28-Jun-2025

ବଲାଙ୍ଗୀର, ଆଜି ବଲାଙ୍ଗୀର ଜିଲ୍ଲା ଓକିଲ ସଂଘ ଆୟୋଜନ ରେ  ସ୍ଥାନୀୟ ସିଭିଲ କୋର୍ଟ  ବାର୍ ହଲ୍ ଠାରେ ଏଡଭୋକେଟ ମାନଙ୍କ ‘ସ୍ଥିତି, ଭୂମିକା ଓ ଦାୟିତ୍ୱ‘ ଶୀର୍ଷକ ବିଷୟବସ୍ତୁ ଉପରେ ଏକ ସରଗର୍ଭକ ସେନମିନାର ଅନୁଷ୍ଠିତ ହୋଇଥିଲା। ସଂଘର ସଭାପତି ବାସୁଦେବ ରଥଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି ସେମିନାରରେ ମୁଖ୍ୟ ଅତିଥି ଭାବରେ ଜିଲ୍ଲା ଦୌରା ଜଜ୍ ଡ. ପବିତ୍ର ମୋହନ ସାମଲ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ଫେମିଲି ଜଜ୍ ବିକ୍ରମକେଶରୀ ପଟ୍ଟନାୟକ ଓ ମୁଖ୍ୟ ବକ୍ତା ଭାବରେ ବରିଷ୍ଠ ଏଡ୍‌ଭୋକେଟ ଗୌରୀଶ୍ୟାମ ପଣ୍ଡା ଯୋଗ ଦେଇ ଏକ ନ୍ୟାୟିକ ପ୍ରକ୍ରିୟାରେ ସମ୍ବିଧାନର ବିଧିବ୍ୟବସ୍ଥାକୁ ପାଳନ ପୂର୍ବକ ନିଜ ମହକିଲକୁ ନ୍ୟାୟ ପ୍ରଦାନ କରିବା ଦିଗରେ ଆଇନଜୀବୀ ମାନଙ୍କ ଏକ ଗୁରୁଦାୟିତ୍ୱ ରହିଛି ବୋଲି କହିଥିଲେ। କୋର୍ଟରେ ମୁକଦ୍ଦମା ଲଢ଼ିବା କେବଳ ଜଣେ ଓକିଲର ଦାୟିତ୍ୱ ନୁହେଁ ସତ୍ୟକୁ ଉଜାଗର କରିବା, ନିଜ ମହକିଲର ଅଧିକାରକୁ ସୁରକ୍ଷିତ ରଖିବା ଓ ସ୍ୱଚ୍ଛତା ଅବଲମ୍ବନ କରିବା ମଧ୍ୟ ଜଣେ ଓକିଲର ଦାୟିତ୍ୱ ହେବା ଉଚିତ। କୋର୍ଟର ଅଫିସର ଭାବରେ ଜଣେ ଏଡଭୋକେଟ ସ୍ୱରହୀନଙ୍କ ସ୍ୱର ହେବା ସହ ଏହି ମହତ୍ ବୃତ୍ତିକୁ ସମାଜର ହିତ ଉଦ୍ଦେଶ୍ୟରେ ବ୍ୟବହାର କରିବା ଉଚିତ। କୋର୍ଟକୁ ବିଭ୍ରାନ୍ତ ନ କରି ସତ୍ୟ ଓ ନ୍ୟାୟର ଉପସ୍ଥାପନା କରିବା ଜଣେ ଦାୟିତ୍ୱସଂପନ୍ନ ଆଇନଜୀବୀଙ୍କ ପ୍ରଥମ ଦାୟିତ୍ୱ ଅଟେ ବୋଲି ମୁଖ୍ୟବକ୍ତା ଶ୍ରୀ ପଣ୍ଡା କହିଥିଲେ। ସେମିନାରକୁ ବରିଷ୍ଠ ଏଡଭୋକେଟ୍ ଜୟକୃଷ୍ଣ ସାହୁ ସଂଯୋଜନା କରିଥିବା ବେଳେ ଚନ୍ଦ୍ରଶେଖର ମିଶ୍ର ସଭା ପରିଚାଳନା କରିଥିଲେ। ଅନ୍ୟ ମାନଙ୍କ ମଧ୍ୟରେ ବରିଷ୍ଠ ଏଡଭୋକେଟ୍ ଅମରେନ୍ଦ୍ର ମିଶ୍ର, ଭବାନୀ ଶଙ୍କର ଶତପଥୀ, ଅନନ୍ତ ଥନାପତି, କୁଶଳ ପଟେଲ, ଲିଙ୍ଗରାଜ ପାଢ଼ି, ମମତା ପ୍ରିୟଦର୍ଶିନୀ ମହାନ୍ତି, ସୁପ୍ରମା ବହିଦାର, ସାଗରିକା କର, ପ୍ରମୋଦ ବହିଦାର, ଜାଗୃତି ସାହୁ, ସନ୍ତୋଷ ଠାକୁର, ପ୍ରଜ୍ଞାମୟୀ ବହିଦାର, ମମତା ସୁନା ପ୍ରମୁଖ ଯୋଗ ଦେଇ ଶୀର୍ଷକ ବିଷୟବସ୍ତୁ ଉପରେ ନିଜର ମତାମତ ଉପସ୍ଥାପନ କରିଥିଲେ । ଗୋବିନ୍ଦ ମହାନ୍ତି, ସବିତା ମିଶ୍ର, ଦିପ୍ତୀ ଶର୍ମା ଓ ଅନ୍ୟ ମାନେ ସହଯୋଗ କରିଥିଲେ । ଅନ୍ୟ ମାନଙ୍କ ମଧ୍ୟରେ ଜିଲ୍ଲା ଓକିଲ ସଂଘର କୋଷାଧ୍ୟକ୍ଷ ସମୀର ମିଶ୍ର ମଂଚାସୀନ ଥିଲେ। ଶେଷରେ ସଂଘର ସଂପାଦକ ସଂଜୟ ବଗର୍ତ୍ତିୀ ଧନ୍ୟବାଦ ଅର୍ପଣ କରିଥିଲେ। ଏହି ଆଲୋଚନାଚକ୍ରରେ ଜିଲ୍ଲା ଓକିଲ ସଂଘର ସମସ୍ତ ସଭ୍ୟ ତଥା କୋଟର  ସମସ୍ତ ବିଚାରପତି ଉପସ୍ଥିତ ଥିଲେ ।