20-Jan-2021

ବଲାଙ୍ଗୀର, (ପ୍ରେରଣା ଖବର)-ପଶ୍ଚିମ ଓଡିଶାର ବିଶିଷ୍ଟ ସମାଜସେବୀ ତଥା ଶ୍ରମିକ ନେତା ଲଳିତ କୁମାର ନାୟକଙ୍କ ଅକାଳ ବିୟୋଗରେ ନେସନାଲ ପିସ୍ ୟୁନିସନ ପକ୍ଷରୁ ପକ୍ଷରୁ ସ୍ଥାନୀୟ ପାର୍କ ଲ୍ୟାଣ୍ଡ ହୋଟେଲ ଠାରେ ଏକ ଶୋକ ସଭା ଅନୁଷ୍ଠିତ ହୋଇଥିଲା । ଯୁବ ଗାୟକ ବୁବୁ ଉଦ୍‌ଗାତାଙ୍କ କଣ୍ଠରେ ପୂଣ୍ୟାତ୍ମା ସ୍ୱର୍ଗତ ଲଳିତ ନାୟକଙ୍କ ସ୍ମୃତି ଉଦ୍ଦେଶ୍ୟରେ ପୁରୁଣା ହିନ୍ଦୀ ଗୀତ ‘ଜାନେ କୌନ୍‌ସା ଦେଶ ଯାହାଁ ତୁମ ଚଲେ ଗୟେ....’  ଉପସ୍ଥିତ ଦର୍ଶକଙ୍କୁ ଭାବବିହ୍ୱଳ କରି ଦେଇଥିଲା । ନେସନାଲ ପିସ୍ ୟୁନିସନର ନିର୍ଦ୍ଦେଶକ ସତ୍ୟ ରଂଜନ ମିଶ୍ରଙ୍କ ଆବାହକତ୍ୱରେ ଅନୁଷ୍ଠିତ ଏହି ଶୋକ ସଭାରେ ପ୍ରଥମେ  ସ୍ଵର୍ଗତ ଲଳିତ ନାୟକଙ୍କ ଅମର ଆତ୍ମାର ସଦ୍‌ଗତି ନିମନ୍ତେ  ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ସାଇଟ୍ ର ପ୍ରତିଷ୍ଠାତା ଶ୍ରୀକର ମିଶ୍ର, ଗୁରୁ ଘାସିରାମ ମିଶ୍ର, ବରିଷ୍ଠ ସାମ୍ବାଦିକ ସତ୍ୟ ନାରାୟଣ ବେହେରା, ଡ. ଲକ୍ଷ୍ମୀକାନ୍ତ ମହାପାତ୍ର ଏବଂ ନେସନାଲ୍ ପିସ୍ ୟୁନିସନର ଅଧ୍ୟକ୍ଷ ରବି ରଂଜନ ପୂଜାରୀ ପ୍ରମୁଖ ମଞ୍ଚାସୀନ ରହି ଲଳିତ ନାୟକଙ୍କ ଫଟୋଚିତ୍ରରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଅନ୍ୟ ମାନଙ୍କ ମଧ୍ୟରେ ବିଜେପି ନେତା ଗୋପାଲଜୀ ପାଣିଗ୍ରାହୀ, ଅନନ୍ତ ଦାସ, ବିଙ୍ଗ୍ ହ୍ୟୁମେନ୍‌ର ସଭାପତି ସୋମନାଥ ମିଶ୍ର, ସାଗରିକା ଗୁରୁ, କଂଗ୍ରେସ ନେତା ବିଧୁଭୂଷଣ ତ୍ରିପାଠୀ, ଏଡ୍‌ଭୋକେଟ ଭବାନୀ ଶତପଥୀ, ଶଶୀଭୂଷଣ ପୁରୋହିତ, ରତନ ମହାରଣା, ରଘୁ ନନ୍ଦନ ସିଂହ, ଜିଲ୍ଲା ସାମ୍ବାଦିକ ସଂଘ ର ସଭାପତି ହରିନାରାୟଣ ପୁଝାରୀ, ସାମ୍ବାଦିକ ଶରତ ମିଶ୍ର ନାରୀ ନେତ୍ରୀ ସରସ୍ୱତୀ ନନ୍ଦ, ଆହ୍ଲଦ ପୂଜାରୀ, ଜିଲ୍ଲା ବଣିକ ସଂଘର ସଭାପତି ତ୍ରିପୁରାରୀ ପାଣିଗ୍ରାହୀ ପ୍ରମୁଖ ଲଳିତ ନାୟକଙ୍କ ନେତୃତ୍ୱ ଶୈଳୀ, ସେବା ମନୋଭାବ ଓ ସମସ୍ତଙ୍କୁ ନିଜର କରିବାର କଳା ସଂପର୍କରେ ମନେ ପକାଇଥିଲେ । ଏହି ଶ୍ରଦ୍ଧାଞ୍ଜଳି ସଭାରେ ସହରର ବହୁ ମାଣ୍ୟଗଣ୍ୟ ବ୍ୟକ୍ତି ଓ ଲଳିତ ପ୍ରେମୀ ଯୋଗ ଦେଇଥିଲେ ।