05-Jun-2025

ବୀରମହାରାଜପୁର, (ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମହାବିଦ୍ୟାଳୟ ରେ ଗୁରୁବାର ଜାତୀୟ ସମର ଶିକ୍ଷାର୍ଥୀ ବାହିନୀ ପକ୍ଷରୁ ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି। ଚଳିତ ବର୍ଷର ଥିମ୍ ରହିଛି ପ୍ଲାଷ୍ଟିକ ମୁକ୍ତ ବିଶ୍ଵ ଗଠନ। ଏହି ଅବସରରେ କଲେଜର ଅଧ୍ୟକ୍ଷ ଡ଼ ହିମାଂଶୁ ଶେଖର ପାଢୀ ମୁଖ୍ୟ ଅତିଥି ଭାବେ ଯୋଗଦେଇ କିପରି ଭାବେ ପ୍ଳାଷ୍ଟିକ ମୁକ୍ତ ବିଶ୍ଵ ଗଠନ କରାଯାଇ ପାରିବ ସେ ସମ୍ପର୍କରେ ମତବ୍ୟକ୍ତ କରିଥିଲେ। ଏଥିସହ କଲେଜ ପରିସରରେ ଅତିଥି ଓ ସମର ଶିକ୍ଷାର୍ଥୀଙ୍କ ଦ୍ଵାରା ବୃକ୍ଷ ରୋପଣ କରିବା ସହ କଲେଜ ପରିସରକୁ ସଫା ସୁତୁରା କରାଯାଇଥିଲା। ଅନୁଷ୍ଠିତ ସଭାରେ ଏନସିସି ଅଫିସର ଓଡ଼ିଆ ଅଧ୍ୟାପକ କ୍ୟାପଟେନ ସୂର୍ଯ୍ୟନାରାୟଣ ପଣ୍ଡା ସଭା ସଂଯୋଜନା କରିଥିବା ବେଳେ ସିନିୟର ଅଣ୍ଡର ଅଫିସର ସମର ଶିକ୍ଷାର୍ଥୀ ଦୀପକ ରଣା ଧନ୍ୟବାଦ ଅର୍ପଣ କରିଥିଲେ । ଏଥିରେ କଲେଜର ସମସ୍ତ ସମର ଶିକ୍ଷାର୍ଥୀ ଯୋଗଦେଇଥିଲେ।