24-Jan-2021

ନୟାଗଡ଼ (ପ୍ରଦୀପ କୁମାର ପଣ୍ଡା): ନବ ନିର୍ମାଣ କୃଷକ ସଂଘ ନୟାଗଡ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କ କୁଶପୁତ୍ତଳିକା ଦାହ କରିଛନ୍ତି | ଦିଲ୍ଲୀ ଯାଉଥିବା କୃଷକ ମାନଙ୍କୁ ଆଦିତ୍ୟ ନାଥ ପୋଲିସ ଲଗାଇ ଅଟକାଉ ଥିବା ଏବଂ ସେମାନଙ୍କ ପ୍ରତି କରୁଥିବା ଅନ୍ୟାୟ ଅତ୍ୟାଚାର ବିରୁଦ୍ଧରେ କୃଷକ ମାନଙ୍କ ତରଫରୁ ପ୍ରତିବାଦ ସଭା ଏବଂ କୁଶପୁତ୍ତଳିକା ଦାହ କରାଯାଇଛି | ଉକ୍ତ ପ୍ରତିବାଦ ସଭାରେ ଓଡିଶା ନବ ନିର୍ମାଣ କୃଷକ ସଂଗଠନର ନୟାଗଡ଼ ଜିଲ୍ଲା ସଂଯୋଜକ ମହେଶ୍ୱର ଜେନା, ଜିଲ୍ଲା କଂଗ୍ରେସ ସଭାପତି ରଣଜିତ ଦାଶ, କୃଷକ ନେତା ତଥା ବିଧାୟକ ପ୍ରାର୍ଥୀ ମନୋଜ ସାହୁ, ଓଡଗାଁ ବ୍ଳକ ସଂଯୋଜକ ବସନ୍ତ କୁମାର କର ପ୍ରମୁଖ ଯୋଗ ଦେଇଥିଲେ | ଏହି ସଭାରେ ବକ୍ତା ମାନେ କେନ୍ଦ୍ର ସରକାର ଏବଂ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ କୃଷକ ମାରଣ ନୀତିକୁ ସମର୍ଥନ କରୁଥିବାରୁ ତାଙ୍କୁ ନିନ୍ଦା କରିବା ସହିତ ଆଗକୁ ପ୍ରତିବାଦର ସ୍ୱର ଆହୁରି ତୀବ୍ରତର  ହେବ ବୋଲି ଚେତାବନୀ ଦେଇଛନ୍ତି |