23-Jun-2025

ଗୁଡ଼ଭେଲା (ପ୍ରେରଣା ଖବର): ବଲାଙ୍ଗିର ଜିଲ୍ଲା ଗୁଡଭେଲା ବ୍ଲକର ଋଷୁଡା ଗ୍ରାମ ପଞ୍ଚାୟତସ୍ଥ ଉପାନ୍ତ ଲିଖିରିଆ ଗ୍ରାମର ଶ୍ରୀମାନ ରୋନକ ସାହୁ(ପ୍ରିନ୍ସ ) ନିଟ ପରୀକ୍ଷାରେ ୫୬୫ ନମ୍ବର ରଖି ସର୍ବ ଭାରତୀୟ ସ୍ତରରେ ୬୬୪୭ ଏବଂ ଓବିସି ବର୍ଗରେ ୨୬୭୯ ରେଙ୍କ ହାସଲ କରି ଗୌରାବାନ୍ୱିତ କରିଛନ୍ତି | ପିତା ବିରେନ୍ଦ୍ର ସାହୁ ଓ ମାତା ଗିରିଜା ସାହୁଙ୍କ ଏକମାତ୍ର ପୁତ୍ର ରୋନକ ସାହୁ ଯିଏ କି ଗ୍ରାମାଞ୍ଚଳ ଜରାସିଂହା ପବ୍ଲିକ ସ୍କୁଲ ବିଦ୍ୟାଳୟ ଆରମ୍ଭ, ଷଷ୍ଠରୁ ଦଶମ ଶ୍ରେଣୀ ଅଧ୍ୟୟନ, ନବୋଦୟ ବିଦ୍ୟାଳୟ ବେଲପଡା,ଓ ଯୁକ୍ତ ୨ ବିଜ୍ଞାନ ବିକାଶ ବରଗଡ଼ରେ ରେ ୯୫.୮ ମାର୍କ ରଖି  ଉତ୍ତୀର୍ଣ ହୋଇଥିଲେ | ପ୍ରଥମ ଶ୍ରେଣୀରୁ ଯୁକ୍ତ ଦୁଇ ବିଜ୍ଞାନ ପର୍ଯ୍ୟନ୍ତ ପ୍ରତ୍ୟେକ ଶ୍ରେଣୀରେ ୯୫ପ୍ରତିଶତରୁ ଅଧିକ ମାର୍କ ରଖି ସର୍ବଦା ଶ୍ରେଣୀର୍ରେ ଶିକ୍ଷକ ଶିକ୍ଷୟତ୍ରୀ, ଛାତ୍ରଛାତ୍ରୀ, ସାଙ୍ଗସାଥୀ ତଥା ସମସ୍ତଙ୍କର ପ୍ରିୟଭାଜନ ହୋଇଥିଲେ | ବିନା ନିଟ କୋଚିଂ ତଥା ପ୍ରଥମ ପଦାର୍ପଣରେ ନିଟ ପରୀକ୍ଷାରେ କୃତିତ୍ୱ ହାସଲ କରିଥିବାରୁ ସମସ୍ତେ ଭୁରି ଭୁରି ପ୍ରଂଶସା କରିବା ସହ ଅଭିନନ୍ଦନର ଶୁଭେଚ୍ଛା ଓ ବାର୍ତ୍ତା ଆସୁଅଛି |ଏହି  ସଫଳତାର ଶ୍ରେୟ ପିତାମାତା, ଅଜା କହ୍ନାଇ ଚରଣ ଓ ଆଈ ଆଶା, ବନ୍ଧୁଜନ ସମ୍ପର୍କୀୟ ତଥା ଗୁରୁଜନ ଙ୍କ ଶୁଭାଶୀର୍ବାଦ ଫଳରେ ସମ୍ଭବ ହୋଇ ପାରିଛି ବୋଲି ମତବ୍ୟକ୍ତ କରିଛନ୍ତି|