥିଲା। ଦିବସ ବ୍ୟାପୀ କାର୍ଯ୍ୟକ୍ରମ ସଫଳତାର ସହ ସମାପ୍ତ ହୋଇଥିଲା।
ସେହିଭଳି ବଲାଙ୍ଗିର ଜିଲ୍ଲା ପେନକାକ ସିଲଟ ଏସୋସିଏସନ୍ ର ଛାତ୍ରଛାତ୍ରୀ ମାନେ ଗୁରୁ ପ୍ରଶାନ୍ତ ପାତ୍ରଙ୍କ ଅଧ୍ୟକ୍ଷତାରେ ଏହି ଚମ୍ପିୟାନସିପରେ ଅଂଶଗ୍ରହଣ କରି ୪ ଟି ସ୍ବର୍ଣ୍ଣ ପଦକ,୩ ଟି ରୌପ୍ୟ ପଦକ ଏବଂ ୨ ଟି ବ୍ରୋଞ୍ ପଦକ ଯଥାକ୍ରମେ ୯ ଗୋଟି ପଦକ ହାସଲ କରିଥିଲେ।ବଲାଙ୍ଗୀର ଜିଲ୍ଲା ପେନକାକ ସିଲଟ ଏସୋସିଏସନ୍ ର ସଭାପତି ମହେନ୍ଦ୍ର କୁମାର ଦର୍ଜି ଏହି କାର୍ଯ୍ୟକ୍ରମ ରେ ସ୍ଵତନ୍ତ୍ର ନିମନ୍ତ୍ରିତ ଅତିଥି ଭାବେ ଯୋଗଦେଇ ପ୍ରତିଯୋଗୀ ମାନଙ୍କୁ ଉତ୍ସାହିତ କରିଥିଲେ।
ବଲାଙ୍ଗୀର ଜିଲ୍ଲା ପେନକାକ ସିଲଟ ଏସୋସିଏସନ୍ ର ୫ ଜଣ ଛାତ୍ରଛାତ୍ରୀ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରି ପଦକ ହାସଲ କରିଥିଲେ।ବଲାଙ୍ଗିର ଏସୋସିଏସନର ଛାତ୍ରୀ ସ୍ତିତପ୍ରଜ୍ଞା ମିଶ୍ର ଟେଣ୍ଡିଂ ଏବଂ ତୁଙ୍ଗଲରେ ୨ ଗୋଟି ସ୍ବର୍ଣ୍ଣ ପଦକ, ଦେବବ୍ରତ ମିଶ୍ର   ଟେଣ୍ଡିଂରେ ବ୍ରୋଞ୍ଜ ଏବଂ ତୁଙ୍ଗଲ୍ ରେ ରୌପ୍ୟ ପଦକ, ସିଧେଶ ଦାସ ଟେଣ୍ଡିଂ ରେ ବ୍ରୋଞ୍ଜ୍ ପଦକ,କ୍ରିତିକା ଅଗ୍ରୱାଲ ଟେଣ୍ଡିଂ ଏବଂ ତୁଂଗଲରେ ୨ ଗୋଟି ସ୍ବର୍ଣ୍ଣ ପଦକ, ଇସାନୀ ଜୈନ ଟେଣ୍ଡିଂ ଏବଂ ତୁଙ୍ଗଲ୍ ରେ ୨ ଗୋଟି ରୌପ୍ୟ ପଦକ ହାସଲ କରି ବଲାଙ୍ଗିରର ଗର୍ବ ଗୌରବ ଅକ୍ଷୁର୍ଣ୍ଣ ରଖି ଛନ୍ତି। ବଲାଙ୍ଗିର ଜିଲ୍ଲାର ଛାତ୍ରଛାତ୍ରୀ ମାନଙ୍କ କୃତିତ୍ୱ ପାଇଁ ଅବିଭାବକ ଏବଂ ଶୁଭେଚ୍ଛୁ ମହଲରୁ ଅଜସ୍ର ଶୁଭେଚ୍ଛାର ସୁଅ ଛୁଟିଛି।