23-Jan-2021

ଖଲ୍ଲିକୋଟ (ପ୍ରେରଣା ଖବର ବ୍ୟୁରୋ) : ଗାଡି ଚେକିଂ ବେଳେ ପୋଲିସ କର୍ମଚାରୀଙ୍କ ଦବଙ୍ଗଗିରି । ଫାଣ୍ଡି କନେଷ୍ଟବଳ ଯୁବକଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିବା ସହ ଚାପୁଡା ମାରିଥିବା ଦେଖିବାକୁ ମିଳିଛି । ଏ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି ।

ଭାଇରାଲ୍ ଭିଡିଓରେ ଦେଖିବାକୁ ମିଳିଛି ଯେ, ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ ଭେଜିପୁଟ ଫାଣ୍ଡି ତରଫରୁ ଗାଡି ଚେକିଂ ଚାଲିଛି । ସେହି ସମୟରେ ଫାଣ୍ଡି କନେଷ୍ଟବଳ ସୁଦର୍ଶନ ଜେନା ଜଣେ ଯୁବକଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିବା ସହ ଚାପୁଡା ପରେ ଚାପୁଡା ମାରୁଛନ୍ତି । ଫଳରେ ଯୁବକଙ୍କ ମୁହଁ ଫାଟି ରକ୍ତ ବାହାରୁଛି । ସେହି ଯୁବକଙ୍କୁ ଅଟୋରେ ବସାଇ ଥାନାକୁ ନେଇ ଯାଉଛନ୍ତି ପୋଲିସ କର୍ମଚାରୀ ।

ଏହି ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ନିଜ କ୍ଷମତାର ଅପବ୍ୟବହାର କରିବା ସହ ଦବଙ୍ଗଗିରି ଦେଖାଉଛନ୍ତି କନେଷ୍ଟବଳ । ନିରୀହ ଯୁବକ ଜଣଙ୍କୁ ସଚେତନ କରିବା ପରିବର୍ତ୍ତେ ଫାଣ୍ଡି ଅଧିକାରୀଙ୍କ ଉପସ୍ଥିତିରେ ନିଜର ଦବଙ୍ଗଗିରି ଜାହିର କରୁଛନ୍ତି । କେବଳ ସେତିକି ନୁହେଁ କନେଷ୍ଟବଳ ଜଣଙ୍କ ମଦ ପିଉଥିବାର ମଧ୍ୟ ଦେଖିବାକୁ ମିଳିଥିଲା ।