12-Jul-2025

ପାଟଣାଗଡ଼ (ପୂର୍ଣ୍ଣ ଶଶୀ ଶେଖର ରାଓ )ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଣ ନିମନ୍ତେ ବିଭିନ୍ନ ସରକାର ବିଭିନ୍ନ ଯୋଜନା କାର୍ଯ୍ୟକାରି କରି କୋଟି କୋଟି ଟଙ୍କା ବିନିଯୋଗ କରୁଥିବା ବେଳେ ବିଭାଗୀୟ ଅଧିକାରୀ ଓ ଠିକାଦାର ଙ୍କ ଲାଭଖୋର ନୀତି ପାଇଁ ସେସବୁ କାର୍ଯ୍ୟରେ ଆସୁନାହିଁ!କେଉଁଠି ଅଳ୍ପ ଦିନରେ ଖରାପ ହେଇଯାଉଛି ତ କେଉଁଠି ସମ୍ପୂର୍ଣ୍ଣ ଅଚଳ ରହୁଛି!ସୂଚନା ଅନୁସାରେ ବଲାଙ୍ଗିର ଜିଲ୍ଲା ପାଟଣାଗଡ଼ ନିର୍ବାଚନ ମଣ୍ଡଳୀ ବେଲପଡା ବ୍ଲକ 26 ନମ୍ବର ଜୋନ ଧୂମାଭଟା ଗାଁ ରେ ଜିଲ୍ଲା ପରିଷଦ ଅନିମା ଦାଶ ଙ୍କ ଦ୍ୱାରା ଧୂମାଭଟା ନୋଡାଲ ଉଚ୍ଚ ପ୍ରାଥମିକ ଠାରେ ଏକ ଅମୃତଧାରା ନିର୍ମାଣ କରାଯାଇଛି!ସେହି କାମକୁ ଜିଲ୍ଲା ପରିଷଦ ଙ୍କ ଭାଇ ପପୁନ ଖମାରୀ ଠିକା କରିଥିବା ବେଳେ ସେହି କାମ ଟି ଗତ ଦୁଇ ମାସ ତଳେ ସମ୍ପୂର୍ଣ୍ଣ ହୋଇଥିଲା!ବିଲ ସମ୍ପୂର୍ଣ୍ଣ ହୋଇଯାଇଥିଲେ ସୁଦ୍ଧା ଉକ୍ତ ପ୍ରକଳ୍ପ ଟି କୌଣସି କାମରେ ଆସୁନଥିବା ଅଭିଯୋଗ ହେଉଛି!ସେହି କାମ ଟି ଅତି ନିମ୍ନ ମାନର ହୋଇଥିବା ବେଳେ ଟାଙ୍କି ରୁ ଚାରୋଟି ପାଣି ଧାର ଅଛି କିନ୍ତୁ ଗୁଟିଏ ଧାର ରେ ଛିର ଛିର ପାଣି ଆସୁଥିବା ବେଳେ 3 ଟି ଧାର ରେ ପାଣି ବୁନ୍ଦାଏ ମଧ୍ୟ ଆସୁନାହିଁ!ଅମୃତଧାରା ରେ ଥଣ୍ଡା ପାଣି ଯୋଗାଇବା ପାଇଁ ସେଥିରେ ଫ୍ରିଜ ବ୍ୟବହାର ହୁଏ କିନ୍ତୁ ସେଥିରେ ଫ୍ରିଜ ଲାଗିନଥିବା ମଧ୍ୟ ଗ୍ରାମବାସୀ ଅଭିଯୋଗ କରିଛନ୍ତି!ସେଠାରେ ଥିବା ବିଦ୍ୟାଳୟ ର ଛାତ୍ର ଛାତ୍ରୀ ଙ୍କ କୌଣସି କାମରେ ନ ଆସୁଥିବା ବେଳେ ଯାତାୟାତ କରୁଥିବା ଲୋକ ଙ୍କ ମଧ୍ୟ କୌଣସି କାମରେ ଆସୁନାହିଁ!କାର୍ଯ୍ୟ ପାଖରେ ତଦାରଖ କରିବା ପାଇଁ ଯନ୍ତ୍ରୀ ମଧ୍ୟ ଅନୁପସ୍ଥିତ ରହି ରାଜନୀତି ଚାପ ରେ ଚାପି ହୋଇ ବିଲ କରିଥିବା ଶୁଣିବାକୁ ମିଳେ! ଏ ବିଷୟରେ ତତ୍କାଳୀନ ଦାୟିତ୍ୱ ରେ ଥିବା କନିଷ୍ଠ ଯନ୍ତ୍ରୀ ଙ୍କ ପ୍ରତିକ୍ରିୟା ନେବାକୁ କଲ କରାଇଯାଇଥିବା ବେଳେ ସେ କଲ ଗ୍ରହଣ କରିନଥିଲେ!ବଡ଼ବାବୁ ଙ୍କୁ ପଚାରିବାରୁ ଫାଇଲ ଦେଖିଲେ କହିପାରିବି ବୋଲି କହିଥିଲେ!ଠିକ ସେହିପରି 26 ନମ୍ବର ଜୋନ ର ମଣ୍ଡଳ ଗ୍ରାମ ରେ ହୋଇଥିବା ଅମୃତଧାରା କୌଣସି କାମରେ ଆସୁନଥିବା କହୁଛନ୍ତି ଏହି କାମ ମଧ୍ୟ ଜିଲ୍ଲା ପରିଷଦ ଙ୍କ ଦ୍ୱାରା ହୋଇଥିବା ଜଣାପଡିଛି!