07-Jul-2025

(ଡୋଲେଶ୍ୱର ବାଗ)
ଖଡିଆଳ ବ୍ଲକ ଆର୍ତ୍ତତ୍ରାଣପୁର ଠାର ୭୬ତମ ବନ ମହୋତ୍ସବ ଉପଲକ୍ଷେ ସାମୁହିକ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ।  ଆର୍ତ୍ତତ୍ରାଣପୁର ଗ୍ରାମ ନିକଟସ୍ଥ ଚକାଡଙ୍ଗର ( ଚୌରା ଏ ପି ଆର ଏଫ୍) ଜଙ୍ଗଳ ରେ  ଖଡ଼ିଆଳ ବନପାଳ ଜୟଦେବ ମାଝୀଙ୍କ ସଭାପତିତ୍ବ କରିଥିବା ବେଳେ ସଭାରେ ମୁଖ୍ୟ ଅତିଥି ରୂପେ ଖଡ଼ିଆଳ ବ୍ଲକ ଅଧ୍ୟକ୍ଷା ପୁଷ୍ପାଞ୍ଜଳି ନନ୍ଦ ବୃକ୍ଷ ରୋପଣର ଉପକାରିତା ଉପରେ ଆଲୋକପାତ କରିଥିଲେ। ମୁଖ୍ୟବକ୍ତା ପୂର୍ବତନ ଫରେଷ୍ଟ ୱାର୍ଡନ ଫକିର ମୋହନ ଜଗତ ବିଭିନ୍ନ ବୃକ୍ଷରୁ ମିଳୁଥିବା ଔଷଧୀୟ ଗୁଣ ଉପରେ ଆଲୋଚନା କରି ଭାରତୀୟ ସଂସ୍କୃତିରେ ବୃକ୍ଷ ଦେବତାଙ୍କ ଅବଦାନ ଉପରେ ଆଲୋକପାତ କରିଥିଲେ। ଜିଲ୍ଲା ଆଇନ ସେବା ପ୍ରାଧିକରଣ ସଚିବ ନାବନିତା ଦାଶ, ଖଡ଼ିଆଳ ବନଖଣ୍ଡ ଅଧିକାରୀ ଅଜିଜ ଖାନ, ଏ ସି ଏଫ୍ ପ୍ରସନ୍ନଜିତ୍ ନାଏକ, ଖାସବାହାଲ ସରପଞ୍ଚ କୁନୁ ଚରଣ ବେହେରା ପ୍ରମୁଖ ଯୋଗଦେଇ ଜଙ୍ଗଲ ସୁରକ୍ଷା ହିଁ ମଣିଷ ଓ ପ୍ରାଣୀ ଜଗତକୁ ବଞ୍ଚାଇ ପାରିବ ବୋଲି କହିଥିଲେ।ଏ ଅବସରରେ ସ୍ଥାନୀୟ ଜଙ୍ଗଲରେ ବିଭିନ୍ନ ପ୍ରକାରର ପ୍ରାୟ ପାଞ୍ଚ ହଜାର ବୃକ୍ଷ ରୋପଣ କରା ଯାଇଥିଲା।ବନ ସଂରକ୍ଷଣ କମିଟି ଆର୍ତ୍ତତ୍ରାଣ ପୁରର ସଭାପତି ହେମନ୍ତ କାଣ୍ଡ, ଉପ ସଭାପତି ମନୋଜ କୁମାର ବନ୍ଦିଛୋର୍ ଓ ସଭ୍ୟ ସଭ୍ୟା ସ୍ଥାନୀୟ ଫରେଷ୍ଟର ରାଜେଶ ହରିଜନ,ଯୋଗ ଦେଇଥିଲେ। ୫ ହଜାର ଚାରା ରୋପଣ କରିଥିଲେ।