06-May-2025

ଅତାବିରା(ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ଦେବାହଲ ରେଲୱେ ଲାଇନ ମଝିରେ ରେଲୱେ ପୋଲିସ ଏକ ମହିଳାଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ବରଗଡ ସ୍ଥିତ ଖେଦାପାଲିକୁ ପଠେଇଥିବା ଜଣାପଡିଛି ।ପ୍ରକାଶ ଥାଉ କି କୌଣସି ସୂତ୍ରରୁ ଖବର ପାଇ  ବରଗଡ଼ ରେଲୱେ ପୋଲିସ ର ଏସ ଆଇ ଦୁଃଖନାଶନ କୁମରା ଓ ସମ୍ବଲପୁର ରେଳୱେ ପୋଲିସ ଜି ଆର୍ ପି ଦୁଷ୍ମନ୍ତ ନାଏକ, କନଷ୍ଟେବଳ ସୋନୁଶ୍ରି ରାଉତ ଘଟଣା ସ୍ଥଳରେ ପହଞ୍ଚି ମୃତ ମହିଳା ଙ୍କ ପରିଚୟ ଓ ତାଙ୍କ ପରିଚିତ ବ୍ୟକ୍ତି ଙ୍କ ବିଷୟରେ ପଚରା ଉଚୁରା କରୁଥିବା ବେଳେ  ମୃତ ମହିଳାଙ୍କ ପୁଅ ଅନନ୍ତ ଓ ମାମୁଁ ଅଚ୍ୟୁତ ମହାପାତ୍ର ପହଞ୍ଚି ତାଙ୍କର ପରିଚୟ ଦେଇଥଲେ । 
ମୃତ ମହିଳା ଜଣକ ବରଗଡ଼ ଜିଲ୍ଲା ଭଟଲି ଥାନା ଅନ୍ତର୍ଗତ ଭଟିଗାଁ ର ସନୋଷିନି (୪୫) , ନିଜ  ସ୍ବାମୀଙ୍କ ସହ ଗତକାଲି  ସନ୍ଧ୍ୟାରେ  କୌଣସି କାରଣରୁ ଝଗଡ଼ା କରି ଘରୁ ଚାଲି ଆସି ଥିଲେ  ଓ ରେଳରେ ଆତ୍ମ ହତ୍ୟା କରିଛି ବୋଲି ମୃତକଙ୍କ ପରିବାର ଲୋକେ ପୋଲିସ ଆଗରେ ପ୍ରକାଶ କରିଥିଲେ । ପୋଲିସ ପକ୍ଷରୁ ତଦନ୍ତ ଜାରି ରହିଛି । ବ୍ୟବଚ୍ଛେଦ ପରେ ମୃତ ଶରୀରକୁ ଆଜି ପରିବାରକୁ ହସ୍ତାନ୍ତର କରାଯାଇଛି ।