12-Jul-2025

କଣ୍ଟାବାଞ୍ଜି: ୧୦ ବର୍ଷ ତଳେ ଛତିଶଗଡ ରାୟପୁରକୁ କାମ କରିବାକୁ ଯାଇଥିବା ବେଳେ ସ୍ବାମୀ ମୃତ୍ୟୁବରଣ କରିଥିଲେ। ସେ ଦିନ ଠାରୁ ବହୁ ସଂଘର୍ଷ କରି ଜୀବନଯାପନ କରୁଛନ୍ତି। ପାନ ବିଧବା ହୋଇ ୧୦ ବର୍ଷ ପରେ ମଧ୍ଯ ଆଜିଯାଏ ତାଙ୍କୁ କୌଣସି ସରକାରୀ ସହାୟତା ମିଳିପାରିନାହିଁ। ଏହିଭଲି ଦୁଃଖ ଦାୟକ ଘଟଣା ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ତୁରେକେଲା ବ୍ଲକ କରୁଆଁମୁଣ୍ଡା ପଞ୍ଚାୟତ ବିର୍ନା ଗାଁ ରେ ଏହି ଗାଁ ର ବିଧବା ମହିଳା ପାନ ମାଝି ଗତ ୧୦ ବର୍ଷ ତଳେ ତାଙ୍କ ସ୍ବାମୀ ନାରାୟଣ ମାଝି ଙ୍କ ମୃତ୍ଯୁ ହୋଇଥିଲା। ହେଳେ ଆଜିଯାଏ ଏହି ବିଧବା ମହିଳାଙ୍କୁ ରାଜ୍ଯ ସରକାରଙ୍କ ପକ୍ଷରୁ ଦିଆଯାଉଥିବା ବିଧବା ମାସିକ ଭତ୍ତା ଦିଯାଉନାହିଁ ବାରମ୍ବାର ପଞ୍ଚାୟତ ରୁ ବ୍ଳକ ପ୍ରଶାସନ ଦ୍ବାରସ୍ଥ ହେଳେ ମଧ୍ଯ ତାଙ୍କ କଥା କେହିଁ ଶୁଣୁନଥିବା ଯୋଗୁଁ ସେ ନିରାଶ ହୋଇପଡିଛନ୍ତି। ତାଙ୍କ ଦୁଃଖ ଦେଖି ଗାଁ ଲୋକେ ବିଦ୍ୟାଳୟ କର୍ତ୍ତୃପକ୍ଷ ଙ୍କୁ ନିବେଦନ କରିବା ପରେ ସେ ଗାଁ ବିଦ୍ୟାଳୟରେ ପାଚିକା ଭାବରେ କାମ କରୁଛନ୍ତି। ସେଠାରୁ ସାହା ରୋଜଗାର କରୁଚନ୍ତି ସେଥିରେ ୪ ପିଲାଙ୍କୁ ନେଇ ଜୀବର ବିତାଉଛନ୍ତି। ସେହିପରି ତାଙ୍କ ସ୍ବାମୀ ମୃତ୍ଯୁବରଣ କରି ୧୦ ବର୍ଷ ଅଧିକ ସମୟ ହୋଇଥିଲେ ସୁଦ୍ଧା ମୃତ୍ୟୁବରଣ ପ୍ରମାଣ ପତ୍ର ମଧ୍ଯ ମିଳିନାହିଁ। ସରକାର ବିଧବା ମହିଳାଙ୍କ ପାଇଁ କାହିଁକି କେତେ ଯୋଜନା କରୁଥିବା ବେଳେ ବାସ୍ତବ ରେ ଯୋଜନାରୁ ବଞ୍ଚିତ ବିଧବା ମହିଳା ଯାହାର ଜଳନ୍ତା ଉହାହରଣ ହେଉଛନ୍ତି ପାନ। ବଲାଙ୍ଗୀର ଜିଲ୍ଲା ପ୍ରଶାସନ ନଜର ଦେଇ ଏହି ବିଧବା ମହିଳାଙ୍କୁ ସମସ୍ତ ପ୍ରକାର ସରକାରୀ ସହାୟତା ଯୋଗାଇ ଦେବାକୁ ସାଇ ଭାଇ ସୋସିଆଲ ୱାର୍କର ଅନୁଷ୍ଠାନ ଦାବୀ କରିଛି।