12-Jun-2025

କଣ୍ଟାମାଳ(ଜୟ କୁମାର ମହାରଣା):ବୌଦ୍ଧ ଜିଲ୍ଲା ଘଣ୍ଟାପଡା ଥାନା ଅନ୍ତର୍ଗତ ମାଣ୍ଡିଆଜୋର-କୋଡିବାହାଲି ରାସ୍ତାରୁ ଚୋରା ଚାଲାଣ ହେଉଥିବା ବାଇକ ସହ ଗଞ୍ଜେଇ ପୋଲିସ ଜବତ କରିଥିବାବେଳେ ଗଞ୍ଜେଇ ମାଫିଆ ଫେରାର ହୋଇଯାଇଥିବା ଘଣ୍ଟାପଡା ପୁଲିସ ସୂତ୍ରରୁ ପ୍ରକାଶ  l  ସୂଚନାମତେ ଗଞ୍ଜେଇ ଚୋରା ଚାଲାଣ ହେଉଥିବା ଘଣ୍ଟାପଡା ପୁଲିସ ବିଶ୍ଵସ୍ତ ସୂତ୍ରରୁ ଖବର ପାଇ  ଘଣ୍ଟାପଡ଼ା(ମାଣ୍ଡିଆଯୋର)- କୋଡ଼ିବାହାଲ ରାସ୍ତା ମଝିରେ ଛକି ରହିଥିଲା। ସେହି ରାସ୍ତାରେ ଗଞ୍ଜେଇ ଧରି ବାଇକରେ ଆସୁଥିବା ଚୋରାଚାଲାଣକାରୀ ପୁଲିସକୁ ଦୂରରୁ

ଦେଖି କେତେକ ବାଇକ ଛାଡ଼ି ଚମ୍ପଟ ମାରିଥିଲେ। ଆଉ କେତେଜଣ ନିଜ ବାଇକ ବୁଲାଇ ଫେରାର ମାରିଥିଲେ  l  ପୁଲିସ ସନ୍ଦେହରେ ମାଫିଆମାନେ ଛାଡି ଯାଇଥିବା ବାଇକ ଗୁଡିକ ନିକଟକୁ ଯାଇ ଯାଞ୍ଚ କରିଥିଲେ | ପୁଲିସ୍ ଘଟଣାସ୍ଥଳରୁ ପ୍ରତ୍ୟେକ ଗାଡ଼ିରେ ଗଞ୍ଜେଇ ବାନ୍ଧଯାଇଥିବା ୪ଟି ବାଇକ ଜବତ କରିଥିଲା l  ମାଜିଷ୍ଟ୍ରେଟଙ୍କ ଉପସ୍ଥିତିରେ ଗଞ୍ଜେଇ ଓଜନ କରିବାରୁ ୧କୁଇଣ୍ଟାଲ ହୋଇଥିଲା। ଏନେଇ ଘଣ୍ଟାପଡ଼ା ଥାନାରେ ଏକ ମାମଲା ରୁଜୁ କରି ଅଧିକ ତଦନ୍ତ କରୁଥିବା ନେଇ ଥାନାଧିକାରୀ ମାଧବ ଚନ୍ଦ୍ର ଟାକ୍ରି ସୂଚନା ପ୍ରଦାନ କରିଛନ୍ତି।