24-Jan-2021

ବଲାଙ୍ଗୀର (ପ୍ରେରଣା ଖବର ବ୍ୟୁରୋ) : ବଲାଙ୍ଗୀର ଜରାସିଂହା     ଗାଁରେ ଡବଲ ମର୍ଡର ଘଟଣା । ମାମଲାରେ ଅଧିକ ଛାନ୍‌ଭିନ୍‌ ପାଇଁ ପହଞ୍ଚିଲା ସାଇଣ୍ଟିଫିକ୍‌ ଟିମ୍ । ମୃତ ଧନମତ ରାଉତଙ୍କ ଘରେ ସାଇଣ୍ଟିଫିକ୍‌ ଟିମ୍‌ ପହଞ୍ଚି ଯାଞ୍ଚ କରିବା ସହ ଅଧିକ ତଥ୍ୟ ସଂଗ୍ରହ କରିବ ।

   ସେହିପରି  ଶ୍ରୀପତି ମୃତ ଶରୀରକୁ ହସ୍ପିଟାଲର ଶବ ବ୍ୟବଚ୍ଛେଦ ଗୃହରେ ରଖାଯାଇଛି ।  ବଲାଙ୍ଗୀର ଏସ୍‌ଡିପିଓଙ୍କ ଉପସ୍ଥିତିରେ ଶବ ବ୍ୟବଚ୍ଛେଦ କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଅନ୍ୟପଟେ ଗାଁରେ ପରିସ୍ଥିତି ନିୟନ୍ତ୍ରଣ ରହିଥିବା ବେଳେ ସୁରକ୍ଷା ପାଇଁ ୧ ପ୍ଲାଟୁନ ପୋଲିସ ଫୋର୍ସ  ମୁତୟନ କରାଯାଇଛି । ବରିଷ୍ଠ ପୋଲିସ ଅଧିକାରୀମାନେ ଗାଁରେ ଅନେକ ଲୋକଙ୍କ ପଚରଉଚରା ଜାରି ରଖିଛନ୍ତି 

ସୂଚନାଯୋଗ୍ୟ ଯେ, ଶନିବାର ସଂଧ୍ୟାରେ ଗୋଷ୍ଠୀ ସଂଘର୍ଷ କୁ ନେଇ ଦୁଇଜଣଙ୍କ ଜୀବନ ଯାଇଛି । ଶ୍ରୀପତି ଭେସ୍ରା ଓ ଧନମତ ରାଉତ ମଧ୍ୟରେ ପୂର୍ବ ଶତ୍ରୁତାକୁ କେନ୍ଦ୍ର କରି ପାଟି ତୁଣ୍ଡରୁ ଆରମ୍ଭ  ହେଲା କଳି।  ଉଭୟ ଙ୍କ ମଧ୍ୟରେ ମାରପିଟ୍ ଲାଗିଗଲା। ହଠାତ୍  ଶ୍ରୀପତି  ଭେସ୍ରା ହାତରେ ଧରିଥିବା ଏକ ଟାଙ୍ଗିଆ ରେ ଧନମତ ରାଉତ କୁ ଆକ୍ରମଣ କରିଥିଲା।
ପାଲଟା ଆକ୍ରମଣ କରିଥିଲା ଧନମତ । ଘଟଣାସ୍ଥଳରେ ଉପସ୍ଥିତ ଥିବା କର୍ମ ସୁନା ଓ ବ୍ରାମହା ସୁନା ସେମାନଙ୍କୁ ଅଟକାଇବାକୁ ଯାଇଥିବା ବେଳେ ସେମାନେ ମଧ୍ୟ ଆକ୍ରମଣର ଶିକାର ହୋଇଥିଲେ। ଘଟଣାସ୍ଥଳରେ ଶ୍ରୀପତି ଓ ଧନମତଙ୍କ ମୃତ୍ୟୁ ଘଟିଥିବା ବେଳେ କର୍ମ  ଓ ବ୍ରାମହା  ଗୁରୁତର ହୋଇଥିଲେ। ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି  । ତେବେ ଘଟଣାରେ ଏବେବି ୫ ଜଣକୁ ଅଟକ ରଖି ପଚରାଉଚୁରା କରୁଛି ପୋଲିସ l ଦେଓଗାଁ, ବଲାଙ୍ଗୀର ଆଦର୍ଶ ଥାନାର ଉଭୟ ଟିମ୍ ଘଟଣାର ଛlନଭିନ କରୁଛନ୍ତି ।